ꞌLuuka 18:22 - ꞌBuuk cĩ Thõõth cĩ Nyekuci

²² Ma baa athĩhĩ Yeesu thõõth icci ho, ikia uduhaak ĩnõõnnõ ĩĩnnĩk, “Nga thĩ aitioonni nganiit ꞌgii hõdẽẽthõng tõõ, bĩĩt tũũõĩ ꞌgii vẽlẽk ꞌcĩ aꞌnyahi nẽ eꞌngereehu hullaha ꞌrabbẽẽta, nẽẽthĩ, ikia ũnũaa nganĩĩta nẽ hatĩ aꞌnyahu baliinit hẽẽtahujjieen.”

ꞌLuuka 18:22 ပူးပေါင်းရင်းမြစ်များ

Maatteeo 19:21

Ẽdẽcĩ Yeesu ĩnõõnnõ anneek, “Má adiimi ĩĩ eet ꞌcĩ abũnnaa, bĩĩt tũũõĩ hẽlẽggĩ vẽlẽk ꞌcĩg aꞌnyahi! Nẽ aaꞌnyĩhuu ꞌrabbẽẽt eet ꞌcĩg appĩĩrna nẽ thĩ hatĩ ũmmũda baliinit hẽẽtahujjieen. Nẽ thĩ ikia ũnũwaa nganĩĩta.”

ꞌLuuka 10:42

ꞌGii hõdẽẽthõng dioo ꞌcĩ aaddi, ẽbẽra Maria ꞌgii tĩho, nẽ ꞌthẽk aitiõõ hatĩ hõllõngaa aggammiaa hĩ ĩnõõnnõ ũdũt.”

ꞌLuuka 12:33

Utuuyyiõĩ ijjio cugguung nẽ aanytĩhu ꞌrabbẽẽt pĩĩrnattiaak. Aꞌnyĩĩk baliinit cunuung hitiangĩthĩ hẽẽtahujjieen ngaatĩ occa hõllõngaa igorꞌthiini nẽ iittiõõ ꞌthõrõhõnyĩta ꞌcĩg adak tõõ.

ꞌLuuka 16:9

Haduhaakuunga, akattiaaĩ baliinit cĩ looc nicci ꞌgõnnaꞌthẽẽt hĩ eet cĩg looc nicci, hátĩ ma edeccia baliiniti cĩ looc nicci, ẽlẽmaakuung hatĩ Nyekuci uduhunit halang ꞌcĩ aalla ooo.

ꞌLuuka 18:21

Ẽdẽcĩ hinnia ꞌgaalacĩ nicciee aĩ, “Hũnũũhĩha naa ngaatĩ haꞌthũũnnĩ thooꞌthiok iccig vẽlẽk nganĩngĩtĩ hĩĩnnĩ hĩdĩca.”

ꞌLuuka 18:23

Ma athĩhĩ ꞌgaalacĩ ciee thõõth icci ho, ikia õmõthĩ gẽrrẽẽt, hĩnĩngĩtĩ baa ĩĩn nẽẽ eet ꞌcĩ aballi gẽrrẽẽt.

ꞌLuuka 9:23

Ma ho, uduhaak ĩhõõggõ vẽlẽk ĩĩnnĩk, “Ẽẽtĩ ꞌcĩ adiim anũyya nganĩĩta, aꞌnyĩĩk hẽlẽmana ẽlẽ cĩnnĩ nẽ irriongan hurucce cĩnnĩ nẽ ũnũaanĩ.

Pilippi 3:13

ꞌGotoonoga hĩ ngoonoga, nga hẽdẽcaak naa dtiic icci, nẽẽthĩ ꞌthẽk, nga hodonnoothihi noho. Hataarothi hẽlẽggĩ ꞌcĩg allacattĩ nẽ hĩrrĩcanaa ꞌcĩg nga aattiyyiaa ĩĩcĩ oou.

2 Pẽẽtũrũ 3:8

Nẽẽthĩ, ꞌgotoonoga hĩ ngoonoga, ma hataarroꞌthu thõõth icci. Hĩ Makayyioohit, aduhõõ kõrra hõdẽẽthõng hĩ irkiꞌnyia aalib hõdẽĩ thõng nẽ irkiꞌnyia aalib hõdẽĩ, aduhõõ hĩ kõr hõdẽẽthõng thõng.