ꞌLuuka 18:13 - ꞌBuuk cĩ Thõõth cĩ Nyekuci

¹³ “Baa hinnia abĩllaa luttioohiti cĩ occoro ho ꞌrẽẽna, akannĩ hẽbẽrĩ looc, hĩnĩngĩtĩ aga ngaatĩ ĩĩnĩ ꞌthẽccannioohit ꞌcĩ hõllõngaa occa ũũppan ngaatĩ acĩnõõꞌthĩ hẽẽtkujjieen. Nĩngĩtĩ ĩddaaĩ ĩyyõ nẽ alaõ ĩĩ, ‘Nyekuc, tamaatĩhaa nganĩĩt ꞌthẽccannioohit.’ ”

ꞌLuuka 18:13 ပူးပေါင်းရင်းမြစ်များ

Maatteeo 10:3

Pilippo hĩ Bartolomeeo, Tomaaꞌthio hĩ Maatteeo baa ĩĩn eet ꞌcĩg alũt occoro, ꞌJeemith ngeertĩ Aliveo, hĩ Tadeeo;

Maatteeo 6:5

“Nẽ má alaiinnu, ma hattiyyu hĩ oloꞌngiaaha aag gõõng ammĩnan ngaatĩ alaiini abĩllĩ ꞌjieena ꞌCieethinii cĩg Laiittak hĩ ꞌgoolliohĩ ngadihẽẽtĩ, aĩ hátĩ hĩcĩtteet eeta. Haduhaakuung dĩdĩ, ũdũmattĩ nẽẽg ẽlẽk.

Maatteeo 9:13

Õõt da nõõ umuddia thõõth baa aduha ꞌBuuhi cĩ Nyekuci aĩ, ‘Haccamanaa naa tamaati, hõllõngaa haccamanaa ꞌgaarrieenit,’ hadiimmuung naa ngagiit atamaatĩk ꞌgoonogu. Baa hõllõngaa hakuu naa hikia hũtũvva eet ꞌcĩg abũnnaa. Hakuu naa havva ꞌthẽccanniook.”

Maarko 11:25

Nẽẽthĩ má alaiinnu, atamaattik nõõ eet ꞌcĩg adĩmannuung ngagiit ꞌbuth, hátĩ hatamaatihuung Maaꞌnyu ꞌcĩ aaĩ hẽẽtahujjieen ngagiit buúk, hĩnĩngĩtĩ ꞌthẽccanẽẽt cugguung.

ꞌLuuka 17:12

Ma õkõ aduhun õlõ umwa ho, ammũdoothĩk hinnia eet õmmõtõ ꞌcĩg adak helleggeri. Baa abĩllaa eeta tĩko ꞌrẽẽna

ꞌLuuka 22:41

Nĩngĩtĩ ẽẽjẽhĩ Yeesu õkõõĩ ngadiiha hĩdĩĩc nẽ akat huruꞌnyia nẽ alaõ ĩĩ,

ꞌLuuka 23:48

Ma baa alũtoothĩk eeta nĩngaata nẽ ĩcĩnĩt thõõth ꞌcĩ abathĩ ho, iita ommoꞌthi gẽrrẽẽt, nĩngĩtĩ õõyyĩ olooyyiohĩ.

ꞌLuuka 5:8

Ma baa acĩn ꞌThimõõnẽ ꞌcĩ haĩ ꞌthaar ũgĩ Pẽẽtũrũ thõõth icci ho, akat huruꞌnyia muumaa cĩ Yeesu nẽ ĩĩ, “Makayyioohit, ma hakuu hõbõktõ hĩ nganĩĩta, hĩnĩngĩtĩ hĩĩnĩ naa ꞌthẽccannioohit.”

Dtiicanĩ cĩg ꞌThooyyiahu 2:37

Ma baa athĩhĩ eeta thõõth icci ho, ommoꞌthi gẽrrẽẽt nẽ ĩĩttĩk Pẽẽtũrũ hĩ ꞌthooyyiak ũgĩ, “ꞌGotoonoga, hĩdĩmatta ꞌyioko hutuno?”

ꞌRooma 5:8

Nẽẽthĩ eteretheeheet Nyekuci ngagĩĩt mĩnnan cĩnnĩ ꞌgõõlaa ĩĩcĩ, baa nga hĩĩgĩn naag ꞌthẽccanniook, ikia adaak Krĩstõ, hĩnĩngĩtĩ ngagĩĩta.

2 Korinthia 7:11

Nẽ ĩcĩnĩt dako nõõ ꞌgii ꞌcĩ adtican Nyekuci ngaatĩ aꞌnyahaakuung ngagiit mothiinit. Adiim ẽtẽrꞌthaannu niig dĩdĩ, ngaatĩ ammĩrru niiga. Alĩĩlĩyyu niiga, akuleeku niig ꞌjieen nẽ ũmũyanuung ngaatĩ acinnu thõõth ꞌcĩ ĩĩn dĩdĩ ngaatĩ adticaniini nẽ etereꞌthiaau iittu, aũlannu niig thõõthaa cĩ vẽlẽk dĩdĩ.

1 Timotteeo 1:15

Ĩĩn thõõth ciee thõõth dĩdĩ ꞌcĩ occa hẽlẽmĩ dĩdĩ. Baa aku Yeesu Krĩstõ loota nĩnga, hátĩ hẽẽla ꞌthẽccanniook nẽ ꞌthẽccannioohit umwa naa buúk ꞌcĩ baa habathi gẽrrẽẽt.

Ebereei 4:16

Hõõt naag vẽlẽk dtaaba cĩ bulẽẽttõ cũrũmũũm, hátĩ hummuddia tamaati hĩ bũnnai ꞌcĩ eelleet nẽẽ ngagĩĩt, hatĩ hadiim eliinit.

Ebereei 8:12

Nẽ hammaannihi hatĩ naa ꞌthẽccanẽẽt cĩggĩĩng nẽ hataarotha ꞌthẽccanẽẽt tĩko ũdũt.”