ꞌLuuka 17:6 - ꞌBuuk cĩ Thõõth cĩ Nyekuci

⁶ Ẽdẽcĩ Yeesu ĩhõõggõ anneek, “ꞌYioko ꞌthẽk hĩĩ ꞌcĩ aꞌnyaku lemiinit ꞌcĩ hidici ꞌcĩ ĩĩkĩ hinyomooc ꞌcĩ mĩllĩꞌnyĩ, occa ꞌthẽk uuluyyu ngaatĩ anneeku ꞌmũũnĩc nicci, ‘ꞌButtannia bĩĩt tiboolanĩ bũlũcatõõ.’ Occa ꞌthẽk athiknuunga.”

ꞌLuuka 17:6 ပူးပေါင်းရင်းမြစ်များ

Maatteeo 14:29

Ẽdẽcĩ Yeesu ĩnõõnnõ anneek, “Tooyyia ijjia!” Nĩngĩtĩ ĩꞌngõthaanĩ Pẽẽtũrũ haahũla battaala nẽ õtõ maamĩ hujjieen ũũk ĩĩcĩ aayyi Yeesu.

Maatteeo 17:20

Ẽdẽcĩ Yeesu ĩhõõggõ anneek, “Aꞌnyamannuung ngagiit lorii ꞌcĩ abathĩ, hĩnĩngĩtĩ aitiõõ ngagiit lemiiniti tõõ! Nẽẽthĩ haduhaakuung dĩdĩ, má aꞌnyahit lemiinit ꞌcĩ hidici ꞌcĩ ĩĩkĩ buraacit ꞌcĩ dĩppĩlĩ, occa ꞌthẽk anneeku muur icci, ‘Tĩnga nĩnga bĩĩt ĩĩca,’ ĩꞌngaathĩ ꞌthẽk hatĩnĩ. Aitiõõ hatĩ thõõth ꞌcĩ aꞌnyamannuung ngagiit tõõ.”

Maatteeo 21:21

Nĩngĩtĩ aduhaakĩ Yeesu ĩhõõggõ annẽẽkĩ, “Má aꞌnyaku niig lemiinit nẽ hõllõngaa ĩccaaddu thõõth umwa, haduhaakuung dĩdĩ, occa adĩmannu thõõth ꞌcĩ hadĩmaneehi naa ꞌmũũnĩc icci ho, nẽ occa adĩmannu thõõth ꞌcĩ ĩllõõan buúk. ꞌYioko ꞌthẽk uduktaak muur icci hĩbĩllĩĩngothoothĩk bũlũc cobbi, occa adĩmanĩ.

Maarko 4:31

Aaĩ nẽẽ hĩ hinyomooc ꞌcĩ dĩppĩlĩ ꞌcĩ athacoothĩk ꞌthẽẽmĩtõõ. Ĩĩn hinyomooc ꞌcĩ hidici gẽrrẽẽt loota nĩnga vẽlẽk.

Maarko 9:23

Ẽdẽcĩ Yeesu ĩnõõnnõ anneek, “Inni nii ĩnnĩhaa nganĩĩt occa adĩmani ꞌgiimwa ho? Ammũjĩ hẽlẽggĩ vẽlẽk hĩ eet ꞌcĩ aꞌnyak lemiinit.”

ꞌLuuka 13:19

Aaĩ habuccieet cĩ hẽẽtkujjieen hĩ hinyomooc ꞌcĩ dĩppĩlĩ ꞌcĩ atiboolan ẽẽtĩ manatõõ nẽ ĩtĩlĩtha hĩĩ hẽẽt ꞌcĩ maka nẽ iita õlõmattĩ hĩbaallĩ taba cĩgĩnnĩg.”

ꞌLuuka 17:7

Ma ho, ijin Yeesu ꞌthooyyiak cĩggĩĩng ĩĩnnĩk, “ꞌYioko hĩĩ ꞌcĩ aꞌnyahĩ ẽẽtĩ umwaa hõrggẽẽnaa cunuung dticciannioohit ꞌcĩ akannĩ manatõõ, hode ꞌcĩ ũũha hẽlẽggĩ, ĩcca occa anneek ĩnõõnnõ hatĩ õbõda, ‘Deccia ijjia hudukto?’

ꞌLuuka 19:4

Nĩngĩtĩ avviri õkõõĩ ĩĩcĩ oou nẽ ũũk õtõd hẽẽt, hátĩ hĩcĩn Yeesu, hĩnĩngĩtĩ baa õkõ Yeesu ĩĩcĩ ꞌgõõl tĩho.

ꞌLuuka 7:13

Ma baa adtuuha Yeesu Makayyioohiti ngaatĩbõyyĩ tĩho ho, atamaatĩk ĩnõõnnõ nẽ ĩĩnnĩk, “Ma halu.”

ꞌLuuka 7:19

nẽ ĩꞌthõ hõõt hijinit Makayyioohit Yeesu hĩĩttĩk, “Nganiit baa aĩ occa hatĩ akuuni? Hode occa nga hẽrẽẽyya eet umwa?”

1 Korinthia 13:2

Má haꞌnyahi naa ꞌbaaninit ꞌcĩ haduhaanĩ thooꞌthiok cĩg horumwa hĩ gaiinit cĩ thooꞌthiok vẽlẽk ꞌcĩg hõllõngaa agayyi nẽ má haꞌnyahi lemiinit ꞌcĩ occa aaꞌnyĩk muurriok hõtõmõõcõ nẽ aitioonna mĩnnanĩ tõõ, hĩĩnĩ ꞌgiimwa haaga.