ꞌLuuka 2:1 - ꞌBuuk cĩ Thõõth cĩ Nyekuci

¹ Ma waathinniook nicciag, ikia uduhaak habuui cobbi cĩ ꞌRooma ꞌcĩ haĩ Agguutto eet looccaa cĩ ꞌRooma hũtũrũũr hõõt hitigiilli.

ꞌLuuka 2:1 ပူးပေါင်းရင်းမြစ်များ

Maatteeo 22:17

Duhaaheet da muhẽẽnĩt cunni, aũlan ngaatĩ hadũmanẽẽkĩ occoro habu cobbi cĩ ꞌRooma hode aitiõõ?”

Maatteeo 24:14

Nẽ irrioonni hatĩ nyeemuut ꞌcĩ abũnnaa cĩ habuccieet cĩ Nyekuci loonyini vẽlẽk, hátĩ hĩthĩhĩt eeta vẽlẽk, nẽẽthĩ hatĩ ikia decciaanĩtĩ cĩ lootu.”

Maarko 14:9

Haduhaakuung naa dĩdĩ, loonyini vẽlẽk ĩcĩg hatĩ irrioonini nyeemuut ꞌcĩ abũnnaa, irrioonni hatĩ thõõth ꞌcĩ adtican nẽẽ ho buúk, hátĩ hummuktaaĩ eeta ĩnõõnnõ.”

Maarko 16:15

Ma ho, ĩĩnnĩk Yeesu ĩhõõggõ, “Õõt illimanit eet nyeemuut ꞌcĩ abũnnaa loonyini vẽlẽk.

ꞌLuuka 2:3

Nĩngĩtĩ ĩꞌthanõthõõthĩkĩ eeta vẽlẽk ꞌtaaũnniook cĩggĩĩng cũũmõ cũũmõ.

ꞌLuuka 2:5

Baa õõkõr nẽẽ hĩ Maria, bũhẽẽc baa adiim nẽẽ hatĩ hĩĩ ngaa cĩnnĩ. Ammũdeek hinnia baa ĩdĩddĩng Maria waathinniook tĩko gẽrrẽẽt.

ꞌLuuka 3:1

Ma baa irkit ꞌcĩ ĩĩn õmmõtõ hĩ ꞌtur, ꞌcĩ ĩĩnnĩ Tiberio habu cobbi cĩ ꞌRooma hũtũrũũr nẽ ĩĩ Ponthio Pĩlaatõ makayyioohit cĩ ꞌJudeea, nẽ ĩĩ Ẽrõõdẽ habu cĩ ꞌGalileea nẽ tarĩ ĩĩ ꞌgotonnia Pilippo habu cĩ Iturea hĩ Tarakoniti nẽ ĩĩ Lĩthaniathĩ habu cĩ Abileene,

Dtiicanĩ cĩg ꞌThooyyiahu 11:28

Hõrggẽẽnaa cĩ põrõvẽtaaꞌnya iccig, baa aaĩ umwa ꞌcĩ haĩ Agabu. Eliittaa cĩ Loriio, uduha nẽẽ ngaatĩ hatĩ akuuni nyarõnĩ ꞌcĩ abathĩ dtẽc looc cĩ ꞌRooma hũtũrũũr. Nẽ baa uluba nyarõnĩ ciee irkiꞌnyiaannĩĩ baag ĩĩnnĩ Kalaudio habu cobbi.

Dtiicanĩ cĩg ꞌThooyyiahu 25:11

Má baa hĩĩ eet ꞌcĩ hẽꞌthẽcana thõõth ꞌcĩ occa hẽttẽẽdõõthĩkĩĩ daahĩth, aitiõõ hõllõngaa haburi naa daahĩth. Nẽẽthĩ, má ĩĩn thooꞌthioha ꞌcĩg abĩlla nganĩĩt eeta cĩg ꞌJudeei cieeg ko õlõng, occa aitiõõ ẽẽtĩ ꞌcĩ aaꞌnyĩk hoottia nẽẽg nganĩĩt tõõ. Hatabi ꞌyioko naa hũũk hĩttĩmanaa habuui cobbi cĩ ꞌRooma nẽẽ ẽmmẽn.”

Dtiicanĩ cĩg ꞌThooyyiahu 25:21

Ma baa uduha Paaulo thõõth ꞌcĩ adiimi nẽẽ haꞌnyĩhoothĩk athĩnĩĩ cĩg habu cobbi cĩ ꞌRooma ho, huduhaaha eet huꞌthuutti ĩnõõnnõ, ĩꞌthõng hatĩ hĩꞌthooĩk ĩnõõnnõ habu cobbi.”

ꞌRooma 1:8

Ĩĩcĩ oou, hala naa Nyekuc ꞌthaarĩĩ cĩg Yeesu Krĩstõ, hĩnĩngĩtĩ ngagiit vẽlẽk. Hadĩmani naa hoti, hĩnĩngĩtĩ athithan eeta loonyini vẽlẽk lemiinit cunuung.

Pilippi 4:22

Ĩꞌthaayyuung eeta cĩg Nyekuci vẽlẽk, ettebehini dticcianniook cĩg õlõ cĩ habu cobbi cĩ ꞌRooma.