ꞌLuuka 2:9 - ꞌBuuk cĩ Thõõth cĩ Nyekuci

⁹ Ma baalin niccia, uppwaannak aajĩlõ cĩ Makayyiookto ĩhõõggõ nẽ aara bulẽẽnĩtĩ cĩ Makayyiookto hũttũhũl ĩhõõggõ, nĩngĩtĩ itieelini nẽẽg gẽrrẽẽt.

ꞌLuuka 2:9 ပူးပေါင်းရင်းမြစ်များ

Luugithõõ 16:10

Ma baa nga othoothĩk Arõõnẽ lothippit cĩ eet cĩg Ĩꞌthĩraẽlĩ, ẽbẽktõõthĩ eeta looc ĩĩcĩ horu ꞌcĩ õdõhõhĩĩ kak ko, nĩngĩtĩ adtuuhanĩ bulẽẽnĩt cĩ Makayyiookto ngaatĩ uppwaannanĩ loduruatõõ.

Luugithõõ 16:7

nẽ ngerrenita, acinnu hatĩ niig bulẽẽnĩt cĩ Makayyiookto, hĩnĩngĩtĩ ĩthĩk nẽẽ ngoongoi ꞌcĩ ongoongoeeku niig ĩnõõnnõ. Ngagĩĩt ꞌyioko ꞌthẽk hĩ nganĩ ꞌcĩg occa ongoongoeekeetu niig ko?”

Maatteeo 1:20

Ma baa nga ammuk nẽẽ thõõth icci, ikia uduhaak ĩnõõnnõ aajĩlõ cĩ Makayyiookto honoothittatõõ ĩĩnnĩk, “Ẽlẽ Yothebo ngeertĩ Daavide, ma hiteelli ngaatĩ aꞌthũwanĩĩ Maria hĩĩ ngaa cunni, hĩnĩngĩtĩ ĩĩn loholeec cĩ aꞌnyak Maria ho, loholeec ꞌcĩ aku hĩ Lori ꞌcĩ Ẽllẽẽmĩthĩ.

ꞌLuuka 1:28

Nĩngĩtĩ õkõõĩ aajĩlõ ꞌGaburẽẽlẽ ĩꞌthõng hõdõlan Maria nẽ ĩꞌtha ĩnõõnnõ ĩĩnnĩk, “Hĩꞌthaayyina loholeec ciee accamanaanni Makayyioohiti ho! Aaĩ Makayyioohiti hĩ nganiita.”

ꞌLuuka 2:8

Nẽ baa aattĩg tũhayyiooha ũgẽẽgĩ ꞌcĩg õbõhõõ hĩ nyadaharĩt nĩngaata, ꞌcĩg ẽbẽk hẽlẽggĩ cĩggĩĩng baalin niccia.

ꞌLuuka 24:4

Ma baa nga ĩccaad ĩhõõggõ thõõth cieeni, uppwaatta eeta ꞌramma ꞌcĩg ahimit ceremwa ꞌcĩg attaalĩthĩ nẽ ĩbĩlĩt ojoonu ngaatĩ aattiyyi nẽẽg ko.

Yõaannẽ 12:41

Baa aduha põrõvẽtaacĩ Iꞌthaia thõõth icci, hĩnĩngĩtĩ baa ĩcĩn nẽẽ thõõth cĩ bulẽẽnĩt cĩ Yeesu horumwa nẽ õthõõth bulẽẽnĩt cĩ Elliookto.

Dtiicanĩ cĩg ꞌThooyyiahu 12:7

Ma hĩdĩĩkoothong, uppwaanna aajĩlõ cĩ Makayyiookto nẽ ũttũhũl lanyit baabuuth. Ma ho, õtõmõõĩ aajĩlõ Pẽẽtũrũ ꞌgaaũꞌnya, nĩngĩtĩ attiranĩ ĩnõõnnõ nẽ ĩĩnnĩk, “Tĩnga hĩdĩĩkoothong!” Ma ho, etteeddi nyerikona athĩnĩĩ cĩgĩnnĩg noho dtum.

Dtiicanĩ cĩg ꞌThooyyiahu 27:23

Hĩĩnĩ naa eet cĩ Nyekuci nẽ habuluthi naa ĩnõõnnõ. Ĩꞌthõõa nẽẽ aajĩlõ umwa aabaal,

Dtiicanĩ cĩg ꞌThooyyiahu 5:19

Ma baa baal, ikia aajĩlõ cĩ Makayyiookto ubbuuk hattũũgẽt cĩg baabuuthak nẽ õõga ĩhõõggõ.

2 Korinthia 3:18

Nẽ naag nuyyiooha cĩg Krĩstõ, ꞌcĩg hõllõngaa ammũtĩ muumti, hedeenyothi naag bulẽẽnĩt cĩ Makayyiookto nẽ ũtũhũeet Lorii cĩ Ẽllẽẽmĩth hiriiri, haaut hĩ Makayyioohiti cĩ abuli.

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

1 Timotteeo 3:16

Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.

Ebereei 12:21

Baa abarrit Mũũꞌtha gẽrrẽẽt nẽ ĩĩ, “Habarriti naa tẽẽlꞌthĩtaa cobbi.”

Terethiinit 18:1

Ma urutaa cĩ thooꞌthiok iccig vẽlẽk, hudtuuha aajĩlõ umwa ꞌcĩ alluuccia hẽẽtahujjieen ꞌcĩ aꞌnyak ꞌtirriani cobbi gẽrrẽẽt nẽ aara ẽlẽ cĩnnĩ hũttũhũl looc vẽlẽk, hĩnĩngĩtĩ bulẽẽnĩt.

Terethiinit 20:11

Nẽ hudtuuha dtaaba cobbi gẽrrẽẽt ꞌcĩ õõrĩ, hĩ eet ꞌcĩ iccioloonganĩ dtaaba tĩho. Baa aireek lõõcĩ hĩ hẽẽtkujjieen dtaaba nicci, aitiõõ hinnia nĩngĩtĩ õõ aguꞌthẽẽnĩ nẽẽg tõõ.