ꞌLuuka 18:39 - ꞌBuuk cĩ Thõõth cĩ Nyekuci

³⁹ Eggerꞌnyeek hinnia eeta ꞌcĩg uwwattĩ ĩnõõnnõ anneek ꞌjaahõ. Ẽggẽrẽny hinnia gẽrrẽẽt aĩ, “Ngeertĩ Daavide, tamaatĩhaanĩ!”

ꞌLuuka 18:39 ပူးပေါင်းရင်းမြစ်များ

Maatteeo 7:7

“Ijinit, hátĩ haaꞌnyĩhoothĩhuunga. Idiimit, hátĩ ummuddia. Uruhit hattũũg nẽ hatĩ ubbuuhothoothĩhuunga.

Maatteeo 8:26

Ẽdẽcĩ Yeesu ĩhõõggõ anneek, “Niig eeta ꞌcĩg aꞌnyaku lemiinit ꞌcĩ hidici haaga ho, itieelinnu inni?” Ma ho, ĩtĩnga Yeesu nẽ eggerenyeek ngõõt hĩ maam hĩbĩlĩt. Nĩngĩtĩ au abĩllĩ dĩdĩ hĩĩ lõõcĩ ꞌthĩĩ.

Maatteeo 9:27

Ma baa nga õvvõ Yeesu ꞌgõõla, iita ũnnẽẽcõ eeta ũgẽẽgĩ ꞌramma ꞌcĩg rubettĩg ĩnõõnnõ nẽ ĩĩtõ, “Ngeertĩ Daavide, tamaatĩheet ngagĩĩta!”

ꞌLuuka 11:52

“Pĩĩrnanĩt hĩ ngagiit eet ꞌcĩg agayyu nyattal gẽrrẽẽt ko, hĩnĩngĩtĩ oottu mũhũta cĩ hattũũg cĩ ꞌgẽẽnyĩth cĩ Nyekuci. Nẽ niig dẽẽdẽ, hõllõngaa aduhunnu hattũũg icci, nẽ hinnia alaamtu eet ꞌcĩg adiim aduhuni.”

ꞌLuuka 18:1

Nĩngĩtĩ aduhaakĩ Yeesu nuyyiook cĩgĩnnĩg thõõth ꞌcĩ awantoothĩk ko, hẽtẽrẽth ĩhõõggõ hatĩ gõõng halayyio ooo nẽ iittiõõ hõllõngaa ũũnnĩk laiinit.

ꞌLuuka 18:15

Baa aꞌnyahaak eeta Yeesu lõhõlĩ ꞌcĩg hidicig hikia huhum nẽẽnĩ. Ma baa adtuuha nuyyiooha ho, eggerenyteek ĩhõõggõ hoboddi lõhõlĩ.

ꞌLuuka 18:38

Ma athĩhĩ rubenniaahiti nicciee ho, ũtũvvõ ĩĩ, “Yeesu, Ngeertĩ Daavide, tamaatĩhaanĩ!”

ꞌLuuka 18:40

Ma ho, ĩbĩl Yeesu nĩngĩtĩ aduhaakĩ eet haꞌnyakta ĩnõõnnõ. Ma baa aꞌnyakiaa ho, ijin Yeesu ĩnõõnnõ ĩĩnnĩk,

ꞌLuuka 19:39

Aduhaak hinnia Variꞌtheei ũgẽẽgĩ Yeesu lothippitatõõ anneek, “ꞌLimmannioohit, ꞌgerenyeek nuyyiook cugunnig ko hĩjjaaktõ.”

ꞌLuuka 8:49

Ma baa nga õthõõth Yeesu, ikia uppwaanna eet umwaa ꞌcĩ aku aduhaak ꞌJairo makayyioohit cĩ ꞌCieeth cĩ Laiitto anneek, “Iittiõõ loholeec tõõ ẽlẽ, ma nga haccanani ꞌlimmannioohit.”

2 Korinthia 12:8

Baa hala naa Makayyioohit tabattĩ iyyio, hátĩ hatamaatĩhaa nganĩĩt hittik pĩĩrnanĩt ꞌcĩ haꞌnyahi ho battaala.