19 Ĩbĩlĩt kõmĩĩtha hatĩ ummuddia rũgẽt.
Aaburreekuung hatĩ eeta vẽlẽk, hĩnĩngĩtĩ nganĩĩta. Nẽ ẽẽtĩ ꞌcĩ aꞌthũũnnĩ lemiinit cĩnnĩ ĩꞌthõng dtuurnanĩt cĩ lootu, eelliaa hatĩ nẽẽnĩ.
Nẽẽthĩ, ẽẽtĩ ꞌcĩ ẽlẽmma nganĩĩt ĩꞌthõng decciaanĩt cĩ lootu, eelliaa hatĩnĩ.
Nẽẽthĩ, hinyomona ꞌcĩg ĩꞌthanothoothĩk ꞌthẽẽmĩĩ ꞌcĩg abũnnaa ho, ĩthakꞌthoothĩk eet ꞌcĩg tarbalĩg ꞌcĩg õõrĩg ꞌthinneeti. Eet ꞌcĩg athĩhĩ thõõth nẽ uꞌthuutti jurrung hĩ haala ꞌcĩg alĩꞌtha ĩꞌthõng hibbiirito nẽ ajatta.
Hĩnĩngĩtĩ hẽlẽggĩ baag eteheeddi loota ꞌBuuhaa cĩ Nyekuci baa hũnũũk, baa eheeddi hillimatteet ngagĩĩt temeethi hĩ ngaatĩ akũtanneet ngagĩĩt, hátĩ haꞌnyahit muhẽẽnĩt ꞌcĩ abũnnaa.
Eeta ꞌcĩg aalla adĩman thooꞌthiok ꞌcĩg abũnnaa, atarraaban bulẽẽnĩt hĩ tẽẽlꞌthĩt, hĩ thõõth ꞌcĩ adiim arũgnĩ ooo, aaꞌnyĩk hatĩ Nyekuci ĩhõõggõ rũgẽt ꞌcĩ aalla ooo.
Hõllõngaa noho dioo, haccamanoothĩk naag buúk, hĩnĩngĩtĩ ꞌcannan cĩnaac, hĩnĩngĩtĩ haga naag eelleet ꞌcannani ngagĩĩt haallattia hidticattoothĩk Nyekuc,
nẽ má hẽmmẽẽthĩ thõõth nẽ hokomit lemiitta, hau hatĩ hĩĩgĩn naag lõhõlĩ cĩg Nyekuci ꞌcĩg haꞌnyak muhẽẽnĩt ꞌcĩ abũnnaa cĩ elliaattõ.
Nẽẽthĩ, má haarĩk naag muhẽẽnĩt ꞌcĩ abũnnaa ꞌgiiaa ꞌcĩ nga haꞌnyahit, hẽrẽẽc ĩnõõnnõ temeethitta.
Gõõng haduhaaka naag Nyekuc Baangeet hõdõõkõthĩ thõõth cĩ lemiinit cunuung hĩ dtiic cunuung cĩ mĩnnaanõ, ꞌcĩ ĩĩn dĩdĩ hĩ ĩnõõnnõ, hĩ ngaatĩ aꞌnyaku muhẽẽnĩt ꞌcĩ õkõmĩ hĩ Makayyioohit cĩnaac Yeesu Krĩstõ.
Hala naa Makayyioohit, hátĩ heteretheehuung ngagiit aꞌnyahit mĩnnan ꞌthinneetinii cugguung, haau hĩcĩ aꞌnyak Nyekuci nẽ etemeeꞌthu thooꞌthiok aauto hĩ Krĩstõ.
Adiim emmeꞌthu thooꞌthiok, hátĩ idticanit tabiinit cĩ Nyekuci. Nẽẽthĩ hatĩ ummuddiaau thõõth baa aduha nẽẽnĩ.
Hadiimmuung naag ngagiit hõdẽĩ hõdẽĩ eellio nyaagwaana ooo ĩꞌthõng decciaanĩt cĩ lootu, hátĩ hikia muhẽẽnĩtĩ cunuung ꞌcĩ ammuku Nyekuc, hĩĩ dĩdĩ.
Ma ho, ikia ẽrẽẽõ Abũrahamĩ ĩꞌthõng hikia hẽdẽẽnya Nyekuci thõõth baa aduha.
Hĩnĩngĩtĩ agayyu niig aĩ, má ĩttĩmanĩ lemiiniti cunuung, occa hatĩ ammũda temeethi cunuung ꞌgõõl ꞌcĩ alĩꞌthĩ.
Nẽ illimanit ngaatĩ emmeeꞌthu thooꞌthiok vẽlẽk ũdũt, hátĩ ĩtĩlĩthĩt okomit dĩdĩ nẽ iitiõõ ꞌgii ꞌcĩ occa aꞌnyamannuung tõõ.
nẽ ittoorrihu ꞌgẽẽnyĩth authet cĩ haꞌthũũnnĩ eleeti jurrung nẽ ittoorrihu authet ꞌcĩ haꞌthũũnnĩ eleeti temeethi nẽ ittoorrihu temeethi ꞌgõõl ꞌcĩ haaꞌnyĩkĩ Nyekuc haccamanoothĩk;
Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.
Má adiim Nyekuci eet umwa haggamĩ hũũk baabuutha, aggammi ꞌthẽk hatĩnĩ, nẽ má adiim Nyekuci eet umwa huruhi, aruhi ꞌthẽk hatĩnĩ. Aĩ thõõth ciee nẽẽ, aaꞌnyĩk eet cĩg Nyekuci hetemeethito ꞌcannan nẽ elemit thõõth cĩnnĩ.
Aĩ thõõth ciee, adiim ẽmmẽẽthĩ eeta cĩg Nyekuci ꞌcannan nẽ uꞌthuutti tilooinit cĩ Nyekuci ho nẽ uꞌthuutti lemiinit cĩnĩĩng hĩ Yeesu ũdũt.
Hĩnĩngĩtĩ ĩthĩktu niig tilooinit caannĩ nẽ etemeeꞌthu pĩĩrnanĩt, haꞌthuunnuung hatĩ naa buúk ngagiit kõr ꞌcĩ hatĩ attĩmaniini eeta cĩg lootu vẽlẽk.
