ꞌLuuka 2:14 - ꞌBuuk cĩ Thõõth cĩ Nyekuci

¹⁴ “Bulẽẽnĩt hĩ Nyekuc hẽẽtkujjieen, nẽ ganõn hĩ eet ꞌcĩg accamana Nyekuci loota nĩnga.”

ꞌLuuka 2:14 ပူးပေါင်းရင်းမြစ်များ

Maatteeo 21:9

Baa uwwattĩ eeta ũgẽẽgĩ hĩ Yeesu ĩĩcĩ oou nẽ unuyyia ũgẽẽgĩ uruta, ẽggẽrẽny nẽẽg vẽlẽk aĩ, “Bulẽẽnĩt hĩ Ngeertĩ Daavide!” “Aꞌnyĩĩk haggatan Nyekuci eet ꞌcĩ aku ꞌthaarĩĩ cĩg Makayyiookto!” “Bulẽẽnĩt hĩ Nyekuc hẽẽtahujjieen!”

ꞌLuuka 1:79

hikia hũttũhũla eet ꞌcĩg aattĩg muguratõõ, hĩ ꞌcĩg aattĩg ꞌriiyyia cĩ daahĩthõõ nẽ eteretheheet ngagĩĩt ꞌgõõl ꞌcĩ haattiyyi lõꞌngõõc.”

ꞌLuuka 19:38

Baa ebenni nẽẽg aĩ, “Aꞌnyĩĩk Nyekuc haggatan habu ꞌcĩ aku ꞌthaarĩĩ ĩcĩg Makayyiookto!” “Aꞌnyĩĩk bũnnai hĩ bulẽẽnĩt haau hĩ Nyekuc hẽẽtahujjieen!”

ꞌLuuka 2:13

Ma hĩdĩĩkoothong, uppwaanna lothippiti cobbi gẽrrẽẽt cĩ aajĩleetu ummuddiaak aa oou nẽ ĩdĩhĩthĩt Nyekuc nĩngaata hõdẽĩ ĩĩtõ,

ꞌLuuka 2:15

Ma baa oboddioothĩ aajĩlẽẽta niccieeg hẽẽtahujjieen, utuhanit tũhayyiooha thõõth ĩĩtõ, “Hõõt da Bẽtẽlẽma, hátĩ hĩcĩnĩt thõõth ꞌcĩ adĩmanni ꞌcĩ aduhaakeet Makayyioohiti ho.”

ꞌLuuka 3:22

nẽ ulluuccia Lorii ꞌcĩ Ẽllẽẽmĩth ꞌcĩ aaĩ hĩ bõllõõĩ. Nĩngĩtĩ õthõõthanĩ mõlõõhĩ umwaa hẽẽtahujjieen aĩnnĩ, “Ĩĩnĩ nii Loholeec caannĩ ꞌcĩ hamĩna. Haccamanannii maaꞌnyu gẽrrẽẽt.”

Yõaannẽ 14:27

Haaꞌnyuung naa ngagiit ganõn, nganĩĩt dioo ꞌcĩ occa haaꞌnyuung ganõn icci. Aitiõõ ganõnĩ ciee hõllõngaa aduhõõ hĩ ganõn ꞌcĩ occa aaꞌnyuung eeta cĩg looc nicci. Nẽẽthĩ, ma haaꞌnyiku ꞌthinneeti hupuppudit hode ma hiteelinnu.

Yõaannẽ 17:4

Baa haꞌnyahaahii naa nganiit bulẽẽnĩt loota nĩnga, ngaatĩ hẽdẽcaakĩ dtiic baa aaꞌnyaa nii hidticanõ.

Yõaannẽ 3:16

“Hĩnĩngĩtĩ baa ammĩnan Nyekuci eet cĩg looc nicci gẽrrẽẽt ũdũt, ĩnõõ ꞌcĩ ẽlẽmanaanĩ Ngeerĩnĩ ꞌcĩ odoyyii ẽlẽ cĩnnĩ, hátĩ hiittiõõ ẽẽtĩ ꞌcĩ ẽlẽmĩ Ngeerĩnĩ hõllõngaa adaahĩ. Ammũda hatĩ ẽẽtĩ ꞌcĩ ẽlẽmĩ ĩnõõnnõ ho, rũgẽt ꞌcĩ aalla ooo.

