ꞌLuuka 22:29 - ꞌBuuk cĩ Thõõth cĩ Nyekuci

²⁹ Nẽ ꞌyioko, haaꞌnyuung naa ngagiit ĩĩtõ habuẽẽta, hĩ baa aꞌnyaa nganĩĩt Baaba hĩĩ habu,

ꞌLuuka 22:29 ပူးပေါင်းရင်းမြစ်များ

Maatteeo 24:47

Haduhaakuung dĩdĩ, aaꞌnyĩk hatĩ baattĩ olu dticciannioohit tĩho hẽbẽk ꞌgii vẽlẽk ꞌcĩ aꞌnyak nẽẽ õlõõ cĩnnĩ.

Maatteeo 25:21

“Ẽdẽcĩ makayyioohiti cĩnnĩ aĩ, ‘Ĩlaallẽ gẽrrẽẽt, ĩĩnĩ nii dticciannioohit ꞌcĩ abũnnaa ꞌcĩ athihi thõõth! Ĩdĩmanuu jurrung ngaatĩ adticaniini ꞌrabbẽẽt ꞌcĩg abadtẽc haaga hĩĩtõ mẽẽlĩg, nẽẽthĩ ꞌyioko, haaꞌnyii hatĩ naa nganiit makaaꞌthĩt ꞌcĩ aggamĩ hẽlẽggĩ ꞌcĩg mẽẽlĩg. Ijjia hiita hotholit hĩ nganĩĩt taliinit caannĩ.

Maatteeo 25:34

“Nẽ hatĩ uduhaak habuui eet ꞌcĩg aattĩg ĩĩcĩ aꞌthiit cĩnnĩ cobbi ĩĩnnĩk, ‘Iita niig ꞌcĩg aggatanuung Baaba ẽlẽk ko, iita uduhunit habuccieet baa ũkũmaneek Nyekuci baa ꞌthianaattaa cĩ tehenyiinit cĩ lootu.

Maatteeo 28:18

Ma nĩngaata, ikia uppwaannak Yeesu ĩhõõggõ nẽ ĩĩnnĩk, “Baa aaꞌnyĩhoothĩhaa nganĩĩt makaaꞌthĩt cĩ hẽẽtkujjieen hĩ cĩ lootu vẽlẽk.

Maatteeo 5:10

ꞌGattan hĩ eet ꞌcĩg adĩman eeta ꞌbuth, hĩnĩngĩtĩ thõõth ꞌcĩ aũlanĩ, ĩĩn hatĩ habuccieet cĩ hẽẽtkujjieen cĩnĩĩng.

Maatteeo 5:3

“ꞌGattan hĩ eet ꞌcĩg appĩĩrna loriia, ĩĩn hatĩ habuccieet cĩ hẽẽtkujjieen cĩnĩĩng.

ꞌLuuka 12:32

“Niig nuyyiooha cĩgannĩg ꞌcĩg ngatũrĩg haaga ho, ma hiteelinnu, hĩnĩngĩtĩ accamanoothĩk Maaꞌnyu ngaatĩ aaꞌnyuung ngagiit habuccieet cĩnnĩ.

ꞌLuuka 19:17

“Ẽdẽcĩ makayyioohiti cĩnnĩ ho anneek, ‘Idticanuu jurrung ẽlẽ. Nẽ hĩnĩngĩtĩ ĩĩnĩ eet ꞌcĩ aꞌthũũnnĩ ꞌgii ꞌcĩ hidici, iinu hatĩ eet ꞌcĩ aggami ꞌtaaũnniook õmmõtõ.’

1 Korinthia 9:25

Allimanni irettiooha gẽrrẽẽt, hátĩ hĩllõõanit nẽ hinnia allimanni nẽẽg nẽ umuddia ꞌbaaninit ꞌcĩ hõllõngaa aalla ũdũt, nẽẽthĩ, hallimanni naag, hátĩ hummuddia ꞌbaaninit ꞌcĩ aalla ũdũt.

2 Korinthia 1:7

Nẽ õkõmĩ muhẽẽnĩtĩ cĩnaang hĩ ngagiita, hĩnĩngĩtĩ hagayyia naag haĩnna hõthõl naag hĩ ngagiit pĩĩrnanĩt cĩnaang ko hõdẽĩ, haau hĩcĩ hõthõl eliinit ꞌcĩ aku hĩ Nyekuc hõdẽĩ.

2 Timotteeo 2:12

Má hẽmmẽẽthĩ naag ꞌcannan, haggam hatĩ naag looc hõdẽĩ hĩ ĩnõõnnõ. Má haburi naag ĩnõõnnõ, abũrreet hatĩ nẽẽ buúk ngagĩĩta.

ꞌJeemith 2:5

ꞌGotoonoga hĩ ngoonoga ĩthĩktõ. Ẽbẽra Nyekuci hullaha nẽ aaꞌnyĩk ĩhõõggõ lemiinit ꞌcĩ maka loota nĩnga. Nẽ uduhaak ĩhõõggõ buúk thõõth ꞌcĩ hatĩ õthõlĩ nẽẽg hĩ ĩnõõnnõ habuccieet cĩnnĩ, ꞌcĩ hatĩ aaꞌnyĩk nẽẽ eet vẽlẽk ꞌcĩg ammĩnan ĩnõõnnõ.

1 Pẽẽtũrũ 5:4

Ma õbõda Krĩstõ tũhayyioohiti ꞌcĩ ĩĩn habu, ammũdaanu hatĩ dũman cĩ bulẽẽnĩt ꞌcĩ hõllõngaa edecciaa ũdũt.

Terethiinit 21:14

Baa ẽhẽnytĩ dilat cĩ araanõ biyyiẽẽnĩĩ ꞌcĩg ĩĩn õmmõtõ hĩ ꞌramma. Nẽ baa eheedothoothĩk ꞌthaara cĩg ꞌthooyyiak cĩg Mĩꞌnyõõnak biyyiẽẽnĩĩ cĩg hõdẽĩ hõdẽĩ.