ꞌLuuka 18:17 - ꞌBuuk cĩ Thõõth cĩ Nyekuci

¹⁷ Haduhaakuung dĩdĩ, ẽẽtĩ ꞌcĩ hõllõngaa ẽlẽmĩ habuccieet cĩ Nyekuci hĩ lohollia cieegi, aitiõõ hatĩ nẽẽ hõllõngaa aduhun habuccieet cĩ Nyekuci ũdũt.”

ꞌLuuka 18:17 ပူးပေါင်းရင်းမြစ်များ

Maatteeo 18:3

Nẽ uduhaak Yeesu ĩhõõggõ ĩĩnnĩk, “Haduhaakuung dĩdĩ, ma hõllõngaa oboddu niig eleeti aaut hĩ lohollia ꞌcĩg hidiciẽẽgĩ, hõllõngaa hatĩ aduhunnu habuccieet cĩ hẽẽtkujjieen.

Maatteeo 19:14

Ẽdẽcĩ Yeesu ĩhõõggõ anneek, “Aꞌnyĩĩk lõhõlĩ ꞌcĩg kidicig hiita hĩ nganĩĩta, ma habĩllu ĩhõõggõ! Eet ꞌcĩg aattĩg hĩ lohollia cieeg kidicig ko, ꞌcĩg ĩĩn eet cĩg habuccieet cĩ hẽẽtkujjieen.”

Maarko 10:15

Haduhaakuung naa ngagiit thõõth dĩdĩ, má hõllõngaa ẽlẽmĩ ẽẽtĩ habuccieet cĩ Nyekuci haau hĩcĩ ẽlẽmĩ loholeec ꞌcĩ hidiciẽẽnĩ, aitiõõ hatĩ hõllõngaa aduhun nẽẽ habuccieet cĩ Nyekuci ũdũt.”

ꞌLuuka 18:16

Aũ hinnia Yeesu lõhõlĩ nẽ ĩĩ, “Aanytĩk lõhõlĩ ꞌcĩg hidicig ko hiita hĩ nganĩĩta, ma halaammu, hĩnĩngĩtĩ ĩĩn habuccieet cĩ Nyekuci cĩ eet ꞌcĩg aattĩg hĩ ꞌyioko nẽẽg ko.

1 Korinthia 14:20

ꞌGotoonoga hĩ ngoonoga, ma haꞌnyaku muhẽẽnĩt hĩ lohollia ꞌcĩg hidicẽẽgĩ. Nẽ thõõthaa ꞌcĩ abathĩ, ĩmmĩrĩt aaut hĩ ĩdõlẽẽta nẽẽthĩ, muhẽẽttaa cunuung, aꞌnyahit muhẽẽnĩt hĩ eeta ꞌcĩg obbitẽẽgĩ.

1 Pẽẽtũrũ 1:14

Aaut ꞌthẽk hĩ lohollia cĩg Nyekuci ꞌcĩg athĩknĩ. Ma nga hobodoothĩku thooꞌthiok baag ꞌrẽẽttĩg abathĩ, baa gõõng adĩmannu niig baa nga erekuung thõõtha.

1 Pẽẽtũrũ 2:2

Aaut hĩ ĩdõlẽẽta ꞌcĩg adiim ira ꞌcĩg tẽllĩg ꞌcĩg au hĩ Nyekuc diooni, ꞌcĩ occa eelluung ngagiit ĩtĩlĩthĩt elliaattaa cunuung,