ꞌLuuka 2:38 - ꞌBuuk cĩ Thõõth cĩ Nyekuci

³⁸ Ma kõr niccia, ikia ũmmũdaak nẽẽ buúk Yothebo hĩ Maria nẽ atal Nyekuc, nĩngĩtĩ ahĩkĩĩmanaakĩ eet ꞌcĩg baag ẽrẽ elliaanĩt cĩ ꞌJeruꞌthalẽmĩ thõõth cĩ ĩdolo.

ꞌLuuka 2:38 ပူးပေါင်းရင်းမြစ်များ

Maarko 15:43

Nẽ baa aaĩ eet umwaa ꞌcĩ haĩ Yothebo cĩ ꞌtaaũn cĩ Arimathea, ꞌcĩ baa ĩĩn eet ꞌcĩ abuli lothippitaa cĩ eet ꞌcĩg obbitig cĩg lokihooak. Nẽ baa ĩĩn Yothebo buúk eet ꞌcĩ ereeyyi adiim acĩn habuccieet cĩ Nyekuci. Nĩngĩtĩ õkõõĩ cũrũmũũm hĩ Pĩlaatõ hũũk hijin ẽlẽ cĩ Yeesu.

ꞌLuuka 1:68

“Aꞌnyĩĩk hĩdĩhĩthĩ Makayyioohiti Nyekuci cĩ Ĩꞌthĩraẽlĩ, hĩnĩngĩtĩ ikia ũrũgũtha nẽẽ eet cĩgĩnnĩg.

ꞌLuuka 2:25

Baa ammũdeek aaĩ ẽẽtĩ umwaa ꞌcĩ haĩ ꞌThimiõõnẽ ꞌJeruꞌthalẽma, ꞌcĩ baa itieelli Nyekuc nẽ ala ĩnõõnnõ gẽrrẽẽt ũdũt. Baa ẽrẽ nẽẽ Ellioohit hikia hẽẽla eet cĩg Ĩꞌthĩraẽlĩ, nẽ baa aaĩ Lorii ꞌcĩ Ẽllẽẽmĩth hĩ ĩnõõnnõ.

ꞌLuuka 2:36

Nẽ baa aaĩ ngaa umwaa ꞌcĩ ĩĩn põrõvẽtaac ꞌcĩ haĩ Anna, ꞌcĩ baa ĩĩn tĩnaatĩ eet ꞌcĩ haĩ Pannuẽlẽ, cĩ habuccieet cĩ Aathẽrĩ. Baa atahaany nẽẽ gẽrrẽẽt nẽ nganĩngĩtĩ aꞌthũwaniini, arũmĩ hĩ maac cĩnnĩ irkiꞌnyia tũkĩramma haaga nĩngĩtĩ adaaknĩ maac.

ꞌLuuka 23:51

Baa aharreek nẽẽ thõõth ꞌcĩ adĩman ꞌgoonoggia ho. Aku Yothebo ꞌtaaũnaa cĩ Arimathea looccaa cĩ ꞌJudeea nẽ baa ẽrẽ nẽẽ habuccieet cĩ Nyekuci hikia.

ꞌLuuka 24:21

Baa hinnia hammuka haĩnna, occa ĩnõõnnõ ꞌcĩ baa hatĩ aku õõga eet cĩg Ĩꞌthĩraẽlĩ hiita haauto lõꞌngõõc. Aꞌnyak ꞌyioko thõõth ciee iyyieni waathinniook iyyio.

2 Korinthia 9:15

Hatalit Nyekuc, hĩnĩngĩtĩ ꞌbaaninit cunuung ꞌcĩ maka gẽrrẽẽt ĩllõõan, ꞌcĩ hõllõngaa occa athithan ẽẽtĩ umwaa ũdũt!

Eevvetho 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ ꞌcĩ aꞌnyahaakeet ngagĩĩt ꞌgattan hẽẽtahujjieen.