ꞌLuuka 17:25 - ꞌBuuk cĩ Thõõth cĩ Nyekuci

²⁵ Nẽẽthĩ, nga hĩdĩmanĩ thõõth cieeni, accananni nõõ hatĩ nẽẽ gẽrrẽẽt nẽ ũtũbũrĩt eeta cĩg irkiꞌnyia niccig.

ꞌLuuka 17:25 ပူးပေါင်းရင်းမြစ်များ

Maatteeo 16:21

Nganĩngĩtĩ kõr tĩho, iꞌthianaaĩ Yeesu uduhaak nuyyiook cĩgĩnnĩg thõõth ꞌcĩ hatĩ adĩmanoothĩk ĩnõõnnõ. Baa aduhaak nẽẽ ĩhõõggõ anneek, “Adiim ꞌthẽk hõkõ naa ꞌJeruꞌthalẽma ngaatĩ hatĩ hõkõ haccananiini gẽrrẽẽt, athĩnĩĩ cĩg makayyioohu, hĩ ĩĩcĩg makayyiook cĩg paadĩrꞌnyaannu, hĩ ĩĩcĩg ꞌlimmanniook cĩg nyattal cĩ Mũũꞌtha. Aaꞌnya hatĩ nẽẽg nganĩĩt haccananĩ gẽrrẽẽt ũdũt. Haruhi hatĩ naana nẽ urutaa cĩ waathinniook iyyio, harũgna hatĩ naa daahĩtha tarĩ.”

Maatteeo 21:42

Nĩngĩtĩ annẽẽkĩ Yeesu ĩhõõggõ, “Agayyu niig baa aduha ꞌBuuhi cĩ Nyekuci aĩ, “ ‘Ikia ĩĩ tiir bẽẽ baa abũrĩ teheꞌnyiooha gẽrrẽẽt hĩllõõan ꞌgõõnõgĩ vẽlẽk. ꞌGii ꞌcĩ baa adtican Makayyioohiti cieeni, nẽ ubulaneet ngagĩĩt gẽrrẽẽt ũdũt.’

Maarko 10:33

Baa aduhaak nẽẽ nuyyiook anneek, “Ĩthĩktõ, hõõ ꞌyioko naag ꞌJeruꞌthalẽma, ngaatĩ hatĩ õkõ õhõppõõcanõõthĩkĩ Ngeertĩ Eeto makayyiook cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha. Etteedĩk hatĩ nẽẽg ĩnõõnnõ daahĩth nẽ aanytĩk eet ꞌcĩg hõllõngaa ĩĩn ꞌJudeei,

Maarko 12:10

Ma ho, ĩĩnnĩk Yeesu ĩhõõggõ, nga nooyyia itigiilit niig thõõth baa eheeddi ꞌBuuhaa cĩ Nyekuci aĩ, “ ‘Bẽẽ baa abũrĩ teheꞌnyiooha, ikia ĩĩ bẽẽ ꞌcĩ ĩllõõan gẽrrẽẽt ꞌgoonoginni vẽlẽk?

Maarko 8:31

Ma nĩngaata, iꞌthianaaĩ Yeesu illiman nuyyiook ĩĩnnĩk, “Ammũda hatĩ Ngeertĩ Eeto ꞌcannan cobbi gẽrrẽẽt nẽ abũrĩ hatĩ makayyiooha cĩg eetuk hĩ makayyiook cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha ĩnõõnnõ. Aruhi hatĩ nẽẽ hadaak nẽ ũrũga tarĩ, urutaa cĩ waathinniook iyyio.”

Maarko 9:31

hĩnĩngĩtĩ baa alliman nẽẽ nuyyiook cĩgĩnnĩg anneek, “Õhõppõõcanoothĩk hatĩ Ngeertĩ Eeto athĩnĩĩ cĩg eet ꞌcĩg hatĩ õõ aruk ĩnõõnnõ. Nẽ urutaa cĩ waathinniook iyyio, arũgna hatĩ nẽẽ daahĩtha.”

ꞌLuuka 18:31

Ma ho, ũũhĩ Yeesu nuyyiook cĩgĩnnĩg ngadiiha nẽ ĩĩnnĩk, “Hõõ ꞌyioko hatĩ naag ꞌJeruꞌthalẽma nẽ õõ hatĩ edeeꞌnyia thooꞌthioha vẽlẽk baag ẽhẽẽd põrõvẽtaaꞌnya, hĩnĩngĩtĩ Ngeertĩ Eeto ĩĩca.

ꞌLuuka 18:33

Ma hatĩ urutaa cĩ waathinniook iyyio, arũgna hatĩ nẽẽ daahĩtha.”

ꞌLuuka 24:46

Baa aduhaak nẽẽ ĩhõõggõ anneek, “Thõõth ꞌcĩ baa eheeddi ho cieeni. Accananni hatĩ Krĩstõ nẽ ikia ũrũga daahĩtha kõr ꞌcĩ ĩĩn iyyio,

ꞌLuuka 9:22

Ma nĩngaata, uduhaak Yeesu nuyyiook ĩĩnnĩk, “Accananni hatĩ Ngeertĩ Eeto ĩꞌthõng nẽ ũtũbũrĩt makayyiooha cĩg eetuk hĩ makayyiook cĩg paadĩrꞌnyaannu, hĩ ꞌlimmanniook cĩg nyattaalak nẽ hatĩ uruhi. Ma urutaa cĩ waathinniook iyyio, arũgna hatĩ nẽẽ daahĩtha.”

Yõaannẽ 1:11

Baa aku nẽẽ looccaa cĩnnĩ nẽ hõllõngaa ẽlẽmĩ eeta cĩgĩnnĩg ĩnõõnnõ.

Yõaannẽ 12:38

Baa aku thõõth ciee aĩ, hátĩ hikia hedeeꞌnyia thõõth cĩ põrõvẽtaac Iꞌthaia baa aĩ, “Makayyioohit, nganĩ baa ꞌcĩ ẽlẽm nyeemuut cĩnaang, nẽ nganĩ baa ꞌcĩ ĩcĩn ꞌtirrian cunni cobbi?”