ꞌLuuka 22:18 - ꞌBuuk cĩ Thõõth cĩ Nyekuci

¹⁸ Hĩnĩngĩtĩ haduhaakuung dĩdĩ, iittiõõ hatĩ hõllõngaa hahudi viino tarĩ, ĩꞌthõng hikia habuccieet cĩ Nyekuci.”

ꞌLuuka 22:18 ပူးပေါင်းရင်းမြစ်များ

Maatteeo 16:18

Nẽẽthĩ ꞌyioko, hutuvvii hatĩ gõõng naa nganiit hiinnihii Pẽẽtũrũ, nĩngĩtĩ aĩ, ‘Lõbarab.’ Nẽ lõbarabaa cĩ, hehenyiti hatĩ naa lothippit cĩ lemmioohu nẽ aitiõõ hatĩ ꞌtirriani cĩ daahĩthõõ hõllõngaa ũũlũ ĩhõõggõ.

Maatteeo 26:29

Haduhaakuung dĩdĩ, hõllõngaa hatĩ hahudi naa mẽrtĩ icci viinoo ho tarĩ, ĩꞌthõng hõdõlan kõrra ꞌcĩ hatĩ hahũdĩ hĩ ngagiit mẽrtĩ cĩ viinoo ꞌcĩ ĩĩn ngeju, habuccieetaa cĩ Baaba.”

Maarko 14:23

Ma urutaa ꞌcĩ aggatanĩ nẽẽ ũbũnĩ ẽlẽk, ikia ittiha nẽẽ hooppo nẽ aggatan tarĩ nẽ aaꞌnyĩk nuyyiook vẽlẽk hũhũdĩt.

Maarko 14:25

Haduhaakuung naa ngagiit dĩdĩ, iitiõõ hatĩ naa hõllõngaa hahudi viino umwa tarĩ, ĩꞌthõng hikia hũhũd ꞌcĩ ĩĩn ngeju habuccieetaa cĩ Nyekuci.”

Maarko 15:23

Ma nĩngaata, õõt aanytĩk atheregereeꞌnya Yeesu mẽrtĩ cĩ viinoo ꞌcĩ õꞌngõõtanoothĩk ẽgẽrnaacĩ ꞌcĩ haĩ mĩĩra nẽ baa abũrĩ Yeesu.

Maarko 9:1

Baa aduhaak Yeesu nuyyiook cĩgĩnnĩg hĩ lothippit anneek, “Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ꞌcĩg hatĩ hõllõngaa adaahĩ nga hĩcĩnĩt habuccieet cĩ Nyekuci ngaatĩ akuuni ꞌtirriaana.”

ꞌLuuka 21:31

Noho buúk, ma icittu ẽdẽẽnyta hẽlẽggĩ cieegi, agaac ngaatĩ õbõhõõĩ habuccieet cĩ Nyekuci.

ꞌLuuka 22:16

Hĩnĩngĩtĩ haduhaakuung dĩdĩ, iittiõõ hatĩ naa hõllõngaa haduk ꞌgẽẽn icci hĩ ngagiit tarĩ, ĩꞌthõng hikia hedeeꞌnyia habuccieetaa cĩ Nyekuci.”

ꞌLuuka 9:27

Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ꞌcĩg hatĩ arũgĩ ĩꞌthõng hĩcĩnĩt habuccieet cĩ Nyekuci.”

Kolooꞌthe 1:13

Ikia ẽẽlaeet Nyekuci ngagĩĩt habuccieetaa cĩ ꞌThĩttaanõ nẽ aꞌnyahaaeet habuccieetaa cĩ Ngeerĩnĩ ꞌcĩ ammĩnan nẽẽnĩ,