Dtiicanĩ cĩg ꞌThooyyiahu 10:36

Ĩĩn ciee nyeemuut ꞌcĩ abũnnaa cĩ eet cĩg Ĩꞌthĩraẽlĩ ꞌcĩ aĩ, aaĩ ganõnĩ hĩ Nyekuc, hĩnĩngĩtĩ Yeesu Krĩstõ ꞌcĩ ĩĩn Makayyioohit cĩ eet vẽlẽk.

ꞌRooma 5:1

Nẽẽthĩ hoti ho, hĩ baa elemeet Nyekuci ngagĩĩt hĩnĩngĩtĩ lemiinit, hiita haꞌnyahit naag ganõn hĩ Nyekuc, hĩnĩngĩtĩ Makayyioohit cĩnaac Yeesu Krĩstõ,

Eevvetho 1:6

Baa tarbal nẽẽ gẽrrẽẽt hĩ ngagĩĩt, ngaatĩ aaꞌnyeet Ngeerĩnĩ ꞌcĩ ammĩnan nẽẽ gẽrrẽẽt, nẽẽthĩ hoti ho, occa hadĩhĩth naag Nyekuc.

Eevvetho 1:9

Nẽẽthĩ ꞌyioko, eteretheeheet Nyekuci ngagĩĩt hagaac muhẽẽnĩt cĩ thooꞌthiok cĩgĩnnĩg ꞌcĩg ĩllõõan ꞌgẽẽnyĩth cĩ eetu, hĩnĩngĩtĩ Krĩstõ, muhẽẽnĩt ꞌcĩ attũbanẽẽkĩ nẽẽ thõõth cĩnnĩ ꞌcĩ abũnnaa.

Eevvetho 2:4

Nẽẽthĩ, hĩnĩngĩtĩ mĩnnan cĩnnĩ cobbi ꞌcĩ aꞌnyaheekeet nẽẽ ngagĩĩta, ikia Nyekuci ꞌcĩ aꞌnyak tamaati ꞌcĩ maka,

Eevvetho 2:7

Baa adĩman Nyekuci thõõth icci hoti, hátĩ horumwa heteretheeheet ngagĩĩt ꞌgõõl ꞌcĩ ĩĩnnĩ bũnnai cĩnnĩ maka nẽ ĩĩ tarbal hĩ ngagĩĩt dĩdĩ, hĩnĩngĩtĩ thõõth ꞌcĩ ĩdĩman Yeesu Krĩstõ.

Pilippi 2:11

nẽẽthĩ, aduha hatĩ eeta vẽlẽk aĩ ĩĩn Yeesu Krĩstõ Makayyioohit bulẽẽttaa cĩ Nyekuc Bangeet.

Pilippi 2:13

Hĩnĩngĩtĩ adticanni Nyekuci hĩ ngagiit, haaꞌnyuung accamatta tabiinit nẽ aaꞌnyuung ꞌtirriani ꞌcĩ uuluyyu ngaatĩ adĩmannu thõõth ꞌcĩ accamana nẽẽnĩ.

Kolooꞌthe 1:20

Nẽ baa accamana Nyekuci ngaatĩ aganĩthĩ hẽlẽggĩ vẽlẽk loota nĩnga hĩ hẽlẽggĩ cĩg hẽẽtkujjieen hoboddia hĩ ĩnõõnnõ. Baa adĩman nẽẽ ganõn icci biyyiẽẽtĩĩ cĩg Krĩstõ ĩĩ baag ẽrrẽnna hurucceea.

2 Tẽꞌthaloonika 2:16

Aꞌnyĩĩk Makayyioohit cĩnaac Yeesu Krĩstõ hĩ Nyekuc Baangeet cĩnaac ꞌcĩ ammĩnanneet ngagĩĩt bũnnaiitta cĩnnĩ nẽ aaꞌnyeet kũttan ꞌcĩ aalla ooo hĩ muhẽẽnĩt ꞌcĩ abũnnaa,

Terethiinit 5:13

Ma nĩngaata, hĩthĩha hẽlẽggĩ vẽlẽk ꞌcĩg aattĩg hẽẽtahujjieen hĩ loota hĩ ꞌthẽẽmĩtõõ, looccaa cĩ miningu hĩ bũlũccwaanĩtõõ vẽlẽk ebenni aĩ, “Hadihiꞌthii nganiit gẽrrẽẽt ꞌcĩ aaĩ dtaabawa ho hĩ Mĩꞌnyõõn, aꞌnyĩĩk haau dĩhĩthẽẽnĩtĩ hĩ tẽẽlꞌthĩt hĩ bulẽẽnĩt hĩ ꞌtirrian vẽlẽk hĩ nganiit ooo.”