ꞌLuuka 20:35 - ꞌBuuk cĩ Thõõth cĩ Nyekuci

³⁵ Aitiõõ eeta ꞌcĩg hatĩ arũgna daahĩtha hõllõngaa attihi,

ꞌLuuka 20:35 ပူးပေါင်းရင်းမြစ်များ

Maatteeo 12:32

Má õthõõth eet umwaa Ngeertĩ Eeto ꞌbuth, occa horoong ũũnnothoothĩk ꞌthẽccanĩ cĩnnẽẽnĩ. Nẽẽthĩ, ẽẽtĩ ꞌcĩ õthõõth Lori ꞌcĩ Ẽllẽẽmĩthĩ ꞌbuth, hõllõngaa hatĩ ũũnnothoothĩk ꞌthẽccanĩ cĩnnẽẽnĩ, rũgẽtaa cĩ looc nicci hode rũgẽtaa ꞌcĩ urutaa cĩ daahĩthõõ.

Maatteeo 22:29

Ẽdẽcĩ Yeesu anneek, “Ẽꞌthẽcattu nĩngaata, hĩnĩngĩtĩ nga agaac niig ꞌBuuk cĩ Nyekuci hode makaaꞌthĩt cĩnnĩ.

Maarko 10:42

Nĩngĩtĩ avvaanĩ Yeesu ĩhõõggõ vẽlẽk hõdẽĩ nẽ ĩĩnnĩk, “Agayyu niig habuẽẽtĩĩ ꞌcĩg eet ꞌcĩg hõllõngaa ĩĩn ꞌJudeei, arratan nẽẽg eet cĩggĩĩng nẽ aanytĩk makayyiooha cĩggĩĩng makaaꞌthĩt cĩnĩĩng hagaĩ.

Maarko 12:24

Baa hinnia ẽdẽcĩ Yeesu Thadutheei tĩko anneek, “Ẽꞌthẽcannu niig, hĩnĩngĩtĩ hõllõngaa agayyu thõõth ꞌcĩ eheeddi ꞌBuuhaa cĩ Nyekuci nẽ tarĩ hõllõngaa agayyu ꞌtirrian cĩ Nyekuci.

ꞌLuuka 16:8

“Ma ho, ikia accamana ballioohiti dticciannioohit ꞌcĩ ĩĩn oloꞌngiaahit ko gẽrrẽẽt, ngaatĩ ẽggẽẽꞌnyĩ nẽ ĩdĩman eet ꞌcĩg acuhan ijjio jurrung. Nẽ dĩdĩ, ẽggẽẽnyĩth eeta cĩg looc nicci, ngaatĩ adĩmanĩ ꞌgõõnõgĩ jurrung hĩllõõanit eet cĩg lanyitaak.

ꞌLuuka 21:36

Aaut hõdõõkõthĩ dĩkĩĩm nẽ alayyioou, hátĩ horoong iliittia hẽlẽggĩ ꞌcĩg au nẽ, hátĩ horoong iita uuluyyu ngaatĩ abillu muumaa cĩ Ngeertĩ Eeto.”

Yõaannẽ 5:29

nẽ hatĩ ũrũgta nẽẽg daahĩtha. Arũgna hatĩ eeta ꞌcĩg baag adtican thooꞌthiok ꞌcĩg abũnnaa nẽ õõt rũgẽta nẽ hatĩ ũrũgta eeta ꞌcĩg baag adtican thooꞌthiok ꞌcĩg abathĩ nẽ uukti.

Dtiicanĩ cĩg ꞌThooyyiahu 24:15

nẽ haꞌnyahi naa buúk muhẽẽnĩt hõdẽẽthõng hĩ Nyekuc, hĩcĩ ꞌthẽk aꞌnyak eeta cieegi. Aaĩ ꞌthẽk hatĩ rũgaanĩtĩ cĩ eet ꞌcĩg abũnnaa hĩ ꞌcĩg ĩĩn ꞌthẽccanniook.

Dtiicanĩ cĩg ꞌThooyyiahu 5:41

Ma baa uduhutta ꞌthooyyiaha ꞌcieethaa cĩ lokihoo, baa atalĩ nẽẽg gẽrrẽẽt, hĩnĩngĩtĩ accamana Nyekuci ĩhõõggõ pĩĩrnattaa cĩ uukẽnĩ ꞌthaarĩĩ cĩg Yeesu.

2 Tẽꞌthaloonika 1:5

Ĩĩn ciee vẽlẽk thõõth ꞌcĩ ẽtẽrꞌtha aĩ, aũlan thõõth ꞌcĩ ẽttẽẽd Nyekuci nẽ ũkũmaneehuung nẽẽ ngagiit eliitta, ngaatĩ othollu hĩ Nyekuc habuccieet cĩnnĩ, hĩnĩngĩtĩ ꞌcannan ꞌcĩ emmeeꞌthu niig ꞌyioko ho.

Ebereei 11:35

Ma ho, iita ũrũkta maaccwaana cĩg ngaainu daahĩtha. Nẽẽthĩ, baa accananni eeta cieeg ũgẽẽgĩ gẽrrẽẽt nẽ ũtũbũrĩt ngaatĩ ooggianĩ baabuuthatõõ. Baa aga nẽẽg jurrung ngaatĩ hatĩ ammũdaanĩ dũman ꞌcĩ mẽẽn, hatĩ ũrũgta eeta vẽlẽk daahĩtha.

Terethiinit 3:4

“Nẽ nga aꞌnyaku niig eet ũgĩ lothippitaa cĩ lemmiook cĩg Thaardithi, ꞌcĩg nga hĩdĩmanit thõõth ꞌcĩ abathĩ. Hõõkõrra hatĩ hĩ ĩhõõggõ, ahimit ceremwa ꞌcĩg õõrĩg, hĩnĩngĩtĩ abũnnaa nẽẽgĩ.