ꞌLuuka 2:11 - ꞌBuuk cĩ Thõõth cĩ Nyekuci

¹¹ Ittirria Ellioohiti cunuung iyyieni ꞌtaaũnaa cĩ Daavide, ĩnõõnnõ Krĩstõ Makayyioohiti.

ꞌLuuka 2:11 ပူးပေါင်းရင်းမြစ်များ

ꞌThianaattõ 3:15

Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung. Õhõdaanni hatĩ ngeerĩnĩ nganiit õõ nẽ etengeduu nii ĩnõõnnõ tiitinyooc cĩnnĩ.”

ꞌThianaattõ 49:10

Aitiõõ hatĩ ẽẽtĩ ꞌcĩ occa aggama makaaꞌthĩt cĩ ꞌJuuda tõõ, hode nẽẽ hĩbahĩt cĩnnĩ cĩ makaaꞌthĩtõõ haaga, ĩꞌthõng hikia baattĩ hĩbahĩtõ, nẽ elemit loonyini vẽlẽk thõõth cĩnnĩ.

Maatteeo 1:16

nẽ Yakobo ikia ittira Yothebo, ꞌcĩ baa hikia hũꞌthũwan Maria ꞌcĩ hikia hĩĩ aattĩ Yeesu ꞌcĩ haĩ Krĩstõ.

Maatteeo 1:21

Ũũkca hatĩ nẽẽ loholeec ꞌcĩ maacĩ. Kateek hatĩ loholeec ꞌthaar ꞌcĩg haĩ Yeesu, hĩnĩngĩtĩ ẽẽla hatĩ nẽẽ eet cĩgĩnnĩg ꞌthẽccanẽẽtĩĩ cĩggĩĩng.”

Maatteeo 16:16

Ẽdẽcĩ ꞌThimõõnẽ Pẽẽtũrũ ĩnõõnnõ anneek, “Ĩĩnĩ nii Krĩstõ, Ngeertĩ Nyekuc ꞌcĩ arũgĩ.”

Maatteeo 16:20

Nĩngĩtĩ ilootĩ nẽẽ nuyyiook cĩgĩnnĩg hiittiõõ hõllõngaa aduhaak eet umwa ngaatĩ ĩĩnnĩ nẽẽ Krĩstõ.

ꞌLuuka 1:43

Inni occa gõõng aattĩ hẽhẽẽrõnaaha aattĩ Makayyioohiti caannĩ ho?

ꞌLuuka 1:69

Aaꞌnyeet nẽẽ ngagĩĩt Ellioohit ꞌcĩ attiran gẽrrẽẽt, ꞌcĩ aku habuccieetaa cĩ Daavide dticciannioohit cĩnnĩ,

ꞌLuuka 2:26

Baa aduhaak Lorii ꞌcĩ Ẽllẽẽmĩth ĩnõõnnõ anneek, aitiõõ hatĩ nẽẽ hõllõngaa adaahĩ nga hĩcĩn Krĩstõ cĩ Makayyiookto.

ꞌLuuka 2:4

Baa nẽ ĩtĩnga Yothebo buúk ꞌtaaũnaa cĩ Naaꞌtharẽtĩ looccaa cĩ ꞌGalileea nẽ ũũk ĩꞌthõng Bẽtẽlẽm looccaa cĩ ꞌJudeea ꞌtaaũnaa cĩ Daavide, hĩnĩngĩtĩ baa ĩĩn nẽẽ eet cĩ hattũũg cĩ Daavide.

Yõaannẽ 1:41

ꞌGii ꞌcĩ baa adĩman Andrea ĩĩcĩ oou, baa adiimothi nẽẽ ꞌgõtõnĩ ꞌThimõõnẽ nẽ uduhaak ĩnõõnnõ ĩĩnnĩk, “Hummuddiaawa naag habu ꞌcĩ ẽbẽra Nyekuci, ꞌcĩ haĩ ꞌthaar ũgĩ Krĩstõ.”

Yõaannẽ 1:45

Nĩngĩtĩ ammũdaanĩ Pilippo Nathaniele nẽ uduhaak ĩĩnnĩk, “Hummuddiaawa eet baa ẽhẽẽd Mũũꞌtha nyattaala nẽ eteheedito põrõvẽtaaꞌnya buúk ĩĩtõ, Yeesu cĩ Naaꞌtharẽtĩ ngeertĩ Yothebo.”

Yõaannẽ 11:27

Ẽdẽcĩ Maarta anneek, “Eei, helemi Makayyioohit! Helemi naa ngaatĩ ĩĩnnĩ nii Krĩstõ Ngeertĩ Nyekuci, baa hammuka naag haĩnna aku hatĩ looccaa nĩĩcĩ.”

Yõaannẽ 20:31

Nẽẽthĩ, baa eheeddi thooꞌthioha cieeg, hátĩ elemit niig ngaatĩ ĩĩnnĩ Yeesu Krĩstõ Ngeertĩ Nyekuci. Nẽ má elemtu, aꞌnyaku hatĩ rũgẽt ꞌcĩ aalla ũdũt ꞌthaarĩĩ cĩgĩnnĩg.

