ꞌLuuka 17:16 - ꞌBuuk cĩ Thõõth cĩ Nyekuci

¹⁶ Nĩngĩtĩ aku ẽttẽẽdĩ looc ꞌthõõnĩĩ cĩg Yeesu nẽ atal ĩnõõnnõ gẽrrẽẽt. Nẽ baa ĩĩn ẽẽtĩ tĩho eet cĩ looc cĩ Thamaria.

ꞌLuuka 17:16 ပူးပေါင်းရင်းမြစ်များ

ꞌThianaattõ 17:3

Nĩngĩtĩ akannĩ Abũraamõ huruꞌnyia nẽ ĩĩnnĩk Nyekuci ĩnõõnnõ,

Maatteeo 10:5

Baa ĩꞌthõ Yeesu ꞌthooyyiak iccig ĩĩn õmmõtõ hĩ ꞌramma ho, ꞌgõõlaa ꞌcĩ annẽẽkĩ ĩhõõggõ, “Ma hooyyu hĩ eet ꞌcĩg hõllõngaa ĩĩn ꞌJudeei hode ꞌtaaũnnioohĩĩ cĩg eet cĩg Thamaria.

Maatteeo 2:11

Ma baa õdõlanit nẽẽg ꞌcieeth tĩho, iita ummuddiaak nẽẽg ĩdõlĩ tĩho hĩ aattĩnnĩ Maria nĩngaata, nĩngĩtĩ akannẽẽkĩ huruꞌnyia nẽ alaacõ ĩnõõnnõ. Ma ho, itikta ꞌbaaninit ꞌcĩ ĩĩn ꞌdaab hĩ mõhõõkac hĩ ngõrrõ umwa ꞌcĩ õꞌngõlĩ ẽmmẽdĩ ꞌcĩ haĩ ꞌmiira.

Maarko 5:33

Baa abarrit ngaa ciee nẽ itiẽẽlĩ gẽrrẽẽt, nĩngĩtĩ appulanaanĩ ẽlẽ cĩnnĩ, hĩnĩngĩtĩ agaõõthĩ nẽẽ ngaatĩ ammanyanõõĩ mõõrĩthĩ cĩnnĩ ho nẽ ikia akat huruꞌnyia muumaa cĩ Yeesu nẽ uduhaak ĩnõõnnõ thõõth vẽlẽk ꞌcĩ ĩĩn dĩdĩ.

ꞌLuuka 17:17

Ma nĩngaata, ijin Yeesu ĩhõõggõ ĩĩnnĩk, “Hõllõngaa nooyyia hatĩ ĩĩn eeta ꞌcĩg eelliaa ho õmmõtõ? Õõt tũrkũwwec ĩĩna?

ꞌLuuka 5:8

Ma baa acĩn ꞌThimõõnẽ ꞌcĩ haĩ ꞌthaar ũgĩ Pẽẽtũrũ thõõth icci ho, akat huruꞌnyia muumaa cĩ Yeesu nẽ ĩĩ, “Makayyioohit, ma hakuu hõbõktõ hĩ nganĩĩta, hĩnĩngĩtĩ hĩĩnĩ naa ꞌthẽccannioohit.”

Yõaannẽ 4:9

Ẽdẽcĩ ngaa nicciee Yeesu anneek, “Alayyaa gõõng ẽẽtĩ ꞌcĩ ĩĩnĩ ꞌJudeeinit ngaa ꞌcĩ hĩĩnĩ Thamaritaanoc maam hutuno?” (Baa ĩĩgĩnnõõ eeta cĩg ꞌJudeei hĩ eet cĩg Thamaria mĩrõk.)

Yõaannẽ 5:23

hátĩ hitingolli eeta vẽlẽk Ngeerĩnĩ, hĩcĩ iꞌngolli nẽẽg Maaꞌnyĩ. Nẽẽthĩ, ẽẽtĩ ꞌcĩ hõllõngaa iꞌngolli Ngeertĩ Nyekuci, hõllõngaa iꞌngolli Maaꞌnyĩ baa ĩꞌthõõa Ngeerĩnĩ.

Yõaannẽ 8:48

Ma ho, edecit eeta cĩg ꞌJudeei Yeesu ĩĩttĩk, “Hẽbẽaneeka naag ngaatĩ haĩnna, ĩĩnnĩ nii Thamaritaanoc nẽ aꞌnyahi lori ꞌcĩ abathĩ.”

Dtiicanĩ cĩg ꞌThooyyiahu 1:8

Nẽẽthĩ, ammũdaannu hatĩ ꞌtirriani, hatĩ ikia Lorii ꞌcĩ Ẽllẽẽmĩth hĩ ngagiita. Nẽ hatĩ iittu niig hẽbẽrĩ cĩgannĩg ꞌJeruꞌthalẽma hĩ looccaa cĩ ꞌJudeea hĩ looccaa cĩ Thamaria hĩ looc vẽlẽk.”

1 Korinthia 14:25

Appulana hatĩ nẽẽg thooꞌthiok ꞌcĩg ammiꞌthi ꞌthinneetinii cĩggĩĩng. Nẽẽthĩ hatĩ akatit huruꞌnyia nẽ ĩĩttĩg Nyekuc, “Hagayyia dĩdĩ ngaatĩ aayyi nii hĩ eet iccig.”

Terethiinit 19:10

Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”

Terethiinit 4:10

Ma ho, akatit makayyiooha ꞌcĩg ĩĩn hẽẽn ꞌramma hĩ ꞌwec ko huruꞌnyia nẽ alaacõ Nyekuc ꞌcĩ aaĩ dtaabawa nẽ ĩĩn nẽẽ Nyekuc ꞌcĩ aalla ooo. Nẽ itikta tẽmẽdẽhĩt cĩggĩĩng aarrik loota muumaa ꞌcĩ dtaaba nicci nẽ ĩĩtõ,

Terethiinit 5:14

Nĩngĩtĩ ẽdẽcĩ hẽlẽggĩ ꞌcĩg arũgĩ ĩĩn ꞌwec ko aĩnnĩ, “Aamẽn!” Ma ho, akatit makayyiooha ꞌcĩg ĩĩn hẽẽn ꞌramma hĩ ꞌwec ko huruꞌnyia nẽ alaacõ Nyekuc hĩ Mĩꞌnyõõn.