ꞌLuuka 18:43 - ꞌBuuk cĩ Thõõth cĩ Nyekuci

⁴³ Ma hĩdĩĩkoothong ĩcĩnĩ ẽẽtĩ nicciee nĩĩcĩ noho nẽ ũnũ Yeesu ĩdĩhĩthõõthĩ Nyekuc. Ma baa acĩn eeta vẽlẽk ko, idihiꞌthiõõthĩ nẽẽg buúk Nyekuc.

ꞌLuuka 18:43 ပူးပေါင်းရင်းမြစ်များ

Maatteeo 11:5

Ĩcĩttĩ rubenniaaha, õtõõcõ ꞌngoolliaha, ũbũttaathõ eeta ꞌcĩg adak helleggeri, ĩthĩktõ eeta ꞌcĩg adĩĩtĩ ĩĩna, ũrũgta daakiaha nẽ illimanoothĩk nyeemuut ꞌcĩ abũnnaa eet ꞌcĩg appĩĩrna.

Maatteeo 21:14

Ma nĩngaata, iita eeta ꞌcĩg rubettĩg hĩ ꞌcĩg ĩĩn ꞌngoolliak hĩ Yeesu ꞌCieethaa cĩ Nyekuci, nĩngĩtĩ aaꞌnyĩkĩ nẽẽ ĩhõõggõ vẽlẽk hũbũttaathõ.

Maatteeo 9:8

Ma baa acĩn lothippiti thõõth icci ho, iita aꞌngalilli nẽẽg gẽrrẽẽt ũdũt nẽ ĩdĩhĩthĩt Nyekuc ꞌcĩ aaꞌnyĩk eet makaaꞌthĩt ꞌcĩ aaĩ noho ho.

ꞌLuuka 13:17

Ma baa aduha Yeesu thõõth icci ho, ikia aggam ngaaoni eet ꞌcĩg abũrĩ thõõth cĩnnĩ ho gẽrrẽẽt nẽ baa accamattoothĩk ꞌcĩg ẽlẽmĩ ĩnõõnnõ, hĩnĩngĩtĩ hẽlẽggĩ ꞌcĩg adĩman nẽẽ ho.

ꞌLuuka 19:37

Ma baa õdõlan nĩngĩtĩ allũũcẽnĩ ꞌgõõl õkõõĩ Muuraa cĩ Olivi, iꞌthianaaĩ lothippiti cĩ nuyyioohu ubuluthit Nyekuc gẽrrẽẽt taliitta, hĩnĩngĩtĩ thooꞌthiok baag ĩnaat eeta baag adĩman Yeesu.

ꞌLuuka 4:39

Ma ho, ũũk iggiingi Yeesu ngaatĩ oongiyyi morwahit nicciee ho nẽ eggerenyeek abuurꞌthet tĩho hũtũngeek ĩnõõnnõ. Nĩngĩtĩ abũnnayyĩ morwahit nĩĩcĩ noho herehoothĩk ĩhõõggõ.

ꞌLuuka 5:26

Baa nẽ ubulan thõõth ciee lothippit niccia hũtũrũũr nẽ ĩdĩhĩthĩt Nyekuc ĩĩtõ, “Hĩcĩtta aattĩ kõr nicci ꞌgii ꞌcĩ gõõng nga hĩcĩtta hõdõõkõthĩ.”

ꞌLuuka 9:43

Nĩngĩtĩ abulanĩ ꞌtirriani ꞌcĩ Nyekuci ho eet gẽrrẽẽt. Ma baa nga abulan eet ꞌlẽẽmĩthĩ cĩ thõõth ꞌcĩ adtican Yeesu ho, ĩĩnnĩk nẽẽ nuyyiook cĩgĩnnĩg,

Dtiicanĩ cĩg ꞌThooyyiahu 11:18

Ma baa athĩhĩ eeta ꞌcĩg etteeddi eleeti thõõth icci õthõõth Pẽẽtũrũ ho, iittiõõ hõllõngaa ẽppẽhanõõ nẽ iꞌthiattaaĩ ubuluthit Nyekuc. Baa aĩ nẽẽg, “Ikia aaꞌnyĩk Nyekuci eet ꞌcĩg hõllõngaa ĩĩn ꞌJudeei, hũtũngteek ꞌthẽccanẽẽt cĩggĩĩng nẽ aaꞌnyĩk ĩhõõggõ rũgẽt ꞌcĩ aalla ooo!”

Dtiicanĩ cĩg ꞌThooyyiahu 26:18

hadiimmii naa nganiit bĩĩt ꞌbuuk ĩhõõggõ hẽbẽrĩ cĩggĩĩng, hátĩ hũtũngteek muguur, hõõt hĩ lanyit nẽ tarĩ, hũtũngteek ꞌtirrian cĩ ꞌThĩttaanõ, hõõt ꞌtirrianaa cĩ Nyekuci. Hátĩ hũtũngtoothĩk ꞌthẽccanẽẽta cĩggĩĩng nẽ lemiittaa cĩnĩĩng hĩ nganĩĩta, iita ĩĩtõ nẽẽg buúk dhoorit cĩg eet ꞌcĩg ẽllẽẽmĩth cĩg Nyekuci.’

Dtiicanĩ cĩg ꞌThooyyiahu 4:21

Nĩngĩtĩ ẽggẽrꞌnyẽẽkĩ makayyiooha Pẽẽtũrũ hĩ Yõaannẽ nẽ aanytĩk hõõt. Baa hõllõngaa ammũda nẽẽg thõõth ꞌcĩ occa uuki ĩhõõggõ, hĩnĩngĩtĩ baa adĩhĩth eeta vẽlẽk Nyekuc thooꞌthiohĩĩ ꞌcĩg adtican nẽẽg ko.

ꞌGalaaꞌthia 1:24

Nĩngĩtĩ au adĩkꞌthĩ nẽẽg Nyekuc, hĩnĩngĩtĩ nganĩĩta.

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.