ꞌLuuka 23:4 - ꞌBuuk cĩ Thõõth cĩ Nyekuci

⁴ Ma ho, uduhaak Pĩlaatõ makayyiook cĩg paadĩrꞌnyaannu hĩ lothippit ĩĩnnĩk, “Aitiõõ thõõth ꞌcĩ abathĩ ꞌcĩ hammũda naa ẽꞌthẽcan ẽẽtĩ ciee tõõ.”

ꞌLuuka 23:4 ပူးပေါင်းရင်းမြစ်များ

Maatteeo 27:19

Ma baa nga iccioloongan Pĩlaatõ dtaabawa cĩnnĩ ĩcĩ habuẽẽꞌthĩtõõ, ikia ĩꞌthõõa ngaa cĩnnĩ nyeemuut ꞌcĩ aĩ, “Ma haddangaahi eet niccia ammĩrĩ hataa, hĩnĩngĩtĩ accanannaa nganĩĩt honoothi aabaal gẽrrẽẽt, hĩnĩngĩtĩ ĩnõõnnõ.”

Maarko 15:14

Ma ho, ijin Pĩlaatõ ĩhõõggõ ĩĩnnĩk, “Inni? Ne baa ꞌcĩ ẽꞌthẽcan Yeesu ho?” Ẽggẽrẽny hinnia gẽrrẽẽt aĩ, “Toddoeek ĩnõõnnõ hurucceea!”

ꞌLuuka 23:22

Nĩngĩtĩ ajini Pĩlaatõ ĩhõõggõ hĩĩ tabattĩ iyyio annẽẽkĩ, “Inni? Ẽꞌthẽcan ẽẽtĩ ciee neegi? Aitiõõ ꞌgii umwaa ꞌcĩ hammũda naa ꞌcĩ ẽꞌthẽcan ẽẽtĩ ciee tõõ. Ma aaĩ noho, haaꞌnyihi hatĩ naa huuki nẽ alahanoothĩha.”

Yõaannẽ 18:38

Baa ajin Pĩlaatõ Yeesu anneek, “Thõõth iina ꞌcĩ ĩĩn dĩdĩ ho?” Ma nĩngaata, õbõdõõthĩ Pĩlaatõ battaala nẽ ũũk uduhaak eeta cĩg ꞌJudeei ĩĩnnĩk, “Ammĩrĩ ẽẽtĩ ciee nga hẽꞌthẽcan thõõth umwa ũdũt.

Dtiicanĩ cĩg ꞌThooyyiahu 25:25

Nẽ muhẽẽttaa caannĩ, aitiõõ ꞌgii ꞌcĩ ẽꞌthẽcan ẽẽtĩ ciee ꞌcĩ abathĩ tõõ, ꞌcĩ occa aaꞌnyĩk ĩnõõnnõ hetteedoothĩk daahĩthĩ. Baa atab nẽẽ thõõth cĩnnĩ hũũk hĩthĩk habuui cobbi cĩ ꞌRooma, nĩngĩtĩ haĩnnĩ naa, aꞌnyĩĩk hũũk ꞌRoomattĩ.

Dtiicanĩ cĩg ꞌThooyyiahu 3:13

Nyekuc cĩ Abũrahamĩ hĩ cĩ Iꞌthaako hĩ cĩ Yakobo, Nyekuc cĩ hĩbaangĩ cĩggaac ꞌcĩ aggatan dticciannioohit cĩnnĩ Yeesu baa õhõppõõcannu niig huruhi. Baa aburru niig Yeesu hẽbẽrẽẽnnĩĩ cĩg Pĩlaatõ, tananga baa adiim alahaneek Pĩlaatõ ĩnõõnnõ hũũk.

Ebereei 7:26

Ĩĩn Yeesu paadĩr cobbi ꞌcĩ hadiim naag, hĩnĩngĩtĩ ẽllẽẽmĩth nẽẽnĩ, tẽlla nẽ hiꞌthihi ꞌthẽccan. Aitiõõ Yeesu ꞌthẽccanĩ tõõ nẽ aaꞌnyĩhoothĩk nĩngĩtĩ cobbi cĩ bulẽẽttõ hẽẽtahujjieen.

1 Pẽẽtũrũ 1:19

Baa eelliannu niig biyyiẽẽtĩĩ ꞌcĩg aaddi ĩcĩg Krĩstõ, mĩꞌnyõõn cĩ Nyekuci ꞌcĩ hiꞌthihi ꞌthẽccan nẽ aitiõõ nyakẽmẽẽr tõõ.

1 Pẽẽtũrũ 2:22

Baa hõllõngaa ẽꞌthẽcan Krĩstõ thõõth umwa hode aduha õlõng.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.