ꞌLuuka 22:52 - ꞌBuuk cĩ Thõõth cĩ Nyekuci

⁵² Ma ho, ijin Yeesu makayyiook cĩg paadĩrꞌnyaannu hĩ ꞌgaala cĩg athegereeꞌnya ꞌcĩg ẽbẽk ꞌCieeth cĩ Nyekuci hĩ makayyiook cĩg eetuk ĩĩnnĩk, “Inni iita hĩ nganĩĩt nyetubooꞌnyanĩ hĩ hĩbahĩꞌnyannĩ, hĩcĩ hĩĩnĩ naa ꞌloorriahit ko?

ꞌLuuka 22:52 ပူးပေါင်းရင်းမြစ်များ

Maatteeo 26:47

Ma baa nga õthõõth Yeesu hoti, uppwaanna ꞌJuuda baa ĩĩn ꞌthooyyiahit ꞌgoonoginnii ꞌcĩg baag ĩĩn õmmõtõ hĩ ꞌramma, õõkõra hĩ lothippit cĩ eet ꞌcĩg aꞌnyak nyetubooꞌnya hĩ hĩbahĩꞌnya, ꞌcĩg baag ĩꞌthõõa makayyiooha cĩg paadĩrꞌnyaannu hĩ makayyiook cĩg eetuk.

Maatteeo 26:55

Ma baa kõr niccia, ikia uduhaak Yeesu lothippit ĩĩnnĩk, “Inni iita aggamtaangu nyetubooꞌnyanĩ hĩ hĩbahĩꞌnyannĩ hĩ eet ꞌcĩ hĩĩnĩ ꞌloorriahit ko? Hallimannuung naa ngagiit hõdõõkõthĩ hĩ gõõng haaĩ loota halaangatõõ cĩ ꞌCieeth cĩ Nyekuci nẽ gõõng hõllõngaa aggammaangu inni?

ꞌLuuka 22:37

Ĩdĩmanit hoti, hĩnĩngĩtĩ eheeddi ꞌBuuhaa cĩ Nyekuci aĩ, ‘Arũmoothĩk nẽẽ hĩ ꞌthẽccanniook hõdẽĩ.’ Baa õthõõꞌtha thõõth ciee nganĩĩta nẽ aku ꞌthẽk hatĩ edeeꞌnyia hĩĩ dĩdĩ hĩdĩĩkoothong.”

ꞌLuuka 22:4

Ma nĩngaata, ũũk ũmmũdoothĩk ꞌJuuda makayyiook cĩg paadĩrꞌnyaannu hĩ ꞌgaala cĩg athegereeꞌnya ꞌcĩg ẽbẽk ꞌCieeth cĩ Nyekuci, nĩngĩtĩ atuhanĩ ꞌgõõl ꞌcĩ hatĩ õhõppõõcanĩ nẽẽg Yeesu.

ꞌLuuka 22:51

Ma ho, ĩĩnnĩk Yeesu ĩhõõggõ, “Ĩnẽẽnĩ!” Nĩngĩtĩ auranaanĩ Yeesu ĩtat cĩ eet tĩho nẽ õbõdẽẽhĩ hũbũna.

ꞌLuuka 22:53

Ma gõõng harũmĩ naag hĩ ngagiit hõdõõkõthĩ halangatõõ cĩ ꞌCieeth cĩ Nyekuci nẽ hiꞌthihi eet ꞌcĩ ahumma buúk. Nẽẽthĩ, ĩĩ hatĩ kõr cunuung ciee ꞌcĩ aggamĩ muguuri looc ko?”

Yõaannẽ 17:12

Baa nga harũmeenna naag hĩ ĩhõõggõ, baa haꞌthũũnnĩ ĩhõõggõ jurrung ꞌthaarĩĩ baag aaꞌnyaa nii nganĩĩta. Nga hudhuheek umwa tuu, hõdẽẽthõng diooni baa aduhoothĩk daahĩtha, hátĩ hikia hĩĩ thõõth cĩ ꞌBuuk cĩ Nyekuci dĩdĩ.

Dtiicanĩ cĩg ꞌThooyyiahu 5:26

Nĩngĩtĩ ĩꞌngaannĩ makayyioohiti cĩ athegereeꞌnyanu hĩ athegereeꞌnya nẽ ũũk aꞌnyaha ꞌthooyyiak. Nẽẽthĩ, baa hõllõngaa õõ agurra ĩhõõggõ ꞌtirriaana, hĩnĩngĩtĩ baa iꞌngolli pee ngaatĩ hatĩ avvirriicanĩ eeta ĩhõõggõ biyyiẽẽnĩ.