ꞌLuuka 22:70 - ꞌBuuk cĩ Thõõth cĩ Nyekuci

⁷⁰ Nĩngĩtĩ ajini nẽẽg Yeesu annẽẽkĩ, “Ĩĩnĩ nii Ngeertĩ Nyekuci?” Ẽdẽcĩ Yeesu ĩhõõggõ anneek, “Ẽbẽaneeku.”

ꞌLuuka 22:70 ပူးပေါင်းရင်းမြစ်များ

Maatteeo 26:25

Nĩngĩtĩ ẽdẽcĩ ꞌJuuda ꞌcĩ hatĩ õkõ õhõppõõcan ĩnõõnnõ ho aĩnnĩ, “Nganĩĩt occa ꞌlimmannioohit?” Ẽdẽcĩ Yeesu aĩ, “Eei nganiit ꞌthẽk!”

Maatteeo 26:64

Ẽdẽcĩ Yeesu aĩ, “Eei, aaĩ hĩcĩ aduha nii ho. Nẽẽthĩ, haduhaakuung ngagiit vẽlẽk, horumwa acinnu hatĩ niig Ngeertĩ Eeto iccioloongan attiaa cobbi ĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Maatteeo 27:11

Ma baa aꞌnyakiaa Yeesu hikia hĩbĩl muumaa cĩ Pĩlaatõ ho, ikia ijin Pĩlaatõ ĩnõõnnõ ĩĩnnĩk, “Ĩĩnĩ nii habu cĩ ꞌJudeei?” Ẽdẽcĩ Yeesu aĩ, “Aaĩ hĩcĩ aduha nii ho.”

Maatteeo 27:43

Ẽlẽmĩ nẽẽ Nyekuc. Aꞌnyĩĩk Nyekuc hẽẽla ĩnõõnnõ ꞌyioko hatĩ adiimi, hĩnĩngĩtĩ aĩ nẽẽ, ‘Hĩĩnĩ Ngeertĩ Nyekuci.’ ”

Maatteeo 27:54

Ma baa acĩn ꞌgaalacĩ cĩ ũũrũta cĩg ꞌRooma hĩ eet ꞌcĩg baag arũmĩ hĩ ĩnõõnnõ ẽbẽk Yeesu, hirihidtik hĩ hẽlẽggĩ ꞌcĩg baag edeeꞌnyia vẽlẽk ko, iita abarritit nẽẽg gẽrrẽẽt nẽ ĩĩtõ, “Ĩko mĩĩ baa ĩĩn ẽẽtĩ ciee Ngeertĩ Nyekuci dĩdĩ!”

Maatteeo 3:17

Ma ho, õthõõtha mõlõõhĩ umwaa hẽẽtahujjieen ĩĩ, “Loholeec caannĩ ciee ꞌcĩ hamĩna, haccamanaa naa ĩnõõnnõ gẽrrẽẽt.”

Maatteeo 4:3

Nĩngĩtĩ aku attĩmanĩ ꞌThĩttaanĩ ĩnõõnnõ annẽẽkĩ, “Má ĩĩnĩ nii Ngeertĩ Nyekuci dĩdĩ, duhaak biyyiẽẽn iccig hutuhuyyi hĩĩtõ ũbũnẽẽta.”

Maarko 14:62

Ẽdẽcĩ Yeesu anneek, “Eei, acinnu hatĩ niig Ngeertĩ Eeto ngaatĩ iccioloonganĩ attiaa cobbi ĩĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Maarko 15:2

Ma ho, ijin Pĩlaatõ Yeesu ĩĩnnĩk, “Ĩĩnĩ nii habu cĩ ꞌJudeei?” Ẽdẽcĩ Yeesu anneek, “Eeĩ, hĩcĩ aduha nii ho.”

ꞌLuuka 22:71

Ma ho, ĩĩtõ nẽẽg, “Inni hidiimit eet ꞌcĩg occa nga aduhaakeet thooꞌthiok ũgĩ tarĩ ho? Ma ꞌcĩ hĩthĩhĩt uduha nẽẽ ũtũũgaa cĩnnĩ ẽmmẽn ko.”

ꞌLuuka 23:3

Nĩngĩtĩ õkõ ajini Pĩlaatõ Yeesu annẽẽkĩ, “Ĩĩnĩ nii habu cĩ ꞌJudeei?” Ẽdẽcĩ Yeesu aĩ, “Eei, aaĩ hĩcĩ aduha nii hataa.”

ꞌLuuka 4:41

Baa mẽẽlĩg eeta ꞌcĩg aꞌnyak loriẽẽt ꞌcĩg abathĩ, nĩngĩtĩ aduhaakĩ Yeesu ĩhõõggõ huduhutta eleetinii cĩg eetuk battaala nẽ urruuyyiõthĩ ĩĩtõ, “Ĩĩnĩ nii Ngeertĩ Nyekuci!” Nẽẽthĩ, hĩnĩngĩtĩ baa aga nẽẽg ngaatĩ ĩĩnnĩ Yeesu Krĩstõ, ikia eggerenyeek nẽẽ ĩhõõggõ hiittiõõ hõllõngaa õthõõthĩ.

Yõaannẽ 1:34

Hĩcĩna ĩnõõnnõ dĩdĩ nẽ hagawa ngaatĩ ĩĩnnĩ nẽẽ Ngeertĩ Nyekuci.”

Yõaannẽ 1:49

Nĩngĩtĩ õthõõthĩ Nathaniele aĩnnĩ, “ꞌLimmannioohit! Ĩĩnĩ nii Ngeertĩ Nyekuci, habu cĩ Ĩꞌthĩraẽlĩ!”

Yõaannẽ 10:30

Hĩĩgĩnna naag hĩ Baaba hõdẽẽthõng.”

Yõaannẽ 10:36

Inni ahaddiahaangu ĩĩttĩhaangu hadĩmani ꞌthẽccan ꞌcĩ abathĩ dtẽc ngaatĩ haĩnnĩ, hĩĩnĩ Ngeertĩ Nyekuci ho? Nẽ nẽẽ tarĩ, Baaba ꞌcĩ baa ẽbẽraanna nganĩĩt nẽ ĩꞌthõõawaa hikia loota nĩnga ho.

Yõaannẽ 18:37

Nĩngĩtĩ aĩnnĩ Pĩlaatõ, “Ĩĩnĩ thĩ mĩĩ ꞌthẽk habu!” Ẽdẽcĩ Yeesu anneek, “Ẽbẽaneehi ngaatĩ aĩnnĩ hĩĩnĩ naa habu. Nẽ dĩdĩ, baa harrittia naa, hĩnĩngĩtĩ thõõth icci nẽ baa thõõth icci ꞌcĩ hakuuni naa loota nĩnga ho, hátĩ hĩĩ hebereec cĩ thõõth ꞌcĩ ĩĩn dĩdĩ. Nẽ eeta vẽlẽk ꞌcĩg ammĩnan thõõth ꞌcĩ ĩĩn dĩdĩ, athĩhĩ thõõth caannĩ.”

Yõaannẽ 19:7

Baa ara eeta cĩg ꞌJudeei aĩ, “Haꞌnyaka naag nyattal nẽ nyattaalaa tĩho, adiim aruhi nẽẽ, hĩnĩngĩtĩ aĩ hĩĩnĩ Ngeertĩ Nyekuci.”