ꞌLuuka 17:20 - ꞌBuuk cĩ Thõõth cĩ Nyekuci

²⁰ Ma ho, ijinit Variꞌtheei ũgẽẽgĩ Yeesu kõr ꞌcĩ occa hatĩ akuuni habuccieet cĩ Nyekuci. Ẽdẽcĩ nẽẽ ĩhõõggõ anneek, “Aitiõõ habuccieet cĩ Nyekuci hõllõngaa aku ꞌgõõlaa ꞌcĩ occa acinnu niiga,

ꞌLuuka 17:20 ပူးပေါင်းရင်းမြစ်များ

ꞌLuuka 10:11

‘Ĩꞌnya hutuddungteeha tuduhaac cĩ ꞌtaaũn cunuung ꞌcĩ aaĩ ꞌthõõnĩ cĩggaang ko loota, hĩĩ terethiinit ꞌcĩ adulothoothikuung bolloohiniti. Nẽẽthĩ, agaac jurrung ngaatĩ aavvi habuccieet cĩ Nyekuci ojoonu.’

ꞌLuuka 14:1

Kõr umwa cĩ ꞌYiommaanõ, baa õkõ aduhi Yeesu õlõõ cĩ Variꞌtheenit umwa ꞌcĩ agayyi gẽrrẽẽt. Nĩngĩtĩ arũũrrĩ eeta ĩnõõnnõ,

ꞌLuuka 16:16

Ma ho, irrioonĩk Yeesu nuyyiook ĩĩnnĩk “Baa udukiaak eet vẽlẽk nyattalĩ cĩ Mũũꞌtha hĩ thõõth cĩ põrõvẽtaaꞌnyanu, ĩꞌthõng hikia Yõaannẽ Batitta. Nganĩngĩtĩ irkiꞌnyia nicciag, nga ꞌthẽk allimanoothĩk eet nyeemuut ꞌcĩ abũnnaa cĩ habuccieet cĩ Nyekuci noho nẽ nga ꞌthẽk attĩman eeta vẽlẽk kõmĩĩtha ngaatĩ occa adukni.

ꞌLuuka 19:11

Ma baa nga athĩhĩ eeta thõõth icci, ikia uduhaak Yeesu ĩhõõggõ thõõth ꞌcĩ awantoothĩk, hĩnĩngĩtĩ baa õbõktõ nẽẽ hĩ ꞌJeruꞌthalẽm nẽ baa ammuhuneek eeta aĩ, õkõ hatĩ edeeꞌnyia habuccieet cĩ Nyekuci nĩĩcĩ noho.

Yõaannẽ 18:36

Ma ho, ẽdẽc Yeesu ĩĩnnĩk, “Hõllõngaa ĩĩn habuccieet caannĩ cĩ looc nicci. Má baa hĩĩ habuccieet caannĩ cĩ looc nicci, occa baa iita eelliawaa dticcianniooha cĩgannĩg nganĩĩt, hiittiõõ hõllõngaa aggamma eeta cĩg ꞌJudeei. Nẽẽthĩ ꞌyioko, aku habuccieet caannĩ looccaa umwaanĩ.”