ꞌLuuka 20:16 - ꞌBuuk cĩ Thõõth cĩ Nyekuci

¹⁶ Occa õkõ aruk ĩhõõggõ vẽlẽk nẽ aaꞌnyĩk mana eet ꞌcĩg ꞌrĩĩng hootti.” Ma baa athĩhĩ eeta thõõth icci ho, othoothito ĩĩtõ, “Aitiõõ hatĩ thõõth ciee hõllõngaa aku haau hoti.”

ꞌLuuka 20:16 ပူးပေါင်းရင်းမြစ်များ

Maatteeo 21:34

“Ma baa ikia kõrra cĩ janiitto, ũũk ĩꞌthõõa nẽẽ dticcianniook cĩgĩnnĩg hõõt hĩ dticcianniook baag ũũnnĩkĩ nẽẽ mana cĩnnĩ cĩ viinoo, hõõt haꞌnyaktaak ĩnõõnnõ viino ꞌcĩ ibbiira.

Maatteeo 21:41

Ẽdẽcĩ paadĩrꞌnya ꞌcĩg obbitig hĩ makayyiook cĩg eetuk aĩ, “Aku hatĩ aruk nẽẽ ĩhõõggõ ꞌgõõlaa ꞌcĩ abathĩ gẽrrẽẽt. Nẽ hatĩ aaꞌnyĩk nẽẽ mana cĩnnĩ ho, eet ꞌcĩg hatĩ ẽꞌngẽraak ĩnõõnnõ viino ꞌcĩ abbiiri, kõr ꞌcĩ hatĩ ajaniini mana cĩnnĩ ho.”

Maatteeo 22:7

Baa aku alĩĩlĩ habuui gẽrrẽẽt ũdũt nẽ ĩꞌthõ ũũrũta cĩgĩnnĩg hõõt huruhit mĩrõk tĩko nẽ ũtũũth ꞌtaaũn cĩnĩĩng.

Maarko 12:9

Ma nĩngaata, ikia ijin Yeesu makayyiook cĩg ꞌJudeei ho ĩĩnnĩk, “Adĩman occa hatĩ baattĩ manu bekiook cĩg manu ho hutuno? Aku hatĩ aruk nẽẽ bekiook niccig vẽlẽk nẽ aaꞌnyĩk mana nicci eet ꞌcĩg ꞌrĩĩng hebehit mana cĩnnĩ ho.

ꞌLuuka 19:27

Aꞌnyakta thĩ mĩrõk cĩgannĩg ꞌcĩg hõllõngaa adiimma hĩĩ habu haggam ĩhõõggõ ho ngaati nẽ uruktu hẽbẽrẽẽnnĩĩ cĩgannĩg.’ ”

ꞌLuuka 20:15

Nĩngĩtĩ õõĩ ĩnõõnnõ tẽrẽtẽraa cĩ mana cĩ viinoo nẽ uruhit hadaak. “Ma ammuku niig, occa õkõ adahĩ baattĩ manu bekiook iccig ne?

Dtiicanĩ cĩg ꞌThooyyiahu 13:46

Nẽẽthĩ, baa ẽdẽcĩ Paaulo hĩ Baarnaba tõrõmẽẽꞌthĩta anneek, “Baa hadiimma naag hallimaneekuung ngagiit nyeemuut cĩ Nyekuci ĩĩcĩ oou, õõa ꞌcĩ nga hillimatteeha eet ũgĩ, aburru hinnia niig nyeemuut tĩho! Ĩko aburru rũgẽt ꞌcĩ aalla ooo. Nẽẽthĩ ꞌyioko, hoottia naag nyeemuut icci, hĩ eet ꞌcĩg hõllõngaa ĩĩn ꞌJudeei,

ꞌRooma 11:1

Nẽẽthĩ, hajini naa thõõth ꞌcĩ haini, abũrĩ baa Nyekuci eet cĩgĩnnĩg? Aitiõõ ũdũt! Hĩĩnĩ nõõ naa eet cĩ Ĩꞌthĩraẽlĩ, ꞌcĩ hakuu hattũũgaa cĩ Abũrahamĩ, cĩ habuccieet cĩ Benyemiino.

ꞌRooma 11:11

Haini ꞌyioko naa ũtũbũrĩt eeta cĩg Ĩꞌthĩraẽlĩ Nyekuc ũdũt? Aitiõõ ũdũt! Aaꞌnyĩk thõõth ꞌcĩ abũrrĩ nẽẽg Nyekuc, heellia eeta ꞌcĩg hõllõngaa ĩĩn ꞌJudeei nẽ aaꞌnyĩk thõõth ciee eet ꞌcĩg Ĩꞌthĩraẽlĩ hiinanit ĩhõõggõ.

ꞌRooma 3:31

Occa ꞌyioko ꞌthẽk hadhuha naag nyattal, hĩnĩngĩtĩ lemiinit icci? Aitiõõ ũdũt! Huꞌthuutti nẽẽ naag nyattal hõkõm.

