ꞌLuuka 2:49 - ꞌBuuk cĩ Thõõth cĩ Nyekuci

⁴⁹ Ẽdẽcĩ hinnia nẽẽ ĩhõõggõ anneek, “Adiimmaangu inni? Hõllõngaa agayyu niig ngaatĩ adiim haayyi naa ꞌcieethaa cĩ Baaba?”

ꞌLuuka 2:49 ပူးပေါင်းရင်းမြစ်များ

Maatteeo 21:12

Baa õkõ Yeesu ngaatĩ õbõhõõ hĩ ꞌCieeth cĩ Nyekuci nẽ itiggiawaak eet ꞌcĩg ũũtĩ nĩngaata battaali. Ebelluukan nẽẽ tẽrẽmẽẽjĩt cĩg tuuyyiok ꞌcĩg appahõõnĩ ꞌrabbẽẽt, hĩ eet ꞌcĩg ũũtẽnĩ ngabuuthiꞌnya.

ꞌLuuka 2:48

Ma baa acĩn maaꞌnyia hĩ aattĩnnĩ ĩnõõnnõ ho, ikia anyamũũtana thõõth ciee ꞌthinneeti cĩggĩĩng gẽrrẽẽt, nĩngĩtĩ annẽẽkĩ ngaannia, “Adĩmanneet occa hoti inni Yeesu? Cĩĩn nõõ nganĩĩt hĩ maaꞌnyu ngaatĩ hommothiinna, hĩnĩngĩtĩ hadiimmi nganiita.”

Yõaannẽ 4:34

Nĩngĩtĩ ẽdẽcĩ Yeesu ĩhõõggõ annẽẽkĩ, “ꞌGẽẽn caannĩ ꞌcĩ hadĩmanĩĩ thõõth ꞌcĩ adiim Nyekuci! Baa ĩnõõnnõ ꞌcĩ ĩꞌthõõannaa nganĩĩta nẽ occa hẽdẽcaahi dtiic baa aaꞌnya nẽẽ hidticanõ.

Yõaannẽ 5:17

Nĩngĩtĩ annẽẽkĩ Yeesu ĩhõõggõ, “Nga hĩbĩl Baaba caannĩ dtiica hĩĩ kõr hĩ niccieeni, ĩnõõ ꞌcĩ hadticaniini naa buúk ko.”

Yõaannẽ 5:36

“Haꞌnyahi naa thooꞌthiok ũgĩ ꞌcĩg aaddi ĩllõõan baag Yõaannẽ. Nẽ dtiici baa aaꞌnya nganĩĩt Baaba hẽdẽcaak hĩcĩ hadĩmani ꞌyioko ho, ẽtẽrꞌtha aĩ, ĩꞌthõõannaa nẽẽ nganĩĩta.

Yõaannẽ 6:38

Hĩnĩngĩtĩ baa hõllõngaa halluuccia naa hẽẽtahujjieen hikia hĩdĩman tabiinit caannĩ, nẽẽthĩ, baa hakuu naa hikia hĩdĩman tabiinit cĩ eet baa ĩꞌthõõannaa nganĩĩta.

Yõaannẽ 8:29

Harũmeenna naag hĩ eet baa ĩꞌthõõannaa nganĩĩta, nga hũtũngeeha nẽẽ nganĩĩt ẽmmẽn, hĩnĩngĩtĩ hadĩmani naa hõdõõkõthĩ thõõth ꞌcĩ accamana nẽẽnĩ.”

Yõaannẽ 9:4

Hĩcĩ nga ĩĩn lõõcĩ waathĩn ko, hidticanit thõõth cĩ eet baa ĩꞌthõõannaa nganĩĩta. Ma ikia baalini, iittiõõ eet ꞌcĩ adticanni tõõ.