ꞌLuuka 22:19 - ꞌBuuk cĩ Thõõth cĩ Nyekuci

¹⁹ Nĩngĩtĩ attihaanĩ ũbũnĩ nẽ aggatana. Ma ho, ẽꞌngẽr nẽ aꞌnyĩĩk ĩhõõggõ nẽ ĩĩnnĩk, “Ẽlẽ caannĩ cieeni ꞌcĩ aaꞌnyĩhoothĩkuung ngagiita, uduhit, hátĩ gõõng ummuktaayyiaangu nganĩĩta.”

ꞌLuuka 22:19 ပူးပေါင်းရင်းမြစ်များ

Maatteeo 14:19

nĩngĩtĩ aduhaakĩ nẽẽ eet haauto loota arteetta. Ma ho, ittiha nẽẽ ũbũnẽẽt ꞌcĩg ĩĩn ꞌtur hĩ ulugo ꞌcĩg ĩĩn ꞌramma ho nẽ ẽdẽẽnyõthĩ hẽẽtkujjieen nẽ aggatana nẽ appaha. Nĩngĩtĩ aaꞌnyĩkĩ nuyyiook cĩgĩnnĩg heꞌngerrieek eeta.

Maatteeo 15:36

Ma ho, ittiha nẽẽ ũbũnẽẽt ꞌcĩg ĩĩn tũkĩramma hĩ ulugo ꞌcĩg abadtẽc ko, ma baa ĩĩnnĩk nẽẽ Nyekuc Maaꞌnyĩ ĩlaallẽ, ikia ẽꞌngẽr nẽẽ ũbũnẽẽt nẽ aaꞌnyĩk nuyyiook cĩgĩnnĩg, heꞌngerrieek lothippit.

ꞌLuuka 22:17

Ma ho, ittiha hooppo cĩ viinoo nẽ aggatana nẽ ĩĩnnĩk ꞌthooyyiak “Erito hooppo icci ũhũdĩt niig vẽlẽk.

ꞌLuuka 22:20

Ma urutaa ꞌcĩ edecciaaĩ ꞌgẽẽna, ittiha hooppo nẽ ĩĩ, “Ĩĩn hooppo ciee lõhõt ꞌcĩ ĩĩn ngeju cĩ biyyi cĩgannĩg, ꞌcĩg hatĩ ẽrrẽnna, hĩnĩngĩtĩ ngagiita.

ꞌLuuka 24:30

Ma baa iccioloongan Yeesu, hátĩ hudukto, ittiha ũbũnĩ nẽ aggatana nẽ appak, nĩngĩtĩ aaꞌnyĩkĩ ĩhõõggõ.

Yõaannẽ 6:23

Baa au haahũlĩta ũgẽẽgĩ ĩĩcĩ ꞌtaaũn cĩ Tiberia hiita hõdõlanit nĩngĩtĩ õbõhõõ hĩ nĩngĩ baa aggatanĩ Makayyioohiti ũbũnẽẽt nẽ udukto eeta.

Yõaannẽ 6:51

Hĩĩnĩ naa ũbũnĩ cĩ rũgẽtõ baa alluuccia hẽẽtahujjieen. Eeta ꞌcĩg aduk ũbũnĩ icci, arũgĩ hatĩ nẽẽg ũdũt. Ĩĩn ũbũnĩ ciee ẽlẽ caannĩ ꞌcĩ hatĩ haaꞌnyihi eet cĩg looc nicci, hátĩ hũrũgĩt.”

1 Korinthia 10:16

Ma hahũdĩ naag hooppoa ꞌcĩ hannẽẽkĩ Nyekuc ĩlaallẽ, hõllõngaa ĩĩn niccia ꞌgõõl ꞌcĩ hõthõlĩ biyyi cĩg Krĩstõ? Nẽ ma hẽꞌngẽr naag ũbũnĩ ꞌcĩ haduk thõng, hõllõngaa ĩĩn niccia ꞌgõõl ꞌcĩ hõthõlĩ naag ẽlẽ cĩ Krĩstõ?

1 Korinthia 10:4

nẽ ũhũdĩt nẽẽg vẽlẽk maam cĩg loriiak, hĩnĩngĩtĩ baa ahũd nẽẽg maam cĩg lõbarab baa õõkõr hĩ ĩhõõggõ nẽ baa ĩĩn lõbarabĩ niccia Krĩstõ.

ꞌGalaaꞌthia 1:4

Hĩnĩngĩtĩ athĩhĩ Yeesu Krĩstõ Nyekuc Baangeet cĩnaac, ĩnõõ ꞌcĩ aku aaꞌnyĩkĩ nẽẽ ẽlẽ cĩnnĩ hĩĩ ꞌgaarrieenit cĩ ꞌthẽccanẽẽt cĩggaac ko, hatĩ hẽẽlaeet ngagĩĩt looccaa cĩ ꞌthẽccaneetu.

ꞌGalaaꞌthia 4:25

Nẽẽthĩ ꞌyioko, ĩthakꞌthoothĩk Hagaarĩ Muur cĩ ꞌThĩnaĩ ꞌcĩ aaĩ looccaa cĩ Arabia nẽ ĩthahĩthoothĩk eet cĩg ꞌJeruꞌthalẽmĩ, hĩnĩngĩtĩ ĩĩn nẽẽg hĩ lõhõlĩ cĩgĩnnĩg vẽlẽk appahacaaꞌnya cĩg nyattaalak.

Eevvetho 5:2

nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

1 Tẽꞌthaloonika 5:18

Ĩĩttĩk Nyekuc ĩlaallẽ hõdõõkõthĩ, hĩnĩngĩtĩ ꞌgõõl ꞌcĩ adiimmuung nẽẽ ngagiit aautti hĩ lemmiooha ho cieeni, niig eeta ꞌcĩg elemmu Yeesu Krĩstõ.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

1 Pẽẽtũrũ 2:24

Baa ẽhẽẽl Krĩstõ ꞌthẽccanẽẽt cĩggaac. Baa ododdothoothĩk nẽẽ hurucceea, hátĩ hiittiõõ hõllõngaa hẽꞌthẽcan naag tarĩ nẽ hátĩ hĩthĩhĩt thõõth ꞌcĩ aũlanĩ. Aaꞌnyuung nẽẽ ngagiit ũbũttaath ngatũbẽẽnnĩĩ cĩgĩnnĩg.