ꞌLuuka 20:17 - ꞌBuuk cĩ Thõõth cĩ Nyekuci

¹⁷ Nĩngĩtĩ akannĩ Yeesu eet hẽbẽrĩ ĩꞌthõng nẽ ijin ĩĩnnĩk, “Aduha ꞌBuuhi cĩ Nyekuci ne baa eheeddi aĩ, “ ‘Ĩĩ bẽẽ baa abũrĩ teheꞌnyiooha bẽẽ ꞌcĩ tiiri gẽrrẽẽt’?

ꞌLuuka 20:17 ပူးပေါင်းရင်းမြစ်များ

Maatteeo 21:42

Nĩngĩtĩ annẽẽkĩ Yeesu ĩhõõggõ, “Agayyu niig baa aduha ꞌBuuhi cĩ Nyekuci aĩ, “ ‘Ikia ĩĩ tiir bẽẽ baa abũrĩ teheꞌnyiooha gẽrrẽẽt hĩllõõan ꞌgõõnõgĩ vẽlẽk. ꞌGii ꞌcĩ baa adtican Makayyioohiti cieeni, nẽ ubulaneet ngagĩĩt gẽrrẽẽt ũdũt.’

Maarko 10:23

Ma ho, ubbuud Yeesu looc nẽ ĩĩnnĩk nuyyiook cĩgĩnnĩg, “Õkõmĩ gẽrrẽẽt ngaatĩ adukni balliooha habuccieet cĩ Nyekuci!”

Maarko 12:10

Ma ho, ĩĩnnĩk Yeesu ĩhõõggõ, nga nooyyia itigiilit niig thõõth baa eheeddi ꞌBuuhaa cĩ Nyekuci aĩ, “ ‘Bẽẽ baa abũrĩ teheꞌnyiooha, ikia ĩĩ bẽẽ ꞌcĩ ĩllõõan gẽrrẽẽt ꞌgoonoginni vẽlẽk?

Maarko 3:5

Nĩngĩtĩ ẽggẽlẽẽmĩ Yeesu ĩhõõggõ lĩĩlĩẽẽttaa nẽ iittiõõ hõllõngaa accamanoothĩk, hĩnĩngĩtĩ baa õkõmĩ ĩhõõggõ ooti. Nẽ uduhaak eet nicci ĩĩnnĩk, “Õõd aꞌthiit cunni hũũlan.” Nĩngĩtĩ õõdĩ nẽẽ aꞌthiit nẽ ũbũna aꞌthiiti cĩnnĩ ho tarĩ!

ꞌLuuka 19:41

Ma baa õbõktõ nẽẽ hĩ ꞌJeruꞌthalẽm nẽ ĩcĩn ꞌtaaũn, ikia utulu,

ꞌLuuka 22:37

Ĩdĩmanit hoti, hĩnĩngĩtĩ eheeddi ꞌBuuhaa cĩ Nyekuci aĩ, ‘Arũmoothĩk nẽẽ hĩ ꞌthẽccanniook hõdẽĩ.’ Baa õthõõꞌtha thõõth ciee nganĩĩta nẽ aku ꞌthẽk hatĩ edeeꞌnyia hĩĩ dĩdĩ hĩdĩĩkoothong.”

ꞌLuuka 22:61

Ma ho, ubbuudi Makayyioohiti nẽ ẽdẽẽnyõthĩ Pẽẽtũrũ, nĩngĩtĩ ammuhunõõꞌthĩ Pẽẽtũrũ thõõth baa aduhaak Yeesu ĩnõõnnõ anneek, “Õõa ꞌcĩ nga hõrõhĩ tũhũlũc lohotha ngerrenita, ẽppẽhannaa hatĩ nii nganĩĩt tabattĩ iyyio.”

ꞌLuuka 24:44

Ma nĩngaata, ĩĩnnĩk ĩhõõggõ, “Baa nga harũmĩ naag hĩ ngagiita, baa gõõng haduhaakuung naa hanneekuung, edeeꞌnyia hatĩ ꞌgii vẽlẽk ꞌcĩ eheeddi, hĩnĩngĩtĩ nganĩĩt nyattaalaa cĩ Mũũꞌtha hĩ ĩĩcĩ põrõvẽtaaꞌnyanu hĩ ꞌBuuhaa cĩ Tegellwaanu.”

Yõaannẽ 15:25

Ĩnõõ ꞌcĩ aduhaanĩ ꞌBuuhi cĩ Nyekuci thõõth ꞌcĩ eheeddi nyattaalaa cĩnĩĩng aĩnnĩ, ‘Aaburreeka eeta nganĩĩt haaga, nga hẽꞌthẽcan thõõth umwa buúk.’

Dtiicanĩ cĩg ꞌThooyyiahu 4:11

Aaĩ Yeesu hĩ, “ ‘Bẽẽ baa aburru niig teheꞌnyiooha nẽ ꞌyioko, ĩĩ bẽẽ ꞌcĩ abũnnaa hĩllõõan ꞌgoonoginni vẽlẽk.’

Eevvetho 2:20

hõdẽĩ, hĩthakthoothĩk naag ꞌcieeth cĩnnĩ ꞌcĩ ẽhẽnytĩ nẽ aauto ꞌthooyyiaha hĩ põrõvẽtaaꞌnya hĩ õkõlakꞌnya nẽ aau Yeesu Krĩstõ hĩ miirihi.

1 Pẽẽtũrũ 2:6

Hĩcĩ eheeddi ꞌBuuhaa cĩ Nyekuci aĩ, “Ĩcĩnĩt nõõ, haarihi naa bẽẽ ꞌThiona, bẽẽ ꞌcĩ tiiri ꞌcĩ eberriaa ꞌcĩ aarĩhoothĩk õkĩca, nẽ ẽẽtĩ ꞌcĩ ẽlẽmĩ ĩnõõnnõ, hõllõngaa hatĩ aggam ngaaoni ũdũt.”