ꞌLuuka 23:34 - ꞌBuuk cĩ Thõõth cĩ Nyekuci

³⁴ Ma nĩngaata, õthõõth Yeesu ĩĩ, “Baaba, tamaatĩk ĩhõõggõ, hĩnĩngĩtĩ hõllõngaa aga nẽẽg thõõth ꞌcĩ adĩman ko.” Ma ho, eꞌngerit nẽẽg ceremwa cĩgĩnnĩg ꞌgõõlẽẽ ꞌcĩ attĩmanĩ tooto.

ꞌLuuka 23:34 ပူးပေါင်းရင်းမြစ်များ

ꞌThianaattõ 50:17

‘Uduktaak hatĩ Yothebo ĩĩttĩk haini naa, ma nga haarihi thõõth baa adĩmanni ꞌgotoonogu ꞌbuth ꞌthĩnĩt.’ Ẽlẽ, baa ꞌthẽk hĩdĩmattii ꞌbuth dĩdĩ, tamaatĩheet baaĩ nuun ngagĩĩt dticcianniook cĩg Nyekuc cĩ maaconu.” Ma baa õdõlan nyeemuut ciee Yothebo ho, akannĩ hinnia ulwa nĩĩcĩ noho.

Maatteeo 11:25

Ma kõr niccia, õthõõth Yeesu ĩĩ, “Hadihiꞌthii naa nganiit Baaba caannĩ, Makayyioohit cĩ hẽẽtkujjieen hĩ cĩ lootu, hĩnĩngĩtĩ agunyuthi nii hẽlẽggĩ iccig vẽlẽk hĩ eet ꞌcĩg ĩĩn ꞌgeeꞌnyiak, hĩ ꞌcĩg illimattĩ vẽlẽk nẽ eteretheehu lõhõlĩ ꞌcĩg kidicig.

Maatteeo 11:26

Eei Baaba, hĩnĩngĩtĩ baa ĩĩn ciee thõõth ꞌcĩ accamanaa niina.

Maatteeo 5:44

Nẽẽthĩ, haduhaakuung hanneekuung, ĩmmĩnanit mĩrõk cugguung nẽ alayyiooyyu eet ꞌcĩg adĩmannuung ngagiit ꞌbuth.

Maarko 15:24

Nĩngĩtĩ õdõõddĩkĩ nẽẽg Yeesu hurucceea nẽ eꞌngerit ceremwa cĩgĩnnĩg ꞌgõõlaa ꞌcĩ baa attĩmanĩ tooto, hetereꞌthia nganĩ ꞌcĩ occa õkõõĩ cẽrẽm ꞌcĩ atab nẽẽnĩ.

ꞌLuuka 22:42

“Baaba, má atabi, ꞌtiik hooppo icci pĩĩrnattõõ ho battaala, nẽẽthĩ nẽẽꞌthẽk, dĩman hĩcĩ atabi niina hõllõngaa hĩcĩ hatabi naana.”

Yõaannẽ 17:9

Halaiini naa ĩhõõggõ. Hõllõngaa halaiini eet cĩg looc nicci. Nẽẽthĩ, halaiini eet baag aaꞌnyaa nii nganĩĩt, hĩnĩngĩtĩ ĩĩn nẽẽg eet cugunnig.

Yõaannẽ 19:11

Ẽdẽcĩ Yeesu Pĩlaatõ anneek, “Má nga haaꞌnyi Nyekuci ꞌtirrian, aitiõõ ꞌgii ꞌcĩ occa adĩmaneekaa nii nganĩĩt tõõ. Nẽẽthĩ, ẽꞌthẽcan ẽẽtĩ ꞌcĩ aꞌnyahaanna nganĩĩt hĩ nganiit ko gẽrrẽẽt ũdũt.”

Dtiicanĩ cĩg ꞌThooyyiahu 16:28

Tõjõhõ heggerenyeek Paaulo ꞌgaalac cĩ baabuutho ho hĩĩnnĩk, “Ẽlẽ ma haruhi ẽlẽ cunni haaga! Aitiõõ ẽẽtĩ ꞌcĩ avvir ngaati thõng tõõ.”

Dtiicanĩ cĩg ꞌThooyyiahu 3:17

“ꞌGotoonoga hĩ ngoonoga, hammuhi occa erekuung ngagiit ꞌgii baa adticannu hĩ baa makayyiooha cugguung.

Dtiicanĩ cĩg ꞌThooyyiahu 7:60

Nĩngĩtĩ akannĩ huruꞌnyia nẽ urruuo ĩĩ, “Makayyioohit, ma haaꞌnyihi ĩhõõggõ heteheelito ꞌthẽccan icci.” Baa aduha nẽẽ thõõth icci noho, nĩngĩtĩ adaaknĩ.

ꞌRooma 12:14

Alaac Nyekuc haggatan eet ꞌcĩg adĩmannuung ngagiit ꞌbuth. Alaac ĩnõõnnõ haggatan ĩhõõggõ thõng, hiittiõõ hõllõngaa accĩĩn thõng.

1 Korinthia 2:8

Baa hõllõngaa aga ꞌgaala cĩg looc nicci ꞌgẽẽnyĩth icci ũdũt. Má baa hagaacõ, occa ꞌyioko baa hõllõngaa odooddĩk nẽẽg Makayyioohit ꞌcĩ abuli hurucceea.

1 Korinthia 4:12

Hadticaniinna gẽrrẽẽt athĩnĩĩ cĩggaang ẽmmẽn. Má accĩĩnneet eeta, haggatanna naag thõng, má adĩmanneet eeta ꞌbuth, hẽmmẽẽꞌtha.

1 Timotteeo 1:13

Tananga baa gõõng hothoothi naa thooꞌthiok ꞌcĩg abathĩ ꞌcĩg hõdõõmĩ Nyekuc, hĩ ꞌcĩg huuki lemmiook cĩgĩnnĩg gẽrrẽẽt, aalla ammaannĩkaa nẽẽ nganĩĩt noho, hĩnĩngĩtĩ baa nga hẽlẽm naa ĩnõõnnõ nẽ nga haga thõõth ꞌcĩ hadticani ho buúk.

1 Pẽẽtũrũ 3:9

Ma haruhaannu oolo thooꞌthiohĩĩ ꞌcĩg abathĩ, hode ma hodommu ꞌgoonogu ꞌcĩg odoommuung ngagiita. Nẽẽthĩ hinnianĩ, aggatanit eet ꞌcĩg odoommuung thõng. Thõõth baa avvaannuung Nyekuci ngagiit ĩdĩmanit cieeni nẽ aggatannuung hatĩ nẽẽ, hĩnĩngĩtĩ thõõth icci.