ꞌLuuka 18:23 - ꞌBuuk cĩ Thõõth cĩ Nyekuci

²³ Ma athĩhĩ ꞌgaalacĩ ciee thõõth icci ho, ikia õmõthĩ gẽrrẽẽt, hĩnĩngĩtĩ baa ĩĩn nẽẽ eet ꞌcĩ aballi gẽrrẽẽt.

ꞌLuuka 18:23 ပူးပေါင်းရင်းမြစ်များ

Maatteeo 19:22

Ma baa athĩhĩ nyahaappanĩ nicciee thõõth cĩ Yeesu ho, ikia õmmõthĩ nẽẽ gẽrrẽẽt nĩngĩtĩ õkõõĩ, hĩnĩngĩtĩ baa aballi nẽẽ gẽrrẽẽt.

Maarko 10:22

Ma baa athĩhĩ ẽẽtĩ nicciee thõõth icci ho, uꞌngurruunyi muum cĩnnĩ nẽ ũtũhũĩ ũũk mothiitta, hĩnĩngĩtĩ baa aballi nẽẽ gẽrrẽẽt.

ꞌLuuka 12:15

Nĩngĩtĩ annẽẽkĩ lothippit, “Uꞌthuutti eleeti! Ma hainnu ngaam ngaam, hĩnĩngĩtĩ lõbõlõbẽẽꞌthĩt cĩ hẽlẽggĩ cĩg looc nicci. Aitiõõ ẽẽtĩ hõllõngaa arũgĩ, hĩnĩngĩtĩ baliinit cĩnnĩ.”

ꞌLuuka 18:22

Ma baa athĩhĩ Yeesu thõõth icci ho, ikia uduhaak ĩnõõnnõ ĩĩnnĩk, “Nga thĩ aitioonni nganiit ꞌgii hõdẽẽthõng tõõ, bĩĩt tũũõĩ ꞌgii vẽlẽk ꞌcĩ aꞌnyahi nẽ eꞌngereehu hullaha ꞌrabbẽẽta, nẽẽthĩ, ikia ũnũaa nganĩĩta nẽ hatĩ aꞌnyahu baliinit hẽẽtahujjieen.”

ꞌLuuka 18:24

Nĩngĩtĩ acĩnĩ Yeesu ĩnõõnnõ noho nẽ ĩĩ, “Hõlõ õkõm ngaatĩ occa adukni ballioohiti habuccieet cĩ Nyekuci!

ꞌLuuka 19:8

Ma urutaa cĩnnĩ, ĩtĩnga ꞌThakeeo ĩĩnnĩk Yeesu, “Makayyioohit, kõr nicci, hẽꞌngẽraahi hatĩ naa hullaha ijjio cĩgannĩg hõrggẽẽna nẽ má baa hõmmõdanaa eet umwa ꞌrabbẽẽta, hadũmani hatĩ ĩnõõnnõ tabattĩ ꞌwec.”

ꞌLuuka 21:34

“Aaut jurrung, ma hattumaniinnu ꞌgõõlaa ꞌcĩ ara aduunnu nẽ ĩdĩmattu thooꞌthiok ꞌcĩg abathĩ hĩ ngaatĩ apuppuddu, hĩnĩngĩtĩ rũgẽt cĩ looc nicci. Má adĩmannu noho, alubaakuung hinnia hatĩ kõrra ꞌcĩ decciaanĩt cĩ lootu nyahamalliak hĩ nyerite.

ꞌLuuka 8:14

“Nẽ tarĩ hinyomona ꞌcĩg ĩꞌthanothoothĩk bĩllanĩtõõ ho, ĩthakꞌthoothĩk eet ꞌcĩg athĩhĩ thõõth cĩ Nyekuci nẽ ikia atalmaanyan baliiniti ĩhõõggõ hataarriothĩ thõõth.

Eevvetho 5:5

Hĩnĩngĩtĩ thooꞌthiok iccig agaac jurrung ĩĩtõ, aitiõõ ẽẽtĩ ꞌcĩ adĩman hẽlẽggĩ ꞌcĩg ĩĩn ꞌriiring hode ẽẽtĩ ꞌcĩ aĩ ngaam ngaam, hõllõngaa hatĩ arigith ꞌgiimwa habuccieetaa cĩ Krĩstõ hĩ ĩcĩ Nyekuci, hĩnĩngĩtĩ ala eet ꞌcĩ aaĩ hoti, hẽlẽggĩ ꞌcĩg aar eeta hĩĩtõ nyekuꞌnya.

Pilippi 3:8

Nẽ dĩdĩ, ĩllõõan thõõth ꞌcĩ hagaĩ Makayyioohit Yeesu Krĩstõ ꞌgii vẽlẽk. Ĩnõõ baa hacĩnĩ naa hẽlẽggĩ vẽlẽk hĩ tahaha haaga, hátĩ hũnũ Krĩstõ,

Kolooꞌthe 3:5

Nẽẽthĩ hoti ho, ũtũngteek thooꞌthiok ꞌcĩg ĩĩn ꞌriiring ꞌcĩg abũraneek eleeti cugguung. Thooꞌthiok ꞌcĩg aattĩg hĩcĩg attihõõnĩ eeta tahatak, muhẽẽnĩt cĩ thooꞌthiok ꞌcĩg ĩĩn ꞌriiring, thõõth ꞌcĩ abũraneeku thooꞌthiok ꞌcĩg abathĩ, hode ma hainnu ngaam ngaam, aduhoo thooꞌthioha cieeg hĩ ngaatĩ alayyu nyekuꞌnya ꞌcĩg hõllõngaa ĩĩn dĩdĩ thõng.

1 Yõaannẽ 2:15

Nẽẽthĩ hoti ho, ma hammĩnannu looc nicci hode hẽlẽggĩ cĩg looc nicci. Hĩnĩngĩtĩ má ammĩnannu niig looc nicci, aitiõõ thĩ hõllõngaa occa ammĩnannu Baangeet.