ꞌLuuka 18:11 - ꞌBuuk cĩ Thõõth cĩ Nyekuci

¹¹ Õkõ alayyi Variꞌtheeniti ꞌjieena aĩ, ‘Nyekuc, hanneekii ĩlaallẽ, hĩnĩngĩtĩ aitiõõ naa hõllõngaa haaĩ hĩ eeta ũgẽẽgĩ. Aitiõõ naa hõllõngaa hĩgõrꞌthĩ nẽ hõllõngaa hĩĩnĩ lobolobbiaahit nẽ hõllõngaa hattihi ngaaĩ cĩg eetuk nẽ tarĩ hõllõngaa ꞌthẽk haaĩ hĩ luttioohiti cĩ occoro ho.

ꞌLuuka 18:11 ပူးပေါင်းရင်းမြစ်များ

Maatteeo 10:3

Pilippo hĩ Bartolomeeo, Tomaaꞌthio hĩ Maatteeo baa ĩĩn eet ꞌcĩg alũt occoro, ꞌJeemith ngeertĩ Aliveo, hĩ Tadeeo;

Maatteeo 5:20

Haduhaakuung dĩdĩ, má ꞌthẽk hõllõngaa anuyyu tilooinit cĩ Nyekuci jurrung ĩllõõanit Variꞌtheei hĩ ꞌlimmanniook cĩg Nyattaalak, hõllõngaa hatĩ aduhunnu habuccieet cĩ hẽẽtkujjieen ũdũt!”

Maatteeo 6:5

“Nẽ má alaiinnu, ma hattiyyu hĩ oloꞌngiaaha aag gõõng ammĩnan ngaatĩ alaiini abĩllĩ ꞌjieena ꞌCieethinii cĩg Laiittak hĩ ꞌgoolliohĩ ngadihẽẽtĩ, aĩ hátĩ hĩcĩtteet eeta. Haduhaakuung dĩdĩ, ũdũmattĩ nẽẽg ẽlẽk.

Maarko 11:25

Nẽẽthĩ má alaiinnu, atamaattik nõõ eet ꞌcĩg adĩmannuung ngagiit ꞌbuth, hátĩ hatamaatihuung Maaꞌnyu ꞌcĩ aaĩ hẽẽtahujjieen ngagiit buúk, hĩnĩngĩtĩ ꞌthẽccanẽẽt cugguung.

ꞌLuuka 20:47

Ĩĩn nẽẽg eet ꞌcĩg arratana ngaatĩbõyyĩꞌnya ꞌcieethi nẽ ara agurreek laiinit ĩꞌthõng, hĩnĩngĩtĩ adiim ẽtẽrꞌtha eleeti. Uuki hatĩ eeta ꞌcĩg aattĩg noho gẽrrẽẽt ũdũt.”

ꞌLuuka 22:41

Nĩngĩtĩ ẽẽjẽhĩ Yeesu õkõõĩ ngadiiha hĩdĩĩc nẽ akat huruꞌnyia nẽ alaõ ĩĩ,

ꞌGalaaꞌthia 3:10

Nẽ accĩĩn hatĩ Nyekuci eet ꞌcĩg anũ nyattal cĩ Mũũꞌtha, hĩnĩngĩtĩ eheeddi ꞌBuuhaa cĩ Nyekuci aĩ, “Accĩĩn hatĩ Nyekuci eeta vẽlẽk ꞌcĩg hõllõngaa aalla anũ thõõth vẽlẽk ꞌcĩ eheeddi ꞌBuuhaa cĩ Nyattaalõ.”

Pilippi 3:6

Nẽ baa hẽmmẽdaanĩ naa ngaatĩ hẽhẽcĩ lothippit cĩ lemmiook cĩg Krĩstõ ũgĩ nẽ huruha ũgĩ. Baa hadĩmani naa thooꞌthiok vẽlẽk ꞌcĩg adiim nyattalĩ jurrung hammuhi hinnia haini, hátĩ haccamanoothĩk Nyekuci.

Terethiinit 3:17

Ainnu habaliinna nẽ haꞌnyaka ꞌgii vẽlẽk nẽ hõllõngaa adiimmu ꞌgiimwa tarĩ nẽ hõllõngaa adtuuhannu tamaati cunuung, ammaannu niig iiginnu hullaha, nẽ iittu rubettĩg nẽ aauttu ngũtũtũũny.