ꞌLuuka 18:32 - ꞌBuuk cĩ Thõõth cĩ Nyekuci

³² Aaꞌnyĩhoothĩk hatĩ nẽẽ eet ꞌcĩg hõllõngaa ĩĩn ꞌJudeei. Uuk hatĩ nẽẽg ĩnõõnnõ nẽ odoomito nẽ uttuurrik ammũta nẽ uruhit hadaak.

ꞌLuuka 18:32 ပူးပေါင်းရင်းမြစ်များ

Maatteeo 16:21

Nganĩngĩtĩ kõr tĩho, iꞌthianaaĩ Yeesu uduhaak nuyyiook cĩgĩnnĩg thõõth ꞌcĩ hatĩ adĩmanoothĩk ĩnõõnnõ. Baa aduhaak nẽẽ ĩhõõggõ anneek, “Adiim ꞌthẽk hõkõ naa ꞌJeruꞌthalẽma ngaatĩ hatĩ hõkõ haccananiini gẽrrẽẽt, athĩnĩĩ cĩg makayyioohu, hĩ ĩĩcĩg makayyiook cĩg paadĩrꞌnyaannu, hĩ ĩĩcĩg ꞌlimmanniook cĩg nyattal cĩ Mũũꞌtha. Aaꞌnya hatĩ nẽẽg nganĩĩt haccananĩ gẽrrẽẽt ũdũt. Haruhi hatĩ naana nẽ urutaa cĩ waathinniook iyyio, harũgna hatĩ naa daahĩtha tarĩ.”

Maatteeo 20:19

nẽ hatĩ aanytĩk ĩnõõnnõ eet ꞌcĩg hõllõngaa ĩĩn ꞌJudeei, hodoomito ĩnõõnnõ nẽ uukito ĩꞌthõng hotoddoyyieek hurucceea. Ma urutaa cĩ waathinniook iyyio, arũgna hatĩ nẽẽ daahĩtha.”

Maatteeo 22:6

Nĩngĩtĩ aggamĩ ũgẽẽgĩ dticcianniook cĩg habuuak ko nẽ ĩdĩmanit ꞌbuth nẽ uruhit thõng buúk.

Maatteeo 26:67

Nĩngĩtĩ attũũrĩkĩ nẽẽg Yeesu ammũt nẽ ĩddaacõ ĩnõõnnõ athĩnĩĩ cĩggĩĩng, atabaang ũgẽẽgĩ ĩnõõnnõ thõng,

Maatteeo 27:2

Iita ecebit nẽẽg ĩnõõnnõ nẽ ootti hõõt haanytĩk ꞌgaalac cobbi ꞌcĩ haĩ Pĩlaatõ, ꞌcĩ aggam looc niccia.

Maarko 14:65

Ma nĩngaata, iꞌthiattaaĩ ũgẽẽgĩ uttuurrik Yeesu ammũta nẽ ecebit hẽbẽrĩ cĩgĩnnĩg cẽrẽma nẽ ĩddaacõ athĩnĩĩ nẽ ĩĩttĩk, “Duha da, hĩ nganĩ ꞌcĩg ĩddaayyi nganiit ko!” Nẽ athegereeꞌnya ꞌcĩg baag aattĩg nĩngaata vẽlẽk, iita ootti Yeesu nẽ uukito.

Maarko 15:1

Ma baa ngaalloohoth ngerrenita, etteedito makayyiooha cĩg paadĩrꞌnyaannu hõdẽĩ hĩ makayyiook cĩg eetuk hĩ ꞌlimmanniook cĩg nyattal cĩ Mũũꞌtha, hĩ eet ꞌcĩg obbitig cĩg lokihooak thõõth cĩnĩĩng. Nĩngĩtĩ ẽcẽbĩ Yeesu nẽ aꞌnyaktoothĩk Pĩlaatõ.

ꞌLuuka 18:33

Ma hatĩ urutaa cĩ waathinniook iyyio, arũgna hatĩ nẽẽ daahĩtha.”

ꞌLuuka 23:1

Nĩngĩtĩ ĩꞌngaannĩ lothippiti cĩ lokihoo vẽlẽk nẽ ootti Yeesu hĩ Pĩlaatõ.

