ꞌLuuka 2:34 - ꞌBuuk cĩ Thõõth cĩ Nyekuci

³⁴ Nĩngĩtĩ aggatanĩ ꞌThimiõõnẽ ĩhõõggõ nẽ ĩĩnnĩk ꞌcĩ ĩĩn Maria aattĩ loholeeco, “Aꞌnyahaak hatĩ loholeec ciee eet ũgĩ bathi nẽ aꞌnyahaak ũgĩ bũnnai Ĩꞌthĩraẽla. Ĩꞌthõõa hatĩ Nyekuci ĩnõõnnõ hĩĩ terethiinit, nẽẽthĩ, mẽẽlĩg hatĩ eeta ꞌcĩg abũrĩ ĩnõõnnõ gẽrrẽẽt,

ꞌLuuka 2:34 ပူးပေါင်းရင်းမြစ်များ

ꞌThianaattõ 14:19

Nĩngĩtĩ aggatanĩ Melkithẽdẽhĩ Abũraamõ annẽẽkĩ, “Aꞌnyĩĩk Nyekuc ꞌcĩ ĩllõõan vẽlẽk, Teheꞌnyioohit cĩ hẽẽtkujjieen hĩ cĩ lootu, haggataniina.

ꞌThianaattõ 47:7

Nĩngĩtĩ õkõ aꞌnyahaanĩ Yothebo maaꞌnyĩ ĩꞌthõng hikia heteretheek habu. Ma urutaa cĩnnĩ, aggatan Yakobo habu cĩ Ijjibi ho nĩngaata.

Maatteeo 11:19

Ma baa aku Ngeertĩ Eeto aduhi nẽ ũhũdĩ, ainnu, ‘Ĩĩn ẽẽtĩ ciee lobolobbiaahit nẽ ĩĩ duuttiahit, ꞌgõõnĩ eet ꞌcĩg alũt occoro hĩ ꞌthẽccanniook.’ Nẽẽthĩ hinnianĩ, edeeꞌnyia ꞌgẽẽnyĩthĩ ꞌcĩ ĩĩn dĩdĩ, thooꞌthiohĩĩ vẽlẽk ĩcĩg adtican nẽẽnĩ.”

Maatteeo 12:46

Ma baa nga õthõõthõõ Yeesu hĩ lothippit, uppwaanna hinnia ꞌgotoonoggia hĩ aattĩnnĩ hiita hĩbĩlĩt battaala, adiim au õthõõthõõ hĩ ĩnõõnnõ.

Maatteeo 21:44

Nẽ ẽẽtĩ ꞌcĩ hatĩ adaaca bẽẽ cieeni, aduuli hatĩ nẽẽ hĩĩ ꞌthĩĩ. Nẽ ẽẽtĩ ꞌcĩ hatĩ adhukiaak bẽẽ niccieeni, õrõyõõhanni hatĩ nẽẽ buúk hĩĩ lõõcĩ ꞌthĩĩ.”

Maatteeo 27:63

nẽ ĩĩttĩk, “Makayyioohit, hammuhooꞌtha naag thõõth baa aduha oloꞌngiaahiti nicciaa, baa nga arũgĩ aĩ, ‘Urutaa cĩ waathinniook iyyio, arũgna hatĩ nẽẽ daahĩtha tarĩ.’

ꞌLuuka 2:35

hátĩ hedeeꞌnyia muhẽẽnĩtĩ cĩ ꞌthinneeti ꞌcĩg mẽẽlĩg. Nẽ acuhan hatĩ nyetuboot ꞌthĩnĩt cunni buúk.”

Yõaannẽ 3:20

Eeta vẽlẽk ꞌcĩg adĩman ꞌthẽccanẽẽta, aaburreek lanyit nẽ occa hõllõngaa au hĩ lanyit, hĩnĩngĩtĩ iꞌngolli nẽẽg aĩ, appulanniaa hatĩ ꞌthẽccanẽẽta cĩggĩĩng ko battaala.

Yõaannẽ 5:18

Nẽ ꞌyioko, idiimito makayyiooha cĩg ꞌJudeei uruhit Yeesu, hĩnĩngĩtĩ thooꞌthiok ꞌcĩg ĩĩn ꞌramma, ĩĩcĩ oou, aĩ ẽꞌthẽcan Yeesu nyattal cĩ Kõr cĩ ꞌYiommaanõ. Nẽ tarĩ thõõth ꞌcĩ abathĩ gẽrrẽẽt, ꞌcĩ õthõõthĩ Yeesu aĩ, ĩĩn Nyekuci Maaꞌnyĩ, thõõth ꞌcĩ aaꞌnyĩk ĩnõõnnõ hudukto hĩ Nyekuc thõng.