Yõaannẽ 4:25

Ẽdẽcĩ ngaa nicciee aĩ, “Haga naa aku hatĩ habuui ꞌcĩ ẽbẽra Nyekuci ꞌcĩ haĩ Krĩstõ, hikia hẽẽla eet. Ma ikia nẽẽnĩ, aku hatĩ aduhaakeet ngagĩĩt thooꞌthiok vẽlẽk.”

Yõaannẽ 4:42

Ma baa ho, iita uduktaak nẽẽg ngaa nicci ĩĩttĩk, “Hẽlẽmta naag Yeesu, hĩnĩngĩtĩ thõõth ꞌcĩ aduha nẽẽ dẽẽdẽ, hõllõngaa hẽlẽmma, hĩnĩngĩtĩ thõõth baa aduhaakeet nii diooni. Hẽlẽmta, hĩnĩngĩtĩ ĩko ĩĩn nẽẽ Ellioohit cĩ lootu dĩdĩ!”

Yõaannẽ 6:69

Helemmi naag nganiit nẽ hagayyia ngaatĩ ĩĩnnĩ nii Loholeec ꞌcĩ Odoyyii ꞌcĩ Elleemi cĩ Nyekuci.”

Yõaannẽ 7:41

Õthõõth ũgẽẽgĩ aĩ, “Ĩĩn nẽẽ Krĩstõ!” Nẽ baa nga õthõõth ũgẽẽgĩ aĩ, “Occa gõõng aku Krĩstõ ꞌGalileea hutuno?

Dtiicanĩ cĩg ꞌThooyyiahu 10:36

Ĩĩn ciee nyeemuut ꞌcĩ abũnnaa cĩ eet cĩg Ĩꞌthĩraẽlĩ ꞌcĩ aĩ, aaĩ ganõnĩ hĩ Nyekuc, hĩnĩngĩtĩ Yeesu Krĩstõ ꞌcĩ ĩĩn Makayyioohit cĩ eet vẽlẽk.

Dtiicanĩ cĩg ꞌThooyyiahu 13:23

“Baa arĩnyana Nyekuci ngaatĩ aĩnnĩ, aku hatĩ eet umwaa hattũũgaa cĩ Daavide, hikia hĩĩ Ellioohit cĩ Ĩꞌthĩraẽlĩ, eet tĩho Yeesu.

Dtiicanĩ cĩg ꞌThooyyiahu 17:3

ẽddẽẽbak eet pĩĩrnanĩt cĩ Krĩstõ hĩ ngaatĩ ũrũgaaĩ nẽẽ daahĩtha. Baa õthõõth Paaulo aĩ, “Ĩĩn Yeesu ꞌcĩ haduhaakuung naa ngagiit ko Krĩstõ.”

Dtiicanĩ cĩg ꞌThooyyiahu 2:36

“Nẽẽthĩ, aanytĩk hagaacõ eeta cĩg Ĩꞌthĩraẽlĩ vẽlẽk ngaatĩ aaꞌnyĩkĩ Nyekuci Yeesu baa odooddiku niig hurucceea, hĩĩ Makayyioohit nẽ ĩĩ Krĩstõ.”

Dtiicanĩ cĩg ꞌThooyyiahu 5:31

Õdõng Nyekuci ĩnõõnnõ nẽ aarĩk attiaa cĩnnĩ ĩcobbi, hĩĩ habu hĩ Ellioohit hẽlẽmaahĩ eet cĩg Ĩꞌthĩraẽlĩ hũtũngteek ꞌthẽccanẽẽt hatamaatĩk Nyekuci ĩhõõggõ.

1 Korinthia 15:47

Baa ẽhẽnytaa ẽẽtĩ ꞌcĩ oou dooba, nẽẽthĩ, baa aku ẽẽtĩ ꞌcĩ uruto ho hẽẽtahujjieen.

Pilippi 2:11

nẽẽthĩ, aduha hatĩ eeta vẽlẽk aĩ ĩĩn Yeesu Krĩstõ Makayyioohit bulẽẽttaa cĩ Nyekuc Bangeet.

Pilippi 3:8

Nẽ dĩdĩ, ĩllõõan thõõth ꞌcĩ hagaĩ Makayyioohit Yeesu Krĩstõ ꞌgii vẽlẽk. Ĩnõõ baa hacĩnĩ naa hẽlẽggĩ vẽlẽk hĩ tahaha haaga, hátĩ hũnũ Krĩstõ,

Kolooꞌthe 2:6

Nẽẽthĩ ꞌyioko, hĩcĩ elemtu niig Yeesu Krĩstõ hĩĩ Makayyioohit cunuung ko, aallattia ũnnẽẽc ĩnõõnnõ diooni.

1 Yõaannẽ 4:14

Baa ĩꞌthõõa Nyekuci Ngeerĩnĩ hikia hĩĩ Ellioohit cĩ eet cĩg looc nicci. Baa hĩcĩtta naag Ngeerĩnĩ nẽ ꞌyioko huduktaaha naag eet thõõth cĩnnĩ.

1 Yõaannẽ 5:1

Ẽẽtĩ ꞌcĩ ẽlẽmĩ ngaatĩ ĩĩnnĩ Yeesu, Krĩstõ, ĩĩn nẽẽ loholeec cĩ Nyekuci nẽ ẽẽtĩ ꞌcĩ ammĩnan Maaꞌnyĩ, ammĩnan nẽẽ ngeerĩnĩ buúk.