ꞌLuuka 19:12 - ꞌBuuk cĩ Thõõth cĩ Nyekuci

¹² Baa aduhaak nẽẽ ĩhõõggõ anneek, “Baa aaĩ eet umwaa ꞌcĩ ĩĩn ngeertĩ habuuo ꞌcĩ baa õkõ ĩĩcĩ looc ꞌcĩ ꞌrẽẽnĩ, hũũk hĩĩ habu nẽ õbõda.

ꞌLuuka 19:12 ပူးပေါင်းရင်းမြစ်များ

Maatteeo 21:38

“Ma baa acĩn nẽẽg buulenit cĩ baattĩ manu ho, iita utuhattõõ nyaagwaana ĩĩtõ, ‘Ngeerĩnĩ niccieeni, aku hatĩ arigith mana, huruhit ĩnõõnnõ! Nẽ hootti mana icci hĩĩ cĩnaac.’

Maatteeo 28:18

Ma nĩngaata, ikia uppwaannak Yeesu ĩhõõggõ nẽ ĩĩnnĩk, “Baa aaꞌnyĩhoothĩhaa nganĩĩt makaaꞌthĩt cĩ hẽẽtkujjieen hĩ cĩ lootu vẽlẽk.

Maarko 12:1

Baa iꞌthianaanĩ Yeesu aduhaak makayyiook cĩg ꞌJudeei thõõth ꞌcĩ awantoothĩk anneek, “Baa aaĩ ẽẽtĩ umwaa ꞌcĩ atiboolan hẽẽn cĩg viinoaak, nẽ ũlũk araan hirriaman nẽ ada ꞌlook ꞌcĩ ammaccĩ viino nẽ ẽttẽẽd lobelĩ ꞌcĩ behiitto. Nĩngĩtĩ ũũnnĩkĩ mana cĩnnĩ ho kattiook nẽ ũũk hẽẽrõna.

Maarko 16:19

Ma urutaa ꞌcĩ õthõõthĩhĩ Makayyioohiti Yeesu nuyyiook ẽlẽk, ikia õdõngĩ nẽẽ ũũk hẽẽtahujjieen nẽ ũũk aau attiaa cobbi ĩĩcĩ Nyekuci.

ꞌLuuka 20:9

Nĩngĩtĩ aduhaakĩ Yeesu eet thõõth ꞌcĩ awantoothĩk annẽẽkĩ, “Baa atiboolan ẽẽtĩ umwaa hẽẽn cĩg viinoaak nẽ ũtũngẽẽhĩ bekiook ũgĩ hebehit nẽ ũũk looccaa umwaanĩ ĩĩcĩ õkõ aayyianĩ ĩꞌthõng.

ꞌLuuka 24:51

Ma baa nga aggatan nẽẽ ĩhõõggõ, ũtũngeek ĩhõõggõ nẽ õdõngĩ ũũk hẽẽtahujjieen.

Yõaannẽ 18:37

Nĩngĩtĩ aĩnnĩ Pĩlaatõ, “Ĩĩnĩ thĩ mĩĩ ꞌthẽk habu!” Ẽdẽcĩ Yeesu anneek, “Ẽbẽaneehi ngaatĩ aĩnnĩ hĩĩnĩ naa habu. Nẽ dĩdĩ, baa harrittia naa, hĩnĩngĩtĩ thõõth icci nẽ baa thõõth icci ꞌcĩ hakuuni naa loota nĩnga ho, hátĩ hĩĩ hebereec cĩ thõõth ꞌcĩ ĩĩn dĩdĩ. Nẽ eeta vẽlẽk ꞌcĩg ammĩnan thõõth ꞌcĩ ĩĩn dĩdĩ, athĩhĩ thõõth caannĩ.”

Dtiicanĩ cĩg ꞌThooyyiahu 17:31

Aarĩk nẽẽ kõr ꞌcĩ hatĩ ẽttẽẽdĩ thooꞌthiok cĩg lootu ꞌgõõlaa ꞌcĩ aũlan, eetaa ꞌcĩ ẽbẽra nẽẽnĩ. Baa eteretheek Nyekuci eet ngaatĩ arũgthaanĩ eet tĩho daahĩtha.”

1 Korinthia 15:25

Hĩnĩngĩtĩ aggam hatĩ nẽẽ looc ĩꞌthõng haathĩk mĩrõk cĩgĩnnĩg vẽlẽk looc.

Ebereei 9:28

adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.

1 Pẽẽtũrũ 3:22

Nẽẽthĩ ꞌyioko, ũũk Krĩstõ hẽẽtahujjieen. Iccioloongan nẽẽ ꞌyioko bulẽẽtta attiaa cobbi ĩcĩ Nyekuci nẽ ẽlẽmĩ aajĩlẽẽta hĩ makayyiook hĩ makaaꞌthĩt vẽlẽk cĩ hẽẽtkujjieen, ngaatĩ ĩĩnnĩ nẽẽ Makayyioohit cĩnĩĩng.

Terethiinit 1:7

Ĩcĩnĩt da ꞌyioko! Õõkõra nẽẽ hĩ diith hẽẽtahujjieen, acĩn hatĩ eeta vẽlẽk ĩnõõnnõ, nẽ ꞌthẽk adtuuha hatĩ eeta baag acuhan ĩnõõnnõ buúk. Alu hatĩ eeta vẽlẽk loota nĩnga ĩnõõnnõ. Dĩdĩ, aaĩ hatĩ thõõth cieeni! Aamẽn.