ꞌLuuka 23:11

Nĩngĩtĩ uranganĩ Ẽrõõdẽ hĩ athegereeꞌnya cĩgĩnnĩg Yeesu nẽ odoomito thõng. Ma nĩngaata, itihimtẽẽhĩ cẽrẽm ꞌcĩ ẽllẽẽmĩthĩ ne iꞌthooyyik hõbõdõõthĩ hĩ Pĩlaatõ.

ꞌLuuka 23:35

Baa arannĩ makayyiooha cĩg eetuk Yeesu hẽbẽrẽẽnnĩĩ cĩg lothippit ꞌcĩ baa abĩlĩ nĩngaata aĩ, “Ma gõõng ẽẽla nẽẽ eet hõdõõkõthĩ, aꞌnyĩĩk thĩ da aattĩ hẽẽla ẽlẽ cĩnnĩ kõr nicci, hatĩ ĩĩn Krĩstõ ꞌcĩ ẽbẽra Nyekuci.”

Yõaannẽ 18:22

Ma baa uduha Yeesu thõõth icci, ikia atabaang bolitheeniti umwaa cĩ ꞌCieeth cĩ Nyekuci ĩnõõnnõ nẽ ĩĩnnĩk, “Hõllõngaa ꞌgõõl ꞌcĩ occa ẽdẽcĩ nii paadĩr cobbi nicciaani!”

Yõaannẽ 18:28

Ma baa ngaalloohoth ngerrenita, ĩtĩngaayyi eeta Yeesu õlõõ cĩ Kaĩava nẽ ootti ꞌcieethaa ꞌcĩ aayyi makayyioohiti cĩ ꞌRooma. Baa ereeyyi lothippiti cĩ eetu battaala. Hĩnĩngĩtĩ ma baa huduhun eet umwaa ĩĩttõõ, occa hinnia baa aku ĩĩn ꞌriiring nẽ iittiõõ eeta hõllõngaa ẽlẽmaakĩ ĩnõõnnõ hadak ꞌgẽẽn cĩ Kõr cĩ Haangittõõ.

Yõaannẽ 18:30

Ẽdẽcĩ nẽẽg aĩ, “Má hiittiõõ nẽẽ hõllõngaa ĩĩn eet ꞌcĩ ĩĩn ꞌloorriahit, occa hõllõngaa haꞌnyahaaki nganiita.”

Yõaannẽ 18:32

Baa edeeꞌnyia thõõth ciee, hátĩ hẽtẽrẽtha thooꞌthiok baag aduha Yeesu, hĩnĩngĩtĩ daahĩth ꞌcĩ hatĩ õkõ adaaknĩ nẽẽ hiita hĩĩtõ dĩdĩ.

Yõaannẽ 18:35

Nĩngĩtĩ aĩĩnnĩ Pĩlaatõ, “Aga nii ngaatĩ hõllõngaa hĩĩnnĩ naa ꞌJudeeinit! Eet cugunnig ẽmmẽn hĩ makayyiook cĩg paadĩrꞌnyaannu ꞌcĩg aꞌnyahaanni nganiit hĩ nganĩĩta. Ne baa ꞌcĩ ẽꞌthẽcani nii ho?”

Dtiicanĩ cĩg ꞌThooyyiahu 2:23

Baa aga Nyekuci muhẽẽnĩt ꞌcĩ aaꞌnyuung ngagiit Yeesu. Nẽ tarĩ, au hinnia aaꞌnyiku niig ꞌthẽccanniook hõtõddõõcõ ĩnõõnnõ hurucceea.

Dtiicanĩ cĩg ꞌThooyyiahu 3:13

Nyekuc cĩ Abũrahamĩ hĩ cĩ Iꞌthaako hĩ cĩ Yakobo, Nyekuc cĩ hĩbaangĩ cĩggaac ꞌcĩ aggatan dticciannioohit cĩnnĩ Yeesu baa õhõppõõcannu niig huruhi. Baa aburru niig Yeesu hẽbẽrẽẽnnĩĩ cĩg Pĩlaatõ, tananga baa adiim alahaneek Pĩlaatõ ĩnõõnnõ hũũk.