ꞌLuuka 19:13 - ꞌBuuk cĩ Thõõth cĩ Nyekuci

¹³ Ma baa õbõhĩ ĩtĩnga, ũtũvvũ dticcianniook cĩgĩnnĩg õmmõtõ nẽ aaꞌnyĩk ĩhõõggõ hõdẽĩ hõdẽĩ ꞌrabbẽẽt ꞌcĩg mẽẽlĩg nẽ ĩĩnnĩk, ‘Idticattĩ ꞌrabbẽẽt iccig tũjaar ĩꞌthõng hõbõda naana.’

ꞌLuuka 19:13 ပူးပေါင်းရင်းမြစ်များ

Maatteeo 25:16

Ikia idticanõõĩ dticciannioohiti baa aggam ꞌtalẽnꞌnya ꞌtur hĩdĩĩkoothong hikia hũmmũda ꞌtalẽnꞌnya ꞌtur tarĩ.

Maatteeo 25:20

Ikia uduhaak dticciannioohiti baa aggam ꞌtalẽnꞌnya ꞌtur baattĩ olu ĩĩnnĩk, ‘Makayyioohit, baa aaꞌnyaa nii nganĩĩt ꞌtalẽnꞌnya ꞌtur, hikia hĩttoorĩha naa ũgĩ tarĩ ꞌtur.’

Maatteeo 25:22

“Ma nĩngaata, ikia dticciannioohiti baa aaꞌnyĩk makayyioohiti ꞌtalẽnꞌnya ꞌramma nẽ ĩĩnnĩk makayyioohit cĩnnĩ, ‘Makayyioohit, baa aaꞌnyaa nii nganĩĩt ꞌtalẽnꞌnya ꞌramma nẽ ꞌyioko, hĩttoorĩha ũgĩ ꞌramma tarĩ.’

Maatteeo 25:24

“Nẽ ẽẽtĩ baa aaꞌnyĩhoothĩk ꞌtalẽnĩ hõdẽẽthõng, ikia ĩĩnnĩk ‘Makayyioohit, haga naa ĩĩnĩ nii eet ꞌcĩ okomi gẽrrẽẽt, ꞌcĩ ajana haal ngaatĩ nga katõõĩ.

ꞌLuuka 19:12

Baa aduhaak nẽẽ ĩhõõggõ anneek, “Baa aaĩ eet umwaa ꞌcĩ ĩĩn ngeertĩ habuuo ꞌcĩ baa õkõ ĩĩcĩ looc ꞌcĩ ꞌrẽẽnĩ, hũũk hĩĩ habu nẽ õbõda.

ꞌLuuka 19:14

“Baa ammũdeek hinnia abũrĩ eeta ĩnõõnnõ ngaatĩ ĩĩnĩ habu, nĩngĩtĩ ĩꞌthõõĩ nyeemuut hũũk ĩĩcĩ oou anneek, ‘Hõllõngaa hadiimma naag eet icci hĩĩ habu cĩnaang.’

Yõaannẽ 12:26

Ẽẽtĩ ꞌcĩ adticanoothĩkaa nganĩĩta, aꞌnyĩĩk hũnũa nganĩĩta nẽ nĩngĩtĩ haayyi naana, aaĩ hatĩ dticciannioohiti caannĩ buúk nĩngaata. Abuluth hatĩ Baaba eet ꞌcĩ adticanoothĩkaa nganĩĩta.

ꞌGalaaꞌthia 1:10

Hõllõngaa haini naa, hátĩ hatalit eeta, hadiimi naa hatal Nyekuci. Ammuku niig ainnu hadiimi naa hatalit eeta? Má baa hĩdĩman naa noho, occa ꞌyioko hõllõngaa hĩĩnĩ appahaca cĩ Krĩstõ.

ꞌJeemith 1:1

Waraga ꞌcĩ aku hĩ ꞌJeemith, dticciannioohit cĩ Nyekuci hĩ cĩ Makayyioohit cĩnaac Yeesu Krĩstõ cieeni. Hehedihi naa waraga icci habuccieeꞌnya ꞌcĩg ĩĩn õmmõtõ hĩ ꞌramma cĩg eet cĩg ꞌJudeei ꞌcĩg ĩĩn lemmiook ꞌcĩg ĩꞌthanothoothĩk loonyin vẽlẽk.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.