ꞌLuuka 19:28 - ꞌBuuk cĩ Thõõth cĩ Nyekuci

²⁸ Ma baa ẽdẽcaak Yeesu ngaatĩ aduhaanĩ thõõth icci, ĩtĩnga ũũk ĩĩcĩ ꞌJeruꞌthalẽmĩ.

ꞌLuuka 19:28 ပူးပေါင်းရင်းမြစ်များ

ꞌLuuka 10:30

Ma ho, ẽdtẽbanaak Yeesu ĩnõõnnõ dtẽẽllẽn ũgĩ anneek, “Baa aaĩ eet umwaa ꞌcĩ allũũcĩ kõr umwa ꞌJeruꞌthalẽma õkõ ĩĩcĩ ꞌJeriko. Ma ꞌgõõla, ommottio hĩ igorriaak. Ma nĩngaata, uukito igorriaaha ĩnõõnnõ hatawaal nẽ uppuruccia ceremwa, nĩngĩtĩ ũũnnĩkĩ nĩngaata.

ꞌLuuka 12:50

Nẽẽthĩ, haꞌnyahi baattithimo cĩ ꞌtĩmmaanõ ꞌcĩ nga aayyiaa ĩĩcĩ oou, ꞌcĩ hatĩ haccananiini gẽrrẽẽt, ĩꞌthõng hikia hedeccia!

ꞌLuuka 18:31

Ma ho, ũũhĩ Yeesu nuyyiook cĩgĩnnĩg ngadiiha nẽ ĩĩnnĩk, “Hõõ ꞌyioko hatĩ naag ꞌJeruꞌthalẽma nẽ õõ hatĩ edeeꞌnyia thooꞌthioha vẽlẽk baag ẽhẽẽd põrõvẽtaaꞌnya, hĩnĩngĩtĩ Ngeertĩ Eeto ĩĩca.

ꞌLuuka 9:51

Ma baa õbõhĩ kõrra ꞌcĩ odongiini Yeesu õkõõĩ hẽẽtahujjieen, ikia ĩrĩnyanoothĩk nẽẽ ngaatĩ õkõõĩ ꞌJeruꞌthalẽma.

Yõaannẽ 18:11

Ma nĩngaata, uduhaak Yeesu Pẽẽtũrũ ĩĩnnĩk, “Bõdẽẽhĩ nyetuboot! Ĩcca occa hõllõngaa hahudi naa hooppo baa aaꞌnya nganĩĩt Baaba ho?”

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

1 Pẽẽtũrũ 4:1

Nẽẽthĩ hoti ho, hĩ baa accananni Krĩstõ loota nĩnga, adiim akũmanoothiku, hátĩ agaac ngaatĩ hatĩ accananiinnu niig buúk hĩ baa nẽẽnĩ. Hĩnĩngĩtĩ ẽtẽrꞌtha ꞌcannani ngaatĩ ũtũngteehu niig ꞌthẽccan.