ꞌLuuka 20:38 - ꞌBuuk cĩ Thõõth cĩ Nyekuci

³⁸ Hõllõngaa ĩĩn nẽẽ Nyekuc cĩ daakiahu, ĩĩn Nyekuc cĩ eet cĩg arũgĩ, hĩnĩngĩtĩ hĩ ĩnõõnnõ, arũgĩ eeta vẽlẽk.”

ꞌLuuka 20:38 ပူးပေါင်းရင်းမြစ်များ

Maatteeo 22:32

‘Hĩĩnĩ naa Nyekuc cĩ Abũrahamĩ, Nyekuc cĩ Iꞌthaako hĩ Nyekuc cĩ Yakobo.’ Ĩĩn nẽẽ Nyekuc cĩ eet ꞌcĩg arũgĩ, hõllõngaa ĩĩn Nyekuc cĩ daakiahu.”

Maarko 12:27

Ĩĩn nẽẽ Nyekuc cĩ eet ꞌcĩg arũgĩ, hõllõngaa cĩ daakiahu. Nẽ aitiõõ niig hõllõngaa athiknu thõõth icci jurrung!”

ꞌLuuka 20:39

Nĩngĩtĩ ẽdẽcĩ ꞌlimmanniooha ũgẽẽgĩ cĩg nyattaalak annẽẽkĩ, “Uduha thõõth dĩdĩ ꞌlimmannioohit.”

Yõaannẽ 14:19

Waathinnioohĩĩ ꞌcĩg abadtẽc, hõllõngaa hatĩ acĩnna eeta cĩg looc nicci nganĩĩta, nẽẽthĩ, acĩnnaangu hatĩ niiga. Arũgnu niig, hĩnĩngĩtĩ harugi naana.

Yõaannẽ 6:57

“Baa ĩꞌthõõannaa nganĩĩt Baaba ꞌcĩ arũgĩ nẽ harugi naa buúk, hĩnĩngĩtĩ ĩnõõnnõ. Nẽ ẽẽtĩ ꞌcĩ aduk ẽlẽ caannĩ, arũgĩ hatĩ nẽẽ buúk, hĩnĩngĩtĩ nganĩĩta.

2 Korinthia 13:4

Tananga baa odooddothoothĩk nẽẽ hurucceea, aaĩ hĩcĩ baa appĩĩrna ꞌtirriani cĩnnẽẽnĩ. Nẽ ꞌyioko, arũgĩ nẽẽ ꞌtirriaanaa cĩ Nyekuci. Noho, happĩĩrna hatĩ naag buúk hĩ baa Krĩstõ. Nẽẽthĩ nẽẽꞌthẽk, acinnu hatĩ harũgĩ naag hĩ ĩnõõnnõ ꞌtirriaanaa cĩ Nyekuci nẽ hatĩ hidticattoothihuung ngagiita.

2 Korinthia 6:16

Ganõn iina ꞌcĩ aꞌnyak ꞌCieeth cĩ Nyekuci hĩ hẽlẽggĩ ꞌcĩg aar eeta hĩĩtõ nyekuꞌnya ho? Hĩnĩngĩtĩ hĩĩgĩn naag ꞌCieeth cĩ Nyekuc ꞌcĩ arũgĩ. Hĩcĩ aduha ꞌBuuhi cĩ Nyekuci aĩ, “Haaĩ hatĩ naa hĩ ĩhõõggõ nẽ hookorria hĩ ĩhõõggõ. Hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.”

Ebereei 11:16

Nẽẽthĩ, baa adiim nẽẽg looc ꞌcĩ abũnnaa ꞌcĩ aaĩ hĩĩ hẽẽtkujjieen. Ĩnõõ ꞌcĩ hõllõngaa aꞌngaaõnĩ Nyekuci hatĩ avvĩ nẽẽg ĩnõõnnõ annẽẽkĩ Nyekuc cĩnĩĩng, hĩnĩngĩtĩ baa etehenyeek Nyekuci ĩhõõggõ ꞌtaaũn cobbi.

Terethiinit 22:1

Ma ho, eteretheeha aajĩlõ hidioo umwa ꞌcĩ ariha maama dtaabawaa ꞌcĩ aayyi Nyekuci hĩ Mĩꞌnyõõn. Lĩĩl ꞌcĩ attalĩth maama nẽ ĩĩtõ tẽllĩg thõng. Ĩĩn maama tĩko maam ꞌcĩg aaꞌnyeet rũgẽt.