ꞌLuuka 17:3 - ꞌBuuk cĩ Thõõth cĩ Nyekuci

³ Ebehit eleeti cugguung jurrung. “Nẽ má adĩman ꞌgotonu ꞌthẽccan, ꞌgerenyeek. Nẽ má ũtũngeek ꞌthẽccan cĩnnĩ ho, tamaatĩk ĩnõõnnõ.

ꞌLuuka 17:3 ပူးပေါင်းရင်းမြစ်များ

Maatteeo 18:21

Ma ho, ikia ũmmũdaak Pẽẽtũrũ Yeesu nẽ ijin ĩĩnnĩk, “Makayyioohit, occa hammaannihi naa ꞌgõtõna ꞌcĩ adĩmannaa nganĩĩt ꞌbuth tabattĩ thõng, tabattĩ tũkĩramma?”

ꞌLuuka 21:34

“Aaut jurrung, ma hattumaniinnu ꞌgõõlaa ꞌcĩ ara aduunnu nẽ ĩdĩmattu thooꞌthiok ꞌcĩg abathĩ hĩ ngaatĩ apuppuddu, hĩnĩngĩtĩ rũgẽt cĩ looc nicci. Má adĩmannu noho, alubaakuung hinnia hatĩ kõrra ꞌcĩ decciaanĩt cĩ lootu nyahamalliak hĩ nyerite.

Eevvetho 5:15

Nẽẽthĩ, ĩcĩnĩt authet ꞌcĩ aattiyyu jurrung. Ma haattiyyu hĩ ꞌgiiꞌthiaha, aaut hĩ ꞌgeeꞌnyiaha.

Ebereei 12:15

Uꞌthuutti eleeti cugguung, hátĩ hiittiõõ ẽẽtĩ ꞌcĩ abacĩ bũnnai ꞌcĩ ẽllẽẽmĩth cĩ Nyekuci tõõ. Ma haaꞌnyiku eet umwa hĩlĩĩlĩ nẽ ĩkõõthahuung thooꞌthiok ꞌcĩg abathĩ.

ꞌJeemith 5:19

ꞌGotoonoga hĩ ngoonoga, má baa arahan eet umwaa hõrggẽẽnaa cunuung thõõthaa ꞌcĩ ĩĩn dĩdĩ, immiirria ĩnõõnnõ.

2 Yõaannẽ 1:8

Ĩcĩnĩt jurrung, hátĩ hiittiõõ hõllõngaa ammanyannu thõõth baa hadticaniini gẽrrẽẽt haĩ hummuddiaaĩ dũman ko. Idticattõ gẽrrẽẽt, hátĩ ummudia dũman hũtũrũũr.