ꞌLuuka 23:2 - ꞌBuuk cĩ Thõõth cĩ Nyekuci

² Nẽ iꞌthiattaaĩ õhõppõõcanit ĩnõõnnõ hĩ Pĩlaatõ ĩĩtõ, “Hammũdaanna eet icci adiim alũllũũman eet cĩggaang hĩkooꞌthia jore. Nẽ tarĩ, ũlũllũũman eet hiittiõõ hõllõngaa adũmaneek habu cobbi cĩ ꞌRooma occoro nẽ õthõõth ĩĩ, hĩĩnĩ Krĩstõ habu.”

ꞌLuuka 23:2 ပူးပေါင်းရင်းမြစ်များ

Maatteeo 17:27

Bĩĩt dhuheek nyelelewwa bũlũcatõõ nẽ utuguraa ulugooc ꞌcĩ oou ꞌcĩ aggami. ꞌBuuk ũtũg cĩnnĩ, ammũda hatĩ ꞌrabbaacit ꞌcĩ hũtũrĩ ũtũũgatõõ ꞌcĩ ũũppan ꞌdinaarꞌnya ꞌwec, ꞌtiha dũmanĩ occoro cugguung hĩ cĩgannĩg buúk.”

Maatteeo 22:21

Ẽdẽcĩ nẽẽg anneek, “Cĩ habu cobbi cĩ ꞌRooma.” Ẽdẽcĩ Yeesu anneek, “Aanytĩk habu cĩ ꞌRooma hẽlẽggĩ cĩgĩnnĩg nẽ aanytĩhu Nyekuc hẽlẽggĩ cĩgĩnnĩg.”

Maatteeo 27:11

Ma baa aꞌnyakiaa Yeesu hikia hĩbĩl muumaa cĩ Pĩlaatõ ho, ikia ijin Pĩlaatõ ĩnõõnnõ ĩĩnnĩk, “Ĩĩnĩ nii habu cĩ ꞌJudeei?” Ẽdẽcĩ Yeesu aĩ, “Aaĩ hĩcĩ aduha nii ho.”

Maarko 12:17

Nĩngĩtĩ aduhaakĩ Yeesu ĩhõõggõ annẽẽkĩ, “Aanytĩk habu cobbi cĩ ꞌRooma ꞌgii cĩnnĩ nẽ aanytĩhu Nyekuc ꞌgii cĩ Nyekuci.” Ma nĩngaata, iita idhirriaangtĩ nẽẽg gẽrrẽẽt, hĩnĩngĩtĩ thõõth cĩ Yeesu ho.

Maarko 15:2

Ma ho, ijin Pĩlaatõ Yeesu ĩĩnnĩk, “Ĩĩnĩ nii habu cĩ ꞌJudeei?” Ẽdẽcĩ Yeesu anneek, “Eeĩ, hĩcĩ aduha nii ho.”

ꞌLuuka 23:14

nẽ uduhaak ĩĩnnĩk, “Aꞌnyahaakaangu niig nganĩĩt eet icci ainnu alũllũũman eet hĩkooꞌthia jore. Nẽ ꞌyioko, hijina naa jurrung hẽbẽrẽẽnnĩĩ cugguung nẽ hammũda ammĩrĩ thõõthaa ꞌcĩ abillu niig ĩnõõnnõ ho.

ꞌLuuka 23:5

Ara hinnia attĩnganeek nẽẽg thõõth noho aĩ, “Akannẽẽkĩ nẽẽ eet ꞌlimmaanaa cĩnnĩ looccaa cĩ ꞌJudeea, iꞌthianaanĩ ꞌGalileea ĩꞌthõng nĩngĩtĩ.”

Yõaannẽ 18:29

Nĩngĩtĩ aduknaanĩ Pĩlaatõ aku ajini ĩhõõggõ annẽẽkĩ, “Abillu niig eet icci thooꞌthiohĩĩ ĩĩgag?”

Yõaannẽ 18:30

Ẽdẽcĩ nẽẽg aĩ, “Má hiittiõõ nẽẽ hõllõngaa ĩĩn eet ꞌcĩ ĩĩn ꞌloorriahit, occa hõllõngaa haꞌnyahaaki nganiita.”

Yõaannẽ 19:12

Ma ho, ĩttĩman Pĩlaatõ ꞌgõõl ꞌcĩ õõganĩ Yeesu. Ẽggẽrẽny hinnia eeta cĩg ꞌJudeei tarĩ aĩ, “Má oogu eet icci, iittiõõ thĩ hõllõngaa ĩĩnĩ ꞌgõõnĩ habu cobbi cĩ ꞌRooma! Hĩnĩngĩtĩ ẽẽtĩ ꞌcĩ aĩ hĩĩnĩ habu, ĩĩn eet ꞌcĩ abũrĩ thõõth cĩ habu cobbi cĩ ꞌRooma.”

Dtiicanĩ cĩg ꞌThooyyiahu 24:13

Nẽ ꞌyioko ꞌthẽk hõllõngaa tarĩ ẽddẽẽbakii thooꞌthiok ꞌcĩg aũlan ꞌcĩg abĩlla nganĩĩt ko buúk.

Dtiicanĩ cĩg ꞌThooyyiahu 24:5

“Hummuddiaawa eet icci haĩ Paaulo ho, ngaatĩ ĩĩnnĩ eet ꞌcĩ abathĩ gẽrrẽẽt ũdũt, akannẽẽkĩ eeta cĩg ꞌJudeei looc hũtũrũũr hurukto. Ĩĩn nẽẽ makayyioohit cĩ lothippit cĩ eet ꞌcĩg anũ Yeesu cĩ Naaꞌtharẽtĩ,

ꞌRooma 13:7

Ũdũmatteek makayyiook occoro hode ꞌrabbẽẽt nẽ itingollieeu ĩhõõggõ.