ꞌLuuka 2:10 - ꞌBuuk cĩ Thõõth cĩ Nyekuci

¹⁰ Ma nĩngaata, ĩĩnnĩk aajĩlõ nicciee ĩhõõggõ, “Ma hiteelinnu, haꞌnyahaakuung naa ngagiit nyeemuut ꞌcĩ abũnnaa gẽrrẽẽt, ꞌcĩ hatĩ aaꞌnyahaak eet vẽlẽk taliinit cobbi gẽrrẽẽt.

ꞌLuuka 2:10 ပူးပေါင်းရင်းမြစ်များ

ꞌThianaattõ 12:3

Haggatani hatĩ naa eet ꞌcĩg aggatannii nganiita, nẽ hĩccĩĩna eet ꞌcĩg acciinni nganiita. Haggatani hatĩ naa eet loonyini vẽlẽk, hĩnĩngĩtĩ nganiita.”

Maatteeo 14:27

Ma hĩdĩĩkoothong, ikia othoothĩk Yeesu ĩhõõggõ ĩĩnnĩk, “Aanytĩk ꞌthinneeti hokomit! Nganĩĩt Yeesu. Ma hiteelinnu.”

Maatteeo 28:18

Ma nĩngaata, ikia uppwaannak Yeesu ĩhõõggõ nẽ ĩĩnnĩk, “Baa aaꞌnyĩhoothĩhaa nganĩĩt makaaꞌthĩt cĩ hẽẽtkujjieen hĩ cĩ lootu vẽlẽk.

Maatteeo 28:5

Nẽ uduhaak aajĩlõ nicciee ngaaĩ niccig ĩĩnnĩk, “Ma hiteelinnu, haga naa adiimmu niig Yeesu baa odooddothoothĩk hurucceea.

Maarko 1:15

Baa õthõõth nẽẽ aĩ, “Õbõhĩ habuccieet cĩ Nyekuci aau ojoonu. Ũtũngteek ꞌthẽccanẽẽt cugguung nẽ elemtu nyeemuut ꞌcĩ abũnnaa!”

Maarko 16:15

Ma ho, ĩĩnnĩk Yeesu ĩhõõggõ, “Õõt illimanit eet nyeemuut ꞌcĩ abũnnaa loonyini vẽlẽk.

ꞌLuuka 1:13

Anneek hinnia aajĩlõ nicciee ĩnõõnnõ, “ꞌThakaria, ma hiꞌngolinnaanĩ! Ĩthĩk Nyekuci laiinit cunni. Aꞌnyaki hatĩ ngaa cunni Eliꞌthẽbẽta nẽ ũtũhũwa loholeec ꞌcĩ maacĩ. Nẽ ma utuhuyyiaa, kateek ꞌthaar ꞌcĩg kaĩ Yõaannẽ.

ꞌLuuka 1:19

Ma ho, ẽdẽc aajĩlõ nicciee ĩnõõnnõ ĩĩnnĩk, “Haĩnna nganĩĩt ꞌGaburẽẽlẽ, dticciannioohit cĩ Nyekuci. Hĩꞌthooyyia naa hikia huduhaahii nganiit nyeemuut ꞌcĩ abũnnaa ho.

ꞌLuuka 1:30

Nĩngĩtĩ aduhaakĩ aajĩlõ ĩnõõnnõ annẽẽkĩ, “Maria, ma hiteelli, accamanaai nganiit Nyekuci,

ꞌLuuka 2:11

Ittirria Ellioohiti cunuung iyyieni ꞌtaaũnaa cĩ Daavide, ĩnõõnnõ Krĩstõ Makayyioohiti.

ꞌLuuka 24:47

nẽ irrioonni hatĩ thõõth cĩ ũũnnõthõõthĩkĩ ꞌthẽccanẽẽta hĩ thõõth ꞌcĩ ammaannothoothĩkĩ eeta loonyini vẽlẽk ꞌthaarĩĩ cĩgĩnnĩg, iꞌthianaanĩ ꞌJeruꞌthalẽma.

ꞌLuuka 8:1

Ma urutaa cĩnnĩ, ĩtĩnga Yeesu ũũk illimaneek eet nyeemuut ꞌcĩ abũnnaa cĩ habuccieet cĩ Nyekuci ꞌtaaũnnioohĩ hĩ olooyyiohĩ. Baa õõkõr nẽẽ hĩ ꞌthooyyiak baag ĩĩn õmmõtõ hĩ ꞌramma,

Dtiicanĩ cĩg ꞌThooyyiahu 13:32

“Haduhaakuung naag ngagiit nyeemuut ꞌcĩ abũnnaa. Thõõth baa aduhaak Nyekuci hĩbaangĩ cĩggaac,

ꞌRooma 10:15

Occa irrioonĩk nẽẽg eet hutuno hatĩ nga hĩꞌthooyyii nẽẽgĩ? Hĩcĩ eheeddi ꞌBuuhaa cĩ Nyekuci aĩ, “Ĩĩn occa ꞌlẽẽmĩthĩ cĩ ꞌthoo cĩg eet ꞌcĩg aꞌnyaha nyeemuut ꞌcĩ abũnnaa hutuno?”

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Kolooꞌthe 1:23

Nẽẽthĩ, má aallannu elemmu nẽ okomtu thõõth ꞌcĩ ĩĩn dĩdĩ, ma hẽꞌngẽlannu thõõthaa baa ĩĩn dĩdĩ ĩbaa ithiktu niig nyeemuutaa ꞌcĩ abũnnaa. Baa irrioonni nyeemuut ꞌcĩ abũnnaa ho looc vẽlẽk nẽ naa Paaulo, baa ẽbẽraawa Nyekuci hĩĩ dticciannioohit ꞌcĩ hirriooni thõõth icci.