ꞌLuuka 21:17 - ꞌBuuk cĩ Thõõth cĩ Nyekuci

¹⁷ Aaburreekuung hatĩ eeta vẽlẽk, hĩnĩngĩtĩ nganĩĩta.

ꞌLuuka 21:17 ပူးပေါင်းရင်းမြစ်များ

Maatteeo 10:22

Aaburreekuung hatĩ eeta vẽlẽk, hĩnĩngĩtĩ nganĩĩta. Nẽ ẽẽtĩ ꞌcĩ aꞌthũũnnĩ lemiinit cĩnnĩ ĩꞌthõng dtuurnanĩt cĩ lootu, eelliaa hatĩ nẽẽnĩ.

Maatteeo 24:9

“Aggamiinnu hatĩ nẽ aarrihoothihu baabuuth nẽ uukteu hode aruheennu thõng buúk. Akannannuung hatĩ eeta cĩg loonyin vẽlẽk, hĩnĩngĩtĩ nganĩĩta.

Maatteeo 5:11

“ꞌGattan hĩ ngagiit eet ꞌcĩg odoommuung eeta, adĩmannuung ꞌbuth nẽ addangtaahuung thooꞌthiohĩĩ ꞌcĩg abathĩ, hĩnĩngĩtĩ nganĩĩta.

Maarko 13:13

Aharreekuung hatĩ ngagiit eeta vẽlẽk, hĩnĩngĩtĩ nganĩĩt Yeesu. Nẽẽthĩ, eet umwaa ꞌcĩ ẽmmẽẽthĩ ꞌcannan ĩꞌthõng decciaanĩt cĩ lootu, eelliaa hatĩ nẽẽnĩ.

ꞌLuuka 21:16

Õhõppõõcannuung hatĩ maajihu hĩ ꞌgotoonogu hĩ ittioonniok hĩ ꞌgoonogu dẽẽdẽ nẽ hatĩ uruktuung ngagiit ũgĩ adaahit.

ꞌLuuka 21:18

Nẽẽthĩ, hiꞌthihi hatĩ ĩmaacit cĩ ooti cugguung ꞌcĩ aꞌnginoothi.

ꞌLuuka 6:22

Aggatatteeu niig hatĩ aaburreekuung eeta, nẽ ibiꞌthuunga nẽ odoomtuung nẽ utuburruung aaut hĩ eeta ꞌcĩg abaꞌthu, hĩnĩngĩtĩ Ngeertĩ Eeto.

Yõaannẽ 15:19

Má baa ĩĩtõ niig eet cĩg looc nicci, occa ꞌyioko ammĩnannuung eeta cĩg looc nicci ngagiita. Nẽẽthĩ, iittiõõ niig hõllõngaa iiginnu eet cĩg looc nicci. Baa hẽbẽraauung naa ngagiit, hátĩ ũtũngteek thooꞌthiok cĩg looc nicci. Ĩnõõ ꞌyioko ꞌcĩ aaburreekuung eeta cĩg looc nicci ho.

Yõaannẽ 15:21

“Adĩmannuung hatĩ nẽẽg buúk ngagiit ꞌbuth, hĩnĩngĩtĩ nganĩĩta, nẽẽthĩ, baa aitiõõ nẽẽg hõllõngaa aga Eet baa ĩꞌthõõannaa nganĩĩta.

Yõaannẽ 17:14

Baa huduhaaha naa ĩhõõggõ thõõth cunni, aaburreek hinnia eeta cĩg looc nicci ĩhõõggõ thõng, hĩnĩngĩtĩ iittiõõ nẽẽg hõllõngaa ĩĩn eet cĩg looc nicci tarĩ hĩ naana.

Yõaannẽ 7:7

Aitiõõ hõllõngaa aaburreekuung eeta cĩg looc nicci ngagiita, aaburreeka nẽẽg nganĩĩt, hĩnĩngĩtĩ hĩbbõõrahi naa ĩhõõggõ thooꞌthiok ꞌcĩg abathĩ ꞌcĩg adĩman nẽẽgĩ.

Dtiicanĩ cĩg ꞌThooyyiahu 9:16

Nganĩĩt hatĩ ꞌcĩ heterꞌtheehi ĩnõõnnõ ꞌgõõl ꞌcĩ accananiini, hĩnĩngĩtĩ ꞌthaar cĩgannĩg.”

2 Korinthia 12:10

Eei, haccamanoothihi naa ngaatĩ happĩĩrnanĩĩ, hĩ ngaatĩ hodoominii, hĩ ngaatĩ huukẽnĩĩ, hĩ ngaatĩ homothiini hĩ ngaatĩ haccananiini, hĩnĩngĩtĩ Krĩstõ. Ĩnõõ ꞌcĩ ma happĩĩrna, hattirani.

2 Korinthia 4:11

Hĩnĩngĩtĩ ngagĩĩt ꞌcĩg nga harũgĩ ho, haaꞌnyĩhoothĩk naag daahĩth, hĩnĩngĩtĩ ĩnõõnnõ, hátĩ hedeeꞌnyia rũgẽtĩ cĩnnĩ hĩ ngagĩĩta.

2 Korinthia 4:5

Hõllõngaa hirrioonna naag thõõth cĩ eleeti cĩggaang, aĩ nyeemuut cĩnaang nẽẽ, ĩĩn Yeesu Krĩstõ Makayyioohit. Ĩꞌthõõanneet nẽẽ ngagĩĩt hiita hĩĩtta appahacaaꞌnya cugguung, hĩnĩngĩtĩ ĩnõõnnõ.

Pilippi 1:29

nẽ aggatanuunga. Hõllõngaa aggatannuung, hĩnĩngĩtĩ aꞌnyaku niig lemiinit hĩ Krĩstõ diooni, nẽẽthĩ, aggatannuung, hĩnĩngĩtĩ accananiinnu niig buúk, hĩnĩngĩtĩ ĩnõõnnõ.

1 Pẽẽtũrũ 4:14

Nẽẽthĩ hoti ho, accamattoothĩk hatĩ odoommuung eeta, hĩnĩngĩtĩ ĩĩgĩnnu Lemmiook, hĩnĩngĩtĩ aaĩ bulẽẽnĩtĩ cĩ Lori cĩ Nyekuci hĩ ngagiita.

Terethiinit 2:3

Baa emmeeꞌthu niig thooꞌthiok nẽ accanatteeu gẽrrẽẽt, hĩnĩngĩtĩ nganĩĩta nẽ aalla nga ippiirria ũdũt.