Dtiicanĩ cĩg ꞌThooyyiahu 13:45

Ma baa adtuuha eeta cĩg ꞌJudeei lothippit ko, iita ĩlĩĩllẽẽcõ gẽrrẽẽt, nẽ odoomito Paaulo, hĩnĩngĩtĩ thooꞌthiok ꞌcĩg aduha nẽẽ ho.

Dtiicanĩ cĩg ꞌThooyyiahu 17:6

Ma baa hõllõngaa ammũda loorriaha cieeg ĩhõõggõ ho, utugurria ꞌJaathon hĩ nuyyiook ũgĩ cĩg Makayyiooktak. Baa agurreek nẽẽg ĩhõõggõ makayyiook cĩg ꞌtaaũnaak nẽ awacahit ĩĩtõ, “Iita eeta cieeg aa gõõng ahacaakeet bathi looc nicci vẽlẽk ko ngaati,

Dtiicanĩ cĩg ꞌThooyyiahu 24:5

“Hummuddiaawa eet icci haĩ Paaulo ho, ngaatĩ ĩĩnnĩ eet ꞌcĩ abathĩ gẽrrẽẽt ũdũt, akannẽẽkĩ eeta cĩg ꞌJudeei looc hũtũrũũr hurukto. Ĩĩn nẽẽ makayyioohit cĩ lothippit cĩ eet ꞌcĩg anũ Yeesu cĩ Naaꞌtharẽtĩ,

Dtiicanĩ cĩg ꞌThooyyiahu 28:22

Hatabba ꞌyioko hathĩkna, aĩ muhẽẽnĩtĩ cunni neegi, hĩnĩngĩtĩ hagayya lokor nicci vẽlẽk, õthõõth eeta lothippit ꞌcĩ nga ĩĩn ngeju ho ꞌbuth.”

Dtiicanĩ cĩg ꞌThooyyiahu 4:26

Aak habuẽẽta cĩg lootu jore nẽ ulutti makayyiooha nẽ aaburrieek Makayyioohit Nyekuc hĩ Krĩstõ cĩnnĩ ꞌcĩ Eberriaa.’

Dtiicanĩ cĩg ꞌThooyyiahu 6:7

Ma nĩngaata, ikia ĩꞌthanothoothĩk thõõth cĩ Nyekuci looc vẽlẽk, hiita hittoorri nuyyiooha hĩĩtõ mẽẽlĩg ꞌJeruꞌthalẽma nĩngĩtĩ au ẽlẽmmĩ paadĩrꞌnya ꞌcĩg mẽẽlĩg Makayyioohit Yeesu.

ꞌRooma 9:32

Inni baa? Hĩnĩngĩtĩ baa attĩman nẽẽg, hátĩ hẽlẽm Nyekuci ĩhõõggõ ꞌgõõlaa ꞌcĩ aꞌthũũnnĩ nyattal, hĩllõõan ngaatĩ aꞌnyahĩ lemiinit hĩ Nyekuc. Baa adhuhoothĩk eeta ꞌcĩg Ĩꞌthĩraẽlĩ biyyiaa ꞌcĩ gõõng adaaca eet hetteedito looc.

1 Korinthia 1:23

nẽẽthĩ, hallimaneeka naag eet thõõth ꞌcĩ odooddini Krĩstõ hurucceea. Õkõmĩ hĩ eet cĩg ꞌJudeei thõõth cieeni nẽ ummuhit eeta ꞌcĩg mẽẽlĩg ꞌcĩg hõllõngaa ĩĩn ꞌJudeei ĩĩtõ, ĩĩn thõõth ciee ꞌgiithẽnĩt.

Ebereei 7:1

Baa ĩĩn Melkithẽdẽhĩ habu cobbi cĩ ꞌtaaũn cĩ Thaalemĩ nẽ ĩĩ paadĩr cĩ Nyekuc ꞌcĩ ĩllõõan vẽlẽk. Melkithẽdẽk baa õõ õmmõtõõ hĩ Abũrahaamõ, nĩngĩtĩ aggatanĩ nẽẽ Abũrahaamõ baa õbõda joraa baa õõ aruhõõnĩ hĩ habuẽẽt ꞌcĩg mẽẽlĩg nẽ ĩllõõan ĩhõõggõ.

Ebereei 7:7

Nẽẽthĩ, hiꞌthihi eet ꞌcĩ akidan ngaatĩ aggatanĩ ẽẽtĩ cobbi eet ꞌcĩ hidici.

1 Pẽẽtũrũ 4:14

Nẽẽthĩ hoti ho, accamattoothĩk hatĩ odoommuung eeta, hĩnĩngĩtĩ ĩĩgĩnnu Lemmiook, hĩnĩngĩtĩ aaĩ bulẽẽnĩtĩ cĩ Lori cĩ Nyekuci hĩ ngagiita.