ꞌLuuka 18:31 - ꞌBuuk cĩ Thõõth cĩ Nyekuci

³¹ Ma ho, ũũhĩ Yeesu nuyyiook cĩgĩnnĩg ngadiiha nẽ ĩĩnnĩk, “Hõõ ꞌyioko hatĩ naag ꞌJeruꞌthalẽma nẽ õõ hatĩ edeeꞌnyia thooꞌthioha vẽlẽk baag ẽhẽẽd põrõvẽtaaꞌnya, hĩnĩngĩtĩ Ngeertĩ Eeto ĩĩca.

ꞌLuuka 18:31 ပူးပေါင်းရင်းမြစ်များ

Maatteeo 16:21

Nganĩngĩtĩ kõr tĩho, iꞌthianaaĩ Yeesu uduhaak nuyyiook cĩgĩnnĩg thõõth ꞌcĩ hatĩ adĩmanoothĩk ĩnõõnnõ. Baa aduhaak nẽẽ ĩhõõggõ anneek, “Adiim ꞌthẽk hõkõ naa ꞌJeruꞌthalẽma ngaatĩ hatĩ hõkõ haccananiini gẽrrẽẽt, athĩnĩĩ cĩg makayyioohu, hĩ ĩĩcĩg makayyiook cĩg paadĩrꞌnyaannu, hĩ ĩĩcĩg ꞌlimmanniook cĩg nyattal cĩ Mũũꞌtha. Aaꞌnya hatĩ nẽẽg nganĩĩt haccananĩ gẽrrẽẽt ũdũt. Haruhi hatĩ naana nẽ urutaa cĩ waathinniook iyyio, harũgna hatĩ naa daahĩtha tarĩ.”

Maatteeo 27:63

nẽ ĩĩttĩk, “Makayyioohit, hammuhooꞌtha naag thõõth baa aduha oloꞌngiaahiti nicciaa, baa nga arũgĩ aĩ, ‘Urutaa cĩ waathinniook iyyio, arũgna hatĩ nẽẽ daahĩtha tarĩ.’

Maarko 8:9

Baa ĩĩn eeta vẽlẽk aalibꞌnya ꞌwec, nĩngĩtĩ ĩꞌthõõĩkĩ nẽẽ ĩhõõggõ ꞌgõõl hõõt.

ꞌLuuka 10:30

Ma ho, ẽdtẽbanaak Yeesu ĩnõõnnõ dtẽẽllẽn ũgĩ anneek, “Baa aaĩ eet umwaa ꞌcĩ allũũcĩ kõr umwa ꞌJeruꞌthalẽma õkõ ĩĩcĩ ꞌJeriko. Ma ꞌgõõla, ommottio hĩ igorriaak. Ma nĩngaata, uukito igorriaaha ĩnõõnnõ hatawaal nẽ uppuruccia ceremwa, nĩngĩtĩ ũũnnĩkĩ nĩngaata.

ꞌLuuka 9:22

Ma nĩngaata, uduhaak Yeesu nuyyiook ĩĩnnĩk, “Accananni hatĩ Ngeertĩ Eeto ĩꞌthõng nẽ ũtũbũrĩt makayyiooha cĩg eetuk hĩ makayyiook cĩg paadĩrꞌnyaannu, hĩ ꞌlimmanniook cĩg nyattaalak nẽ hatĩ uruhi. Ma urutaa cĩ waathinniook iyyio, arũgna hatĩ nẽẽ daahĩtha.”

ꞌLuuka 9:51

Ma baa õbõhĩ kõrra ꞌcĩ odongiini Yeesu õkõõĩ hẽẽtahujjieen, ikia ĩrĩnyanoothĩk nẽẽ ngaatĩ õkõõĩ ꞌJeruꞌthalẽma.