ꞌLuuka 17:30 - ꞌBuuk cĩ Thõõth cĩ Nyekuci

³⁰ “Aaĩ ꞌthẽk hatĩ hoti buúk kõr ꞌcĩ uppwaannanĩ Ngeertĩ Eeto.

ꞌLuuka 17:30 ပူးပေါင်းရင်းမြစ်များ

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

Maatteeo 24:3

Ma baa urutaa cĩnnĩ, baa nga iccioloongan Yeesu loota ũbũtaa cĩ Muur cĩ Olivi, iita ummuddioothĩk nuyyiooha cĩgĩnnĩg ĩnõõnnõ ẽmmẽn nẽ ijinit ĩĩttĩk, “Adĩmanni hatĩ thõõth ciee hatĩngaan? Ne hatĩ ꞌcĩ ẽtẽrꞌtha aĩ, akuu hatĩ niina, hĩ decciaanĩt cĩ lootu?”

Maatteeo 24:37

Ma hatĩ õbõda Ngeertĩ Eeto, aattĩg hatĩ eeta hĩ baa waathinniook baag Nõõa.

Maatteeo 24:39

Baa hõllõngaa aga nẽẽg ꞌgii ꞌcĩ hatĩ aku, ĩꞌthõng hikia tawanĩ cobbi hittik eet vẽlẽk. Aaĩ hatĩ noho, kõr ꞌcĩ hatĩ akuuni Ngeertĩ Eeto.

Maatteeo 26:64

Ẽdẽcĩ Yeesu aĩ, “Eei, aaĩ hĩcĩ aduha nii ho. Nẽẽthĩ, haduhaakuung ngagiit vẽlẽk, horumwa acinnu hatĩ niig Ngeertĩ Eeto iccioloongan attiaa cobbi ĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Maarko 13:26

“Ma kõr tĩho, edeenyothi hatĩ eeta Ngeertĩ Eeto ngaatĩ alluuccianĩ diiꞌthiohĩtõõ makaaꞌthĩtaa cobbi hĩ bulẽẽtta.

ꞌLuuka 17:24

Hĩnĩngĩtĩ aaĩ hatĩ kõrra ꞌcĩ akuuni Ngeertĩ Eeto hĩ tammu ꞌcĩ ammadĩ nẽ ũttũhũl hẽẽtkujjieen hĩ looc vẽlẽk.

ꞌLuuka 17:29

Ma baa kõr ꞌcĩ ĩꞌngaannĩ Lõõtĩ ꞌThõõdõma ho, udhukia ꞌgwaa ꞌcĩ aaburii padtahac hẽẽtahujjieen nẽ ũtũũth ĩhõõggõ vẽlẽk hĩĩ lõõcĩ ꞌthĩĩ.

ꞌLuuka 21:22

Hĩnĩngĩtĩ ĩĩn ciee kõr ꞌcĩ ukẽẽnĩt ꞌcĩ hatĩ aku hĩ baa eheeddi ꞌBuuhaa cĩ Nyekuci baarkit.

ꞌLuuka 21:27

Ma kõr tĩho, edeenyothi hatĩ eeta Ngeertĩ Eeto ngaatĩ alluuccianĩ diiꞌthiohĩĩ cĩg hẽẽtkujjieen, makaaꞌthĩta hĩ bulẽẽttaa cobbi.

1 Korinthia 1:7

Nẽẽthĩ hoti ho, aꞌnyaku niig ꞌbaaninit cĩ Loriio nga ereeinnu taliitta, huppwaanna Makayyioohiti cĩnaac Yeesu Krĩstõ.

1 Korinthia 1:8

Aaꞌnyuung hatĩ nẽẽ ngagiit ittiranit ĩꞌthõng kõr ꞌcĩ hatĩ õbõdaanĩ nẽẽnĩ, hátĩ ĩmmĩrĩt niig kõrraa cĩ Makayyioohit cĩnaac Yeesu Krĩstõ.

