ꞌLuuka 16:9 - ꞌBuuk cĩ Thõõth cĩ Nyekuci

⁹ Haduhaakuunga, akattiaaĩ baliinit cĩ looc nicci ꞌgõnnaꞌthẽẽt hĩ eet cĩg looc nicci, hátĩ ma edeccia baliiniti cĩ looc nicci, ẽlẽmaakuung hatĩ Nyekuci uduhunit halang ꞌcĩ aalla ooo.

ꞌLuuka 16:9 ပူးပေါင်းရင်းမြစ်များ

Maatteeo 19:21

Ẽdẽcĩ Yeesu ĩnõõnnõ anneek, “Má adiimi ĩĩ eet ꞌcĩ abũnnaa, bĩĩt tũũõĩ hẽlẽggĩ vẽlẽk ꞌcĩg aꞌnyahi! Nẽ aaꞌnyĩhuu ꞌrabbẽẽt eet ꞌcĩg appĩĩrna nẽ thĩ hatĩ ũmmũda baliinit hẽẽtahujjieen. Nẽ thĩ ikia ũnũwaa nganĩĩta.”

Maatteeo 6:19

“Ma hitiangiꞌthu baliinit cunuung loota nĩnga, ngaatĩ aduhẽẽkĩ hurