ꞌLuuka 2:4 - ꞌBuuk cĩ Thõõth cĩ Nyekuci

⁴ Baa nẽ ĩtĩnga Yothebo buúk ꞌtaaũnaa cĩ Naaꞌtharẽtĩ looccaa cĩ ꞌGalileea nẽ ũũk ĩꞌthõng Bẽtẽlẽm looccaa cĩ ꞌJudeea ꞌtaaũnaa cĩ Daavide, hĩnĩngĩtĩ baa ĩĩn nẽẽ eet cĩ hattũũg cĩ Daavide.

ꞌLuuka 2:4 ပူးပေါင်းရင်းမြစ်များ

ꞌThianaattõ 35:19

Ma baa adaak Rakĩlẽ, iita adaacõ eeta ĩnõõnnõ ꞌgõõlaa ꞌcĩ õkõ ĩĩcĩ ꞌtaaũn cĩ Ẽvarathĩ. Haĩ ꞌthaar cĩg Ẽvarathĩ ũgĩ Bẽtẽlẽm.

ꞌThianaattõ 48:7

Hothoothi naa hoti, hĩnĩngĩtĩ alĩĩlĩ hẽẽng gẽrrẽẽt thõõth ꞌcĩ aggamaanna lõõcĩ ngaanu Rakĩlẽ Kanaana baa hõbõda Paddan Arama ẽlẽk. Adhukiaaka daahĩthĩ cĩ ngaanonu ngaatĩho, nĩngĩtĩ hammũtĩ ĩnõõnnõ ꞌgõõla ngadiiha ngaatĩ hoboktooa hĩ Ẽvarath.” Haĩ Ẽvarath ꞌthaar ũgĩ Bẽtẽlẽm.

Maatteeo 1:20

Ma baa nga ammuk nẽẽ thõõth icci, ikia uduhaak ĩnõõnnõ aajĩlõ cĩ Makayyiookto honoothittatõõ ĩĩnnĩk, “Ẽlẽ Yothebo ngeertĩ Daavide, ma hiteelli ngaatĩ aꞌthũwanĩĩ Maria hĩĩ ngaa cunni, hĩnĩngĩtĩ ĩĩn loholeec cĩ aꞌnyak Maria ho, loholeec ꞌcĩ aku hĩ Lori ꞌcĩ Ẽllẽẽmĩthĩ.

Maatteeo 2:23

Ma ho, õõt õlõmanit nẽẽg ꞌtaaũnaa cĩ Naaꞌtharẽtĩ, looccaa cĩ ꞌGalileea. Nĩngĩtĩ aku ĩĩnnĩ thõõth cĩ Makayyiookto dĩdĩ, baa aduha põrõvẽtaacĩ aĩ, “Aũ hatĩ eeta ĩnõõnnõ anneek, eet cĩ Naaꞌtharẽtĩ.”

ꞌLuuka 2:3

Nĩngĩtĩ ĩꞌthanõthõõthĩkĩ eeta vẽlẽk ꞌtaaũnniook cĩggĩĩng cũũmõ cũũmõ.

ꞌLuuka 2:5

Baa õõkõr nẽẽ hĩ Maria, bũhẽẽc baa adiim nẽẽ hatĩ hĩĩ ngaa cĩnnĩ. Ammũdeek hinnia baa ĩdĩddĩng Maria waathinniook tĩko gẽrrẽẽt.

ꞌLuuka 4:16

Ma baa õdõlan Yeesu Naaꞌtharẽt ꞌtaaũnaa ĩbaa alĩꞌthaanĩ nẽẽ ho, ũũk illiman eet ꞌCieethaa cĩ Laiitto hĩgõõng hõdõõkõthĩ Kõrraa cĩ ꞌYiommaanõ. Ma ho, ikia ĩtĩnga nẽẽ ũũk itigiil ꞌBuuk cĩ Nyekuci.

Yõaannẽ 1:46

Nĩngĩtĩ ajini Nathaniele ĩnõõnnõ annẽẽkĩ, “Occa ꞌthẽk aku ꞌgiimwa ꞌcĩ abũnnaa Naaꞌtharẽta?” Ẽdẽcĩ Pilippo ĩnõõnnõ anneek, “Ijjia thĩ da cĩnõ.”

Yõaannẽ 7:42

Hõllõngaa nooyyia aduha ꞌBuuhi cĩ Nyekuci aĩ, arrittiaa hatĩ Krĩstõ hattũũgaa cĩ habu Daavide, Bẽtẽlẽma ꞌtaaũnaa baa aayyi nẽẽnĩ?”

ꞌRuuth 1:19

Ma baa õdõlanit nẽẽg Bẽtẽlẽm, akuleek hinnia eeta cĩg ꞌtaaũnaak vẽlẽk ꞌjieen ngaatĩ acĩnĩ ĩhõõggõ. Nĩngĩtĩ ajinõõnĩ ngaaĩ ꞌcĩg ꞌtaaũnaak nyaagwaana aĩnnĩ, “Ĩĩn occa ꞌthẽk ciee Naoomi dĩdĩ?”

ꞌRuuth 2:4

Ma baa ũtũngeek ꞌBõathĩ Bẽtẽlẽm nẽ ũũk manaa cĩnnĩ, ũũk ĩꞌtha nẽẽ janniook nẽ ĩĩnnĩk, “Aꞌnyĩĩk Makayyioohit haau hĩ ngagiita!” Ẽdẽcĩ janniooha aĩ, “Aꞌnyĩĩk Makayyioohit haggattanii nganiita!”

ꞌRuuth 4:11

Nĩngĩtĩ ẽdẽcĩ makayyiooha hĩ eet vẽlẽk ꞌcĩg baag aattĩg hattũũgaa cobbi aĩnnĩ, “Hĩĩgĩnna naag hẽbẽrĩ cĩg thõõth icci! Aꞌnyĩĩk Makayyioohit haaꞌnyĩk ngaa icci aku õlõõ cunni ho, hittira lõhõlĩ ꞌcĩg mẽẽlĩg haau hĩ baa Rakĩlẽ hĩ Lẽẽa, baag arrittiaanĩ eeta cĩg Ĩꞌthĩraẽlĩ! Aꞌnyĩĩk haaꞌnyi Makayyioohiti baliinit hattũũgaa cĩ Ẽvarathĩ nẽ ubuli Bẽtẽlẽma.

ꞌRuuth 4:17

Baa õthõõth ngaaĩ ꞌcĩg baag aattĩg nĩngaata aĩ, “Aꞌnyak Naoomi loholeec ꞌcĩ maacĩ.” Nĩngĩtĩ akannẽẽkĩ ĩnõõnnõ ꞌthaar ꞌcĩg haĩ Obeede. Baa ĩĩn Obeede maaꞌnyĩ ꞌJeeꞌthe nẽ ĩĩ ꞌJeeꞌthe maaꞌnyĩ habu Daavide.