Kolooꞌthe 3:4

Ma õbõda Krĩstõ ꞌcĩ aaꞌnyuung ngagiit ũrũgĩt ko, au hatĩ arũmeennu niig hĩ ĩnõõnnõ bulẽẽtta.

2 Tẽꞌthaloonika 1:7

nẽẽthĩ, õõgannuung hatĩ nẽẽ ngagiit ꞌcannaanaa cunuung. Nẽ õõganneet hatĩ ngagĩĩt buúk, hatĩ õbõda Makayyioohiti Yeesu hẽẽtahujjieen, ookorria hĩ aajĩlẽẽt cĩgĩnnĩg ꞌcĩg attiranĩ,

1 Pẽẽtũrũ 1:13

Aaut dĩkĩĩm nẽ aanytĩk muhẽẽnĩt cunuung hũũlan. Aarrik muhẽẽnĩt cunuung ꞌcĩ abũnnaa vẽlẽk ꞌgõõlaa ꞌcĩ hatĩ ĩĩnnĩ Nyekuci tarbal hĩ ngagiit hatĩ uppwaanna Yeesu Krĩstõ.

1 Pẽẽtũrũ 1:7

Ẽtẽrꞌtha hatĩ ꞌtĩmmanĩ ciee ngaatĩ ĩĩnnĩ lemiiniti cunuung dĩdĩ. Attĩmanni hatĩ lemiiniti cunuung hĩ ꞌdaabĩ ꞌcĩ attĩmanni ꞌgwoyyia, tananga tiir lemiiniti cunuung gẽrrẽẽt hĩllõõan ꞌdaab ꞌcĩ occa aduhoothĩk haaga. Nẽẽthĩ, má aalla õkõmmĩ lemiiniti cunuung hatĩ attĩmanni ꞌtĩmmaanaa ꞌcĩ maka, occa hatĩ aꞌnyahaakuung ngagiit dĩhĩthẽẽnĩt hĩ bulẽẽnĩt ꞌcĩ maka kõr ꞌcĩ akuuni Yeesu Krĩstõ.

1 Pẽẽtũrũ 4:13

Accamattoothĩk ngaatĩ accananiinnu hĩ baa Krĩstõ. Akũmaneekuung hatĩ ꞌcannani ciee ngagiit umuddia taliinit ꞌcĩ maka, hatĩ õbõda nẽẽ bulẽẽttaa cĩnnĩ.

1 Yõaannẽ 2:28

Niig lohollia, aallattia ũrũmtĩ hĩ Krĩstõ ꞌthinneetinitõõ cugguung. Nẽ ma õbõda nẽẽnĩ, õkõmĩ hatĩ ꞌthinneeti cugguung nẽ iittiõõ thõõth ꞌcĩ aguꞌtheennu ngaaoniitta tõõ.

1 Yõaannẽ 3:2

ꞌGotoonoga hĩ ngoonoga, hĩĩtõ naag lõhõlĩ cĩg Nyekuci ẽlẽk, nẽẽthĩ hinnia, nga heteretheeheet nẽẽ ngagĩĩt ꞌgõõl ꞌcĩ hatĩ haattiyyi, hatĩ uppwaanna Krĩstõ. Nẽẽthĩ, haga naag haĩ, haattĩg hatĩ naag hĩ nẽẽnĩ, hĩnĩngĩtĩ hacĩn hatĩ naag ĩnõõnnõ dẽẽdẽ.

Terethiinit 1:7

Ĩcĩnĩt da ꞌyioko! Õõkõra nẽẽ hĩ diith hẽẽtahujjieen, acĩn hatĩ eeta vẽlẽk ĩnõõnnõ, nẽ ꞌthẽk adtuuha hatĩ eeta baag acuhan ĩnõõnnõ buúk. Alu hatĩ eeta vẽlẽk loota nĩnga ĩnõõnnõ. Dĩdĩ, aaĩ hatĩ thõõth cieeni! Aamẽn.