ꞌLuuka 22:37 - ꞌBuuk cĩ Thõõth cĩ Nyekuci

³⁷ Ĩdĩmanit hoti, hĩnĩngĩtĩ eheeddi ꞌBuuhaa cĩ Nyekuci aĩ, ‘Arũmoothĩk nẽẽ hĩ ꞌthẽccanniook hõdẽĩ.’ Baa õthõõꞌtha thõõth ciee nganĩĩta nẽ aku ꞌthẽk hatĩ edeeꞌnyia hĩĩ dĩdĩ hĩdĩĩkoothong.”

ꞌLuuka 22:37 ပူးပေါင်းရင်းမြစ်များ

Maarko 15:27

Baa odooddĩk nẽẽg igorriaak ꞌramma hõdẽĩ hĩ Yeesu, õdõõddĩ umwaa ĩĩcĩ aꞌthiit cĩnnĩ cobbi nẽ õtõddõĩ umwaa ĩĩcĩ aꞌthiit cĩnnĩ ꞌcĩ hidici.

Maarko 15:28

Nẽ ikia thõõth baa eheeddi ꞌBuuhaa cĩ Nyekuci ĩĩ dĩdĩ baa aĩ, “Arũmoothĩk nẽẽ hĩ ꞌthẽccanniook hõdẽĩ.”

ꞌLuuka 18:31

Ma ho, ũũhĩ Yeesu nuyyiook cĩgĩnnĩg ngadiiha nẽ ĩĩnnĩk, “Hõõ ꞌyioko hatĩ naag ꞌJeruꞌthalẽma nẽ õõ hatĩ edeeꞌnyia thooꞌthioha vẽlẽk baag ẽhẽẽd põrõvẽtaaꞌnya, hĩnĩngĩtĩ Ngeertĩ Eeto ĩĩca.

ꞌLuuka 22:22

Nẽ dĩdĩ, adaahĩ nẽẽ hatĩ Ngeertĩ Eeto hĩ baa ꞌthẽk adukiaa, nẽẽthĩ, adhukiaak hatĩ pĩĩrnanĩtĩ cobbi gẽrrẽẽt eet ꞌcĩ õhõppõõcan ĩnõõnnõ ho.”

ꞌLuuka 22:36

Nẽ ĩĩnnĩk Yeesu ĩhõõggõ, “Nẽẽthĩ ꞌyioko, má aꞌnyaku locoburẽẽt hĩ lohoddwa ootti. Nẽ má hõllõngaa aꞌnyaku nyetubooꞌnya, utuuyyiõĩ ceremwa cugguung ũgĩ nẽ utuyyiaau hõdẽĩ.

ꞌLuuka 22:52

Ma ho, ijin Yeesu makayyiook cĩg paadĩrꞌnyaannu hĩ ꞌgaala cĩg athegereeꞌnya ꞌcĩg ẽbẽk ꞌCieeth cĩ Nyekuci hĩ makayyiook cĩg eetuk ĩĩnnĩk, “Inni iita hĩ nganĩĩt nyetubooꞌnyanĩ hĩ hĩbahĩꞌnyannĩ, hĩcĩ hĩĩnĩ naa ꞌloorriahit ko?

ꞌLuuka 23:32

Baa aꞌnyakiaa eeta ũgẽẽgĩ ꞌramma buúk ꞌcĩg ĩĩn ꞌloorriak hiita hurukti.

ꞌLuuka 24:27

Nẽ ꞌthianaatta hĩ Mũũꞌtha hĩ põrõvẽtaaꞌnya vẽlẽk, uduhaak Yeesu ĩhõõggõ thõõth baa adukiaa ꞌBuuhẽtĩĩ cĩg Nyekuci, hĩnĩngĩtĩ ĩnõõnnõ.

Yõaannẽ 10:35

Hõllõngaa occa ẽppẽhanoonnu niig hĩ ꞌBuuk cĩ Nyekuci. Nẽẽthĩ, baa aũ Nyekuci eet tĩko anneek, ‘nyekuꞌnya.’

Yõaannẽ 17:4

Baa haꞌnyahaahii naa nganiit bulẽẽnĩt loota nĩnga, ngaatĩ hẽdẽcaakĩ dtiic baa aaꞌnyaa nii hidticanõ.

2 Korinthia 5:21

Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.

ꞌGalaaꞌthia 3:13

Ikia ẽẽlaeet ngagĩĩt Yeesu Krĩstõ ꞌcĩĩnẽttaa cĩ aꞌnyaha nyattalĩ, ngaatĩ aku õkõõĩ nẽẽ ꞌcĩĩnẽnĩt cĩnaac hĩ baa aduha ꞌBuuhi cĩ Nyekuci aĩ, “Aggam ꞌngĩllama eet ꞌcĩg aruk eet nẽ irimitheek hẽẽta”