ꞌLuuka 2:37 - ꞌBuuk cĩ Thõõth cĩ Nyekuci

³⁷ Ma baa adaak maac cĩnnẽẽnĩ, ikia ĩĩ ngaatĩbõyyĩ ĩꞌthõng hõdõlanit irkiꞌnyia cĩgĩnnĩg hĩĩtõ hẽẽn turkiyyio hĩ ꞌwec. Aalla alayyi nẽẽ ꞌCieethaa cĩ Nyekuci baalin hĩ waathĩn nẽ ẽdẽta ẽlẽ ꞌgẽẽna waathinniook ũgĩ.

ꞌLuuka 2:37 ပူးပေါင်းရင်းမြစ်များ

ꞌLuuka 5:33

Nẽ ijinit nẽẽg Yeesu tarĩ ĩĩttĩk, “Hacĩnna naag nuyyiook cĩg Yõaannẽ hõdõõkõthĩ ẽdẽta eleeti ꞌgẽẽna nẽ alayyio gẽrrẽẽt. Hacĩnna cĩg Variꞌtheei buúk adĩman noho nẽ aalla aduhi cugunnig nẽ uhuddi hõdõõkõthĩ noho inni?”

Dtiicanĩ cĩg ꞌThooyyiahu 13:3

Ma baa edettia nẽẽg eleeti nẽ alayyio, iita ataaddik nẽẽg athĩn cĩggĩĩng ootinii cĩg Baarnaba hĩ ꞌThaaulo, hĩĩ terethiinit ꞌcĩ eberriaanĩ nẽẽg hidticanit dtiic icci. Nĩngĩtĩ ĩꞌthõõĩkĩ ĩhõõggõ ꞌgõõl hõõt.

Dtiicanĩ cĩg ꞌThooyyiahu 14:23

Ma nĩngaata, eberria Paaulo hĩ Baarnaba makayyiook cĩg lothippiꞌnya cĩg lemmioohu cũũmõ cũũmõ. Ma ho, edettia eleeti ꞌgẽẽna nẽ alaacõ Makayyioohit, hátĩ gõõng hũꞌthũũtĩ makayyiook iccig.

Dtiicanĩ cĩg ꞌThooyyiahu 26:7

Ĩĩn ciee thõõth ꞌcĩ baa adukiaa ꞌcĩ ꞌyioko ẽrẽ habuccieeꞌnya cĩggaac ĩĩn õmmõtõ hĩ ꞌramma ho, baa adiim acĩn nẽẽg hedeeꞌnyia, hĩcĩ arrĩcana nẽẽg ngaatĩ adticanõõthĩkĩ Nyekuc waathĩn hĩ baalin. Habuu, addangaaka nganĩĩt eeta cĩg ꞌJudeei, hĩnĩngĩtĩ muhẽẽnĩt icci abũnnaa ho.

1 Timotteeo 5:5

Nẽ ngaatĩbõyyĩ ꞌcĩ appĩĩrna dĩdĩ, cĩ aitiõõ ittioonnioha cĩgĩnnĩg tõõ, aarĩk nẽẽ lemiinit hĩ muhẽẽnĩt cĩnnĩ vẽlẽk hĩ Nyekuc nẽ ala ĩnõõnnõ hõdõõkõthĩ waathĩn hĩ baalin vẽlẽk, hátĩ hẽẽl Nyekuci ĩnõõnnõ.

Terethiinit 3:12

Nẽ ẽẽtĩ ꞌcĩ ũtũbũr thõõth cĩ ꞌThĩttaanõ ũdũt, haaꞌnyihi hatĩ naa ĩnõõnnõ hĩĩ miirik cĩ ꞌCieeth cĩ Nyekuc caannĩ nẽ iittiõõ hõllõngaa aduhun battaala tarĩ ũdũt. Heheedihi hatĩ naa ꞌthaar cĩg Nyekuc caannĩ eleetinii cĩggĩĩng, ĩĩn hatĩ nẽẽg eet cĩg ꞌtaaũn cobbi cĩ Nyekuc caannĩ, ĩnõõ ꞌJeruꞌthalẽmĩ ꞌcĩ ĩĩn ngeju ꞌcĩ hatĩ ĩꞌthõõa Nyekuci caannĩ hẽẽtahujjieen hikia loota nẽ hatĩ heteheedĩha naa ꞌthaar cĩgannĩg buúk eleetinii cĩggĩĩng.

Terethiinit 7:15

Ĩnõõ ꞌyioko cĩ, “Abĩllĩ nẽẽg muumaa cĩ dtaaba cĩ Nyekuci nẽ alaacõ ĩnõõnnõ baalin hĩ waathĩn ꞌCieetõõ cĩnnĩ ho. Nẽ ẽẽtĩ ꞌcĩ iccioloonganĩ dtaaba ho, ẽbbẽttaanĩk hatĩ nẽẽ cẽrẽm cĩnnĩ hubung ĩhõõggõ vẽlẽk.