ꞌLuuka 22:22 - ꞌBuuk cĩ Thõõth cĩ Nyekuci

²² Nẽ dĩdĩ, adaahĩ nẽẽ hatĩ Ngeertĩ Eeto hĩ baa ꞌthẽk adukiaa, nẽẽthĩ, adhukiaak hatĩ pĩĩrnanĩtĩ cobbi gẽrrẽẽt eet ꞌcĩ õhõppõõcan ĩnõõnnõ ho.”

ꞌLuuka 22:22 ပူးပေါင်းရင်းမြစ်များ

ꞌThianaattõ 3:15

Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung. Õhõdaanni hatĩ ngeerĩnĩ nganiit õõ nẽ etengeduu nii ĩnõõnnõ tiitinyooc cĩnnĩ.”

Maatteeo 26:24

Adaahĩ hatĩ Ngeertĩ Eeto hĩ baa aduha ꞌBuuhi cĩ Nyekuci. Nẽẽthĩ, appĩĩrna hatĩ ẽẽtĩ ꞌcĩ õhõppõõcan Ngeertĩ Eeto ho gẽrrẽẽt! Occa baa mẽẽn hĩ ĩnõõnnõ ngaatĩ hõllõngaa arrittiaanĩ.”

Maatteeo 27:5

Nĩngĩtĩ adhuhẽẽkĩ ꞌJuuda ꞌrabbẽẽt niccig ꞌCieethaa cĩ Nyekuci nẽ ũũk itithing ẽlẽ cĩnnĩ.

Maarko 14:21

Adaahĩ hatĩ Ngeertĩ Eeto hĩ baa eheeddi ꞌBuuhaa cĩ Nyekuci. Nẽẽthĩ, appĩĩrna hatĩ ẽẽtĩ ꞌcĩ õhõppõõcan ĩnõõnnõ hũmmũda daahĩth ko gẽrrẽẽt! Occa baa mẽẽn ngaatĩ hõllõngaa arrittiaanĩ ẽẽtĩ tĩho!”

ꞌLuuka 22:23

Nĩngĩtĩ iꞌthianaanĩ ꞌthooyyiaha ajinõõnĩ nyaagwaana aĩnnĩ, nganĩ occa hatĩ hõrggẽẽnaa cĩnaac ꞌcĩ hatĩ adĩman thõõth icci ho?

ꞌLuuka 24:46

Baa aduhaak nẽẽ ĩhõõggõ anneek, “Thõõth ꞌcĩ baa eheeddi ho cieeni. Accananni hatĩ Krĩstõ nẽ ikia ũrũga daahĩtha kõr ꞌcĩ ĩĩn iyyio,

Yõaannẽ 17:12

Baa nga harũmeenna naag hĩ ĩhõõggõ, baa haꞌthũũnnĩ ĩhõõggõ jurrung ꞌthaarĩĩ baag aaꞌnyaa nii nganĩĩta. Nga hudhuheek umwa tuu, hõdẽẽthõng diooni baa aduhoothĩk daahĩtha, hátĩ hikia hĩĩ thõõth cĩ ꞌBuuk cĩ Nyekuci dĩdĩ.

Dtiicanĩ cĩg ꞌThooyyiahu 10:42

Aduhaakeet Nyekuci ngagĩĩt hirrioottĩha eet hĩĩttĩha, ẽbẽra Nyekuci Yeesu hẽttẽẽd thooꞌthiok cĩg eet ꞌcĩg arũgĩ hĩ ꞌcĩg adaahito.

Dtiicanĩ cĩg ꞌThooyyiahu 17:31

Aarĩk nẽẽ kõr ꞌcĩ hatĩ ẽttẽẽdĩ thooꞌthiok cĩg lootu ꞌgõõlaa ꞌcĩ aũlan, eetaa ꞌcĩ ẽbẽra nẽẽnĩ. Baa eteretheek Nyekuci eet ngaatĩ arũgthaanĩ eet tĩho daahĩtha.”

Dtiicanĩ cĩg ꞌThooyyiahu 2:23

Baa aga Nyekuci muhẽẽnĩt ꞌcĩ aaꞌnyuung ngagiit Yeesu. Nẽ tarĩ, au hinnia aaꞌnyiku niig ꞌthẽccanniook hõtõddõõcõ ĩnõõnnõ hurucceea.

1 Pẽẽtũrũ 1:11

Baa aaĩ Lorii cĩ Krĩstõ eleetinii cĩggĩĩng, ꞌcĩ baa aduhaak ĩhõõggõ ꞌgõõl ꞌcĩ hatĩ accananiini Krĩstõ nẽ aaꞌnyĩhoothĩk bulẽẽnĩtĩ cobbiẽẽnĩ. Nẽ baa adiim nẽẽg aga eet occa hatĩ iina ꞌcĩ aku ĩĩn Krĩstõ ho nẽ aku occa hatĩ nẽẽ hatĩngaan.

2 Pẽẽtũrũ 2:3

Ĩĩn hatĩ nẽẽg lobolobbiaak ꞌcĩg adiim eet ꞌcĩg anũ ĩhõõggõ nẽ iggoolluung thooꞌthiohĩĩ ꞌcĩg ẽmmẽdĩ. Nẽẽthĩ, baa idiim uuk Nyekuci ĩhõõggõ baangaani nẽ uuk hatĩ nẽẽ ĩhõõggõ dĩdĩ.