ꞌRooma 3:4

Aitiõõ ũdũt! Aꞌnyĩĩk Nyekuc hĩĩ dĩdĩ nẽ ĩĩtõ eeta vẽlẽk oloꞌngiaak. Hĩcĩ eheeddi ꞌBuuhaa cĩ Nyekuci aĩ, “Aga hatĩ eeta ngaatĩ aũlanĩ thõõth ꞌcĩ aduha niina, nẽ hatĩ ĩllõõanuu thõõth lokihoa.”

ꞌRooma 3:6

Nẽẽthĩ hoti ho, ẽttẽẽd Nyekuci thooꞌthiok cĩg eetuk ꞌgõõlaa ꞌcĩ aũlanĩ! Má baa haau nohota, occa baa ẽttẽẽd Nyekuci thõõth cĩ lootu hutuno?

ꞌRooma 6:15

Aĩ occa ꞌthẽk thooꞌthioha cieeg vẽlẽk ne? Ĩcca occa ꞌthẽk hara ꞌthẽccan, hĩnĩngĩtĩ hõllõngaa aggammeet nyattalĩ, nẽẽthĩ hinnia, aggammeet bũnnai? Aitiõõ ũdũt!

ꞌRooma 6:2

Aitiõõ ũdũt! Hĩnĩngĩtĩ ꞌthẽccan, haauto naag hĩ eeta ꞌcĩg hadaahito ẽlẽk nẽ occa nga haalla harũgĩ naag ꞌthẽccaana hutuno?

ꞌRooma 7:13

Ikia occa baa ũtũhũĩ thõõth baa abũnnaa ĩĩ daahĩth hĩ nganĩĩta? Aitiõõ tõõ! Nẽẽthĩ, hĩnĩngĩtĩ, hátĩ hagaĩ ꞌthẽccanĩ hĩĩ ꞌthẽccan dĩdĩ, ikia aꞌnyahaaha nganĩĩt daahĩth, hĩnĩngĩtĩ tilooinit ꞌcĩ abũnnaa, hátĩ hikia horoong habath ꞌthẽccanĩ ũdũt tilooitta.

ꞌRooma 7:7

Hõthõõth occa ꞌyioko hatĩ naag nyattal haĩ ne? Haĩ ĩĩn nyattalĩ ꞌthẽccan? Aitiõõ ũdũt! Nẽ dĩdĩ occa baa nga haga naa ne ꞌcĩ haĩ ꞌthẽccan ko, hiittiõõ nyattalĩ tõõ. Hĩnĩngĩtĩ occa baa nga haga thõõth ꞌcĩ haĩ bũraneehinit ko hiittiõõ nyattalĩ ngaatĩ aĩnnĩ, “Ma habũraneehi ꞌgii cĩ eet umwa.”

ꞌRooma 9:14

Occa ꞌyioko hõthõõth haĩ ne? Aitiõõ Nyekuci hõllõngaa abũnnaa? Aitiõõ ũdũt!

1 Korinthia 6:15

Aitiõõ niig hõllõngaa agayyu ngaatĩ ĩĩnnĩ eleeti cugguung dhoorit cĩ ẽlẽ cĩ Krĩstõ? Ĩcca occa hattiha naa ẽlẽ cĩ Krĩstõ nẽ hũrũmeeha hĩ cĩ ꞌwaaꞌngiaktõ? Aitiõõ ũdũt!

ꞌGalaaꞌthia 2:17

“Má baa nga hadiim naag ꞌJudeei hummuddia ꞌgõõl ꞌcĩ elemmeet Krĩstõ ngagĩĩta, hiita hummuddia naag buúk ngaatĩ hĩĩgĩnnĩ ꞌthẽccanniook. Aĩ occa thõõth ciee Krĩstõ ꞌcĩ aaꞌnyeet hĩĩtõ ꞌthẽccanniook ko? Aitiõõ ũdũt!

ꞌGalaaꞌthia 3:21

Occa aaburroo nyattalĩ hĩ thõõth baa aduha Nyekuci? Aitiõõ ũdũt! Má baa haaꞌnyeet nyattalĩ rũgẽt ꞌcĩ ĩĩn ngeju, occa baa aaꞌnyeet Nyekuci ngagĩĩt hũbũttaath ngaatĩ hathĩknĩ nyattal.

ꞌGalaaꞌthia 6:14

Occa hirriani, hĩnĩngĩtĩ hurucce cĩ Makayyioohit cĩnaac Yeesu Krĩstõ diooni, hĩnĩngĩtĩ hurucce cĩnnĩ, ikia adaak lõõcĩ hĩ thooꞌthiok ꞌcĩg abathĩ vẽlẽk hĩ nganĩĩta nẽ hadaaha naa buúk hĩnĩngĩtĩ thooꞌthiok ꞌcĩg abathĩ cĩg looc nicci.