ꞌLuuka 20:47 - ꞌBuuk cĩ Thõõth cĩ Nyekuci

⁴⁷ Ĩĩn nẽẽg eet ꞌcĩg arratana ngaatĩbõyyĩꞌnya ꞌcieethi nẽ ara agurreek laiinit ĩꞌthõng, hĩnĩngĩtĩ adiim ẽtẽrꞌtha eleeti. Uuki hatĩ eeta ꞌcĩg aattĩg noho gẽrrẽẽt ũdũt.”

ꞌLuuka 20:47 ပူးပေါင်းရင်းမြစ်များ

Maatteeo 23:13

“Pĩĩrnanĩt hĩ ngagiit ꞌlimmanniook cĩg nyattal cĩ Mũũꞌtha hĩ Variꞌtheei, niig oloꞌngiaaha cieegi! Aꞌnyuuggu niig habuccieet cĩ hẽẽtkujjieen hẽbẽrẽẽnnĩĩ cĩg eetuk. Nẽ aitiõõ niig hõllõngaa occa aduhunnu habuccieet cĩ hẽẽtkujjieen hode ẽlẽmaaku eet ꞌcĩg adiim aduhuni.

Maatteeo 23:14

Pĩĩrnanĩt hĩ ngagiit ꞌlimmanniook cĩg nyattal cĩ Mũũꞌtha hĩ ngagiit Variꞌtheei. Oloꞌngiaaha cieegi! Arratanaannu ngaatĩbõyyĩꞌnya ijjio olooyyiohĩĩ cĩggĩĩng nẽ alayyioou lothippita hũnũũk, hátĩ hicittuung eeta. Uukuung hatĩ Nyekuci ngagiit gẽrrẽẽt ũdũt.

Maarko 12:40

Ĩĩn nẽẽg eet ꞌcĩg arratana ngaatĩbõyyĩꞌnya ijjio olooyyiohĩĩ cĩggĩĩng nẽ etereꞌthia eleeti cĩggĩĩng ngaatĩ aꞌnyahĩ laiinit ꞌcĩ uuni. Nẽẽthĩ, uuk hatĩ Nyekuci eet ꞌcĩg aattĩg noho gẽrrẽẽt!”

ꞌLuuka 12:1

Baa aluttiaak eeta ꞌcĩg ĩĩn aalibꞌnya ꞌcĩg mẽẽlĩg ngaatĩ aayyi Yeesu ĩꞌthõng haathito ũgẽẽgĩ ꞌgõõnõgĩ. Nĩngĩtĩ iꞌthianaanĩ nõõ Yeesu irrioonĩkĩ nuyyiook cĩgĩnnĩg annẽẽkĩ, “Ma haaꞌnyiku ꞌlimman cĩ Variꞌtheei hidiahanuunga. Ĩĩn ꞌlimmanĩ cĩnĩĩng ko õlõng.

ꞌLuuka 20:46

“Niiga, agaac lõggõõ aagõõng allimaneek eet nyattal nĩnga jurrung. Amĩna nẽẽg ngaatĩ irrianĩ ceremwaanĩĩ ꞌcĩg õkõmĩ kak nẽ idiimito hĩꞌthaacõ eeta ngaatĩ tũũõ hĩ ngaatĩ õõ iccioloonganĩ dtaabĩtĩĩ ꞌcĩg oou ꞌCieethinii cĩg Laiittak hĩ ngaatĩ adahĩ eeta karramẽẽta.

ꞌLuuka 21:1

Ma baa õdõng Yeesu hẽbẽrĩ ho, adtuuha hinnia balliook ũgĩ adhuheek ꞌbaaninit locoburoatõõ ꞌcĩ aarĩkĩ eeta ꞌrabbẽẽt cĩg ꞌCieeth cĩ Nyekuci.

1 Tẽꞌthaloonika 2:5

Agayyu niig buúk nga hĩttĩmatta naag ngaatĩ hĩggõõlla eet umwa. Aga Nyekuci buúk ngaatĩ aitiõõnnĩ thõõth baa hadĩmanna naag, hõllõngaa ĩĩn ꞌgii ꞌcĩ hammũtta lõbõlõbẽẽꞌthĩt cĩnaang.

Tiito 1:16

Õõlõng eeta ꞌcĩg aattĩg noho ho aĩ, hagayya Nyekuc nẽ nẽẽ aduha thooꞌthioha ꞌcĩg adtican nẽẽg ko aĩ, hõllõngaa aga nẽẽg Nyekuc dĩdĩ. Aꞌnyak nẽẽg mẽdẽr ꞌthinneetinitõõ cĩggĩĩng hĩ thõõth ꞌcĩ abũrrĩ thõõth cĩ makayyioohu. Hõllõngaa occa adtican nẽẽg thõõth ꞌcĩ abũnnaa.

ꞌJeemith 3:1

ꞌGotoonoga hĩ ngoonoga, occa hõllõngaa au ĩĩgĩnnu niig vẽlẽk ꞌlimmanniook lothippitaa cĩ lemmioohu, hĩnĩngĩtĩ, naag ꞌcĩg hallimanna eet ko, etteedothoothĩkeet hatĩ thõõth ꞌgõõlaa ꞌcĩ õkõmĩ gẽrrẽẽt.