ꞌLuuka 22:42 - ꞌBuuk cĩ Thõõth cĩ Nyekuci

⁴² “Baaba, má atabi, ꞌtiik hooppo icci pĩĩrnattõõ ho battaala, nẽẽthĩ nẽẽꞌthẽk, dĩman hĩcĩ atabi niina hõllõngaa hĩcĩ hatabi naana.”

ꞌLuuka 22:42 ပူးပေါင်းရင်းမြစ်များ

Maatteeo 11:25

Ma kõr niccia, õthõõth Yeesu ĩĩ, “Hadihiꞌthii naa nganiit Baaba caannĩ, Makayyioohit cĩ hẽẽtkujjieen hĩ cĩ lootu, hĩnĩngĩtĩ agunyuthi nii hẽlẽggĩ iccig vẽlẽk hĩ eet ꞌcĩg ĩĩn ꞌgeeꞌnyiak, hĩ ꞌcĩg illimattĩ vẽlẽk nẽ eteretheehu lõhõlĩ ꞌcĩg kidicig.

Maatteeo 11:26

Eei Baaba, hĩnĩngĩtĩ baa ĩĩn ciee thõõth ꞌcĩ accamanaa niina.

Maatteeo 20:22

Ẽdẽcĩ Yeesu ĩhõõggõ anneek, “Hõllõngaa agayyu niig thõõth ꞌcĩ ajinnu niig ko, uullu hatĩ niig ngaatĩ ahuddu hooppo cĩ ꞌcannaanõ ꞌcĩ hatĩ hõkõ hahudi naana?” Ẽdẽcĩ nẽẽg aĩ, “Occa hahũdda.”

Maatteeo 26:39

Ma baa ẽẽjẽk Yeesu ngadiiha hĩdĩhĩdĩĩc, ũũk akat huruꞌnyia nẽ akatĩ hẽbẽrĩ looc nẽ alaõ ĩĩ, “Baaba, má adiimi niina, aꞌnyĩĩk hooppo icci hittihi hĩ nganĩĩt battaala. Nẽ hõllõngaa hĩcĩ hadiimi naana, aꞌnyĩĩk haau hĩcĩ adiimi niina.”

Maatteeo 26:42

Nĩngĩtĩ ĩꞌngaannĩ nẽ tarĩ õkõõĩ ngadiiha nẽ ũũk alaõ ĩĩ, “Baaba, má aitiõõ ꞌgõõl umwaa ꞌcĩ attihi hooppo icci ꞌcannaanõ ho battaala hĩ nganĩĩta, aalla nga hatĩ hadĩmani naa tabiinit cunni noho.”

Maatteeo 26:44

Nĩngĩtĩ ũũnnĩkĩ nẽẽ ĩhõõggõ nẽ ũũk ngadiiha tarĩ nẽ alaõ laiinit ꞌcĩ ĩĩn iyyio ꞌgõõla hõdẽẽthõng hĩ aa aangaani.

Maatteeo 6:10

hikia habuccieet cunnẽẽnĩ, hĩdĩmanĩ tabiiniti cunni loota hĩcĩ adĩmanni hẽẽtahujjieen.

Maarko 14:36

Nĩngĩtĩ alaiini nẽẽ aĩnnĩ, “Baaba! Aitiõõ ꞌgii ꞌcĩ anyamannii nganiit tõõ. ꞌTiik hooppo cĩ ꞌcannan icci battaala ẽllaa caannĩ. Nẽẽthĩ, aꞌnyĩĩk hĩdĩmanĩ tabiiniti cunni hĩcĩ atabi niina, hõllõngaa hĩcĩ hatabi naana.”

ꞌLuuka 23:34

Ma nĩngaata, õthõõth Yeesu ĩĩ, “Baaba, tamaatĩk ĩhõõggõ, hĩnĩngĩtĩ hõllõngaa aga nẽẽg thõõth ꞌcĩ adĩman ko.” Ma ho, eꞌngerit nẽẽg ceremwa cĩgĩnnĩg ꞌgõõlẽẽ ꞌcĩ attĩmanĩ tooto.

Yõaannẽ 18:11

Ma nĩngaata, uduhaak Yeesu Pẽẽtũrũ ĩĩnnĩk, “Bõdẽẽhĩ nyetuboot! Ĩcca occa hõllõngaa hahudi naa hooppo baa aaꞌnya nganĩĩt Baaba ho?”

Yõaannẽ 4:34

Nĩngĩtĩ ẽdẽcĩ Yeesu ĩhõõggõ annẽẽkĩ, “ꞌGẽẽn caannĩ ꞌcĩ hadĩmanĩĩ thõõth ꞌcĩ adiim Nyekuci! Baa ĩnõõnnõ ꞌcĩ ĩꞌthõõannaa nganĩĩta nẽ occa hẽdẽcaahi dtiic baa aaꞌnya nẽẽ hidticanõ.

Yõaannẽ 5:30

“Aitiõõ thõõth ꞌcĩ hadĩmani naa ẽmmẽn tõõ, hetteedi naa thõõth hĩcĩ hathihi hĩ Baaba nẽ thõõth ꞌcĩ hetteedi naa ho, ĩĩn dĩdĩ, hĩnĩngĩtĩ hõllõngaa hadiimi naa hadihithi ẽlẽ caannĩ, hadiimi hadihithi naa Baaba, baa ĩꞌthõõannaa nganĩĩta.

Yõaannẽ 6:38

Hĩnĩngĩtĩ baa hõllõngaa halluuccia naa hẽẽtahujjieen hikia hĩdĩman tabiinit caannĩ, nẽẽthĩ, baa hakuu naa hikia hĩdĩman tabiinit cĩ eet baa ĩꞌthõõannaa nganĩĩta.

Dtiicanĩ cĩg ꞌThooyyiahu 21:14

Ma baa anyamũtanaaeet Paaulo, hitiktoothĩha looc nẽ halayyiooa hĩĩtta, “Aꞌnyĩĩk tabiinit cĩ Makayyiookto hĩdĩmanĩ.”