Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ꞌLuuka 19:47 - ꞌBuuk cĩ Thõõth cĩ Nyekuci

47 Nẽ waathinniook nicciag vẽlẽk, baa gõõng alliman nẽẽ eet ꞌCieethaa cĩ Nyekuci. Adiim hinnia aruk makayyiooha cĩg paadĩrꞌnyaannu hĩ ꞌlimmanniook cĩg nyattaalak, hĩ makayyiook cĩg eetuk ĩnõõnnõ thõng.

အခန်းကိုကြည့်ပါ။ ကော်ပီ




ꞌLuuka 19:47
17 ပူးပေါင်းရင်းမြစ်များ  

Baa õkõ aduhun Yeesu nĩngĩtĩ õbõhõõ hĩ halang cĩ ꞌCieeth cĩ Nyekuci nẽ illiman eeta, ma ho, ummuddiaak makayyiooha cĩg paadĩrꞌnyaannu hĩ makayyiook cĩg eetuk ĩnõõnnõ nẽ ijinit ĩĩttĩk, “Ammũda nii makaaꞌthĩt ꞌcĩ adĩmanĩĩ thooꞌthiok iccig ko ĩĩna? Aaꞌnyi nganĩ?”


Ma baa kõr niccia, ikia uduhaak Yeesu lothippit ĩĩnnĩk, “Inni iita aggamtaangu nyetubooꞌnyanĩ hĩ hĩbahĩꞌnyannĩ hĩ eet ꞌcĩ hĩĩnĩ ꞌloorriahit ko? Hallimannuung naa ngagiit hõdõõkõthĩ hĩ gõõng haaĩ loota halaangatõõ cĩ ꞌCieeth cĩ Nyekuci nẽ gõõng hõllõngaa aggammaangu inni?


Ma baa athĩhĩ makayyiooha cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha thõõth icci ho, iita atarrabanit ꞌgõõl ꞌcĩ adiim aruhi Yeesu. Nẽ baa itieelli nẽẽg ĩnõõnnõ, hĩnĩngĩtĩ baa mẽẽlĩg eeta ꞌcĩg abulan ꞌlimmanĩ cĩnnĩ ho gẽrrẽẽt.


Ma nĩngaata, iita idiimito makayyiooha cĩg ꞌJudeei ꞌgõõl ꞌcĩ aggamĩ Yeesu, hĩnĩngĩtĩ baa aga nẽẽg ngaatĩ awantẽẽkĩ nẽẽ ĩhõõggõ thõõth. Nẽẽthĩ, baa hinnia iꞌngolli nẽẽg lothippit cĩ eetu, nĩngĩtĩ ũũnnĩkĩ ĩnõõnnõ nẽ ammanyattĩ õõta.


Baa idiongattaa waathinniooha ꞌramma õõa cĩ Kõr cĩ Haangittõõ hĩ kõr cĩ Karrama cĩ Ũbũnẽẽt ꞌcĩg aitiõõ Abũũlana tõõ. Ma nĩngaata, iita atabit makayyiooha cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha ꞌgõõl ꞌcĩ aggamĩ Yeesu nẽ uruhit ĩnõõnnõ.


Ma gõõng harũmĩ naag hĩ ngagiit hõdõõkõthĩ, hatĩ hallimani eet ꞌCieethaa cĩ Nyekuci waathinniook vẽlẽk nẽ gõõng hõllõngaa aggammaangu inni? Nẽẽthĩ ꞌyioko, ikia ũttũbanoothĩk thõõth baa eheeddi ꞌBuuhaa cĩ Nyekuci ĩĩ dĩdĩ.”


Nẽẽthĩ, baa aꞌnyaman ĩhõõggõ ꞌgõõl ꞌcĩ occa aruhi, hĩnĩngĩtĩ baa aalla eeta vẽlẽk nĩngaata athĩhĩ ĩnõõnnõ.


Nĩngĩtĩ adiim adhuhẽẽkĩ ꞌlimmanniooha cĩg nyattaalak hĩ makayyiook cĩg paadĩrꞌnyaannu Yeesu baabuuth nĩĩcĩ noho, hĩnĩngĩtĩ baa aga nẽẽg ngaatĩ ĩĩnnĩ ĩhõõggõ ꞌcĩg awanteek Yeesu thõõth icci ho. Nẽẽthĩ, baa itieelli nẽẽg eeta.


Ma nĩngaata, idiimito eeta cĩg ꞌJudeei aggamit Yeesu tarĩ, alĩĩta hinnia Yeesu ĩhõõggõ thõng.


Nẽẽthĩ, baa ẽdẽcĩ Yeesu ĩnõõnnõ anneek, “Baa haduhaahi naa eet thõõth cũrũmũũm muumtinii cĩggĩĩng vẽlẽk. Nẽ hillimana ĩhõõggõ hõdõõkõthĩ ꞌCieethinii cĩg Laiittak hĩ ꞌCieethaa cĩ Nyekuci, nga gõõng alũtẽẽnĩ eeta cĩggaac vẽlẽk hõdẽĩ. Nẽ nga huduha thõõth umwa ĩĩcĩ burki.


Nga nooyyia haaꞌnyuung ngagiit Mũũꞌtha nyattal cĩ Nyekuci? Nẽẽthĩ, hiꞌthihi eet ꞌcĩ aꞌthũũnnĩ nyattal tĩho inni? Ma ꞌyioko nganĩĩt, adiim aruhaannaangu ne?”


Baa adiim eeta ũgẽẽgĩ aggam ĩnõõnnõ nẽ baa hinnia hiꞌthihi eet ꞌcĩ ahumeek ĩnõõnnõ aꞌthiit.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