ꞌLuuka 21:34 - ꞌBuuk cĩ Thõõth cĩ Nyekuci

³⁴ “Aaut jurrung, ma hattumaniinnu ꞌgõõlaa ꞌcĩ ara aduunnu nẽ ĩdĩmattu thooꞌthiok ꞌcĩg abathĩ hĩ ngaatĩ apuppuddu, hĩnĩngĩtĩ rũgẽt cĩ looc nicci. Má adĩmannu noho, alubaakuung hinnia hatĩ kõrra ꞌcĩ decciaanĩt cĩ lootu nyahamalliak hĩ nyerite.

ꞌLuuka 21:34 ပူးပေါင်းရင်းမြစ်များ

ꞌThianaattõ 19:32

Ijjia hõõt hallabteek nyakangaan mẽrtĩ hũdũũt nẽ hõõt hatagguutho hĩ ĩnõõnnõ, hátĩ hittiraheet lõhõlĩ.”

ꞌThianaattõ 19:35

Ma ꞌjiaatĩn niccia allabteek nẽẽg maaꞌnyĩ mẽrtĩ tarĩ, ma baa õhõda maaꞌnyĩ mẽrta ho, ĩtĩnga bũhaanyĩnĩ ꞌcĩ hidici ho buúk õõt atagguutho hĩ maaꞌnyĩ. Baa aitiõõ maaꞌnyia hõllõngaa aga thõõth icci ũdũt.

ꞌThianaattõ 27:14

Nĩngĩtĩ õkõ aꞌnyahaanĩ Yakobo mĩꞌnyõ ꞌcĩg anneek ngaannia ho nẽ aaꞌnyĩk aattĩnnĩ hĩwaadĩk maaꞌnyĩ ꞌgõõlaa ꞌcĩ gõõng accamana maaꞌnyia.

Maatteeo 13:22

Hinyomona aag ĩꞌthanothoothĩk bĩllanĩtõõ, ĩthakꞌthoothĩk nẽẽg buúk eet ꞌcĩg athĩhĩ nyeemuut cĩ Nyekuci nẽ ummuhit pĩĩrnanĩt cĩ rũgẽtõ hĩ ꞌgoolinit cĩ baliitto, ꞌcĩ aaꞌnyĩk eet hiittiõõ hõllõngaa adtican dtiic ꞌcĩ adiim Nyekuci.

Maarko 13:9

“Ma iꞌthiattaaĩ ẽdẽẽnyta thooꞌthioha cieegi, uꞌthuutti eleeti cugguung, hĩnĩngĩtĩ aggamiinnu hatĩ niig nẽ oottu lokihooa, nẽ ommokteeu ꞌCieethinii cĩg Laiittak. Aꞌngĩdeennu hatĩ õõt ĩbĩlĩt muumtinii cĩg makayyioohu hĩ ĩĩcĩg habueetu, hátĩ udukta lemiinit ꞌcĩ ẽlẽmmaangu niig nganĩĩt ko.

Maarko 4:19

nẽ hinnia ummuhit rũgẽt cĩ looc nicci hĩ mĩnnan cĩ baliitto hĩ hẽlẽggĩ vẽlẽk ꞌcĩg ammũyan ĩhõõggõ nẽ ẽꞌthẽcanit thõõth cĩ Nyekuci, iittiõõ hõllõngaa abbiiri haꞌnyakta hinyomo.

ꞌLuuka 10:41

Ẽdẽcĩ hinnia Makayyioohiti ĩnõõnnõ anneek, “Maarta, Maarta, aallahi nii hẽlẽggĩ ꞌcĩg mẽẽlĩg gẽrrẽẽt.

ꞌLuuka 12:40

Aaut niig buúk dĩkĩĩm, hĩnĩngĩtĩ aku hatĩ Ngeertĩ Eeto kõr ꞌcĩ hõllõngaa ammuhuneeku niiga.”

ꞌLuuka 17:3

Ebehit eleeti cugguung jurrung. “Nẽ má adĩman ꞌgotonu ꞌthẽccan, ꞌgerenyeek. Nẽ má ũtũngeek ꞌthẽccan cĩnnĩ ho, tamaatĩk ĩnõõnnõ.

ꞌLuuka 21:35

Hĩnĩngĩtĩ alubaak hatĩ ꞌthẽk eet vẽlẽk ꞌcĩg aattĩg loota nĩnga hũtũrũũr.

ꞌLuuka 21:8

Ẽdẽcĩ Yeesu anneek, “Uꞌthuutti eleeti, hátĩ hiittiõõ hõllõngaa iggoolluung eeta. Au hatĩ eeta ꞌcĩg mẽẽlĩg ꞌthaarĩĩ cĩgannĩg ꞌcĩg au õthõõth aĩ, ‘Hĩĩnĩ naa Krĩstõ,’ nẽ ‘Õbõhĩ kõrra.’ Ma hanuyyu ĩhõõggõ.

ꞌLuuka 8:14

“Nẽ tarĩ hinyomona ꞌcĩg ĩꞌthanothoothĩk bĩllanĩtõõ ho, ĩthakꞌthoothĩk eet ꞌcĩg athĩhĩ thõõth cĩ Nyekuci nẽ ikia atalmaanyan baliiniti ĩhõõggõ hataarriothĩ thõõth.

1 Korinthia 5:11

Nẽẽthĩ ꞌyioko, hẽhẽẽdakuung naa ngagiit waraga icci, hátĩ hiittiõõ hõllõngaa ookorru hĩ eet umwa ꞌcĩ aũ ẽlẽ cĩnnĩ anneek lemmioohit, ĩko nẽẽ ĩĩn eet ꞌcĩ adĩman thooꞌthiok ꞌcĩg ĩĩn ꞌriiring, ĩĩn lobolobbiaahit nẽ ĩĩ eet ꞌcĩ ala hẽlẽggĩ ꞌcĩg aar eeta hĩĩtõ nyekuꞌnya hode ĩĩn oloꞌngiaahit hode ĩĩn duuttiahit hode ĩĩn eet ꞌcĩg ĩggõõl ꞌgõõnõgĩ. Nẽẽthĩ, ma haduheennu hĩ eet ꞌcĩ aaĩ noho.

1 Korinthia 6:10

hode igorriaaha hode lobolobbiaaha hode duuttiaha hode oloꞌngiaaha, hõllõngaa aduhun habuccieet cĩ Nyekuci.

ꞌGalaaꞌthia 5:20

Ala nẽẽg hẽlẽggĩ ꞌcĩg aar eeta hĩĩtõ nyekuꞌnya, adtican thooꞌthiok cĩg ngaritu, aaburreek ꞌgõõnõgĩ nẽ ẽppẽhan thooꞌthiok, abũraneek hẽlẽggĩ cĩg eetuk, alĩĩlĩ gẽrrẽẽt, athĩngõõnyanĩ, ẽꞌngẽr eeta nẽ õtõõcõ ẽmmẽn,

Pilippi 4:6

Ma hapuppuddu, hĩnĩngĩtĩ ꞌgiimwa, alaac Nyekuc thooꞌthiok vẽlẽk. Alaac ĩnõõnnõ ꞌthinneetinii ꞌcĩg anneeku ĩlaallẽ.

Ebereei 12:15

Uꞌthuutti eleeti cugguung, hátĩ hiittiõõ ẽẽtĩ ꞌcĩ abacĩ bũnnai ꞌcĩ ẽllẽẽmĩth cĩ Nyekuci tõõ. Ma haaꞌnyiku eet umwa hĩlĩĩlĩ nẽ ĩkõõthahuung thooꞌthiok ꞌcĩg abathĩ.

2 Pẽẽtũrũ 3:10

Anĩhaakeet hatĩ kõrra cĩ Makayyiookto hĩ igorriaahiti. Aꞌnginoothi hatĩ hẽtkujjieen moloohaa cobbi nẽ hatĩ õbõ ꞌgwaa loonyin vẽlẽk. Nẽẽthĩ hatĩ ũtũũthĩ lõõcĩ hĩ hẽlẽggĩ vẽlẽk ꞌcĩg aattĩg loota.

2 Pẽẽtũrũ 3:14

Nẽẽthĩ hoti ho, ꞌgotoonoga hĩ ngoonoga, hĩcĩ nga ereeyyu thõõth icci ho, idticanit thõõth vẽlẽk ꞌcĩ aaꞌnyuung ngagiit ĩĩtõ tẽllĩg, hiꞌthihi thõõth ꞌcĩ abathĩ nẽ aauttu lõꞌngõõc hĩ ĩnõõnnõ.

Terethiinit 3:3

Ummuhuttooth thooꞌthiok baag allimanoothikuung ngagiit nẽ uꞌthuuttu jurrung. Ũtũbũrĩt thooꞌthiok ꞌcĩg abathĩ. Má attumaniinnu, hanĩhaakuung hatĩ naa hĩ igorriaahiti kõrraa ꞌcĩ hõllõngaa agayyu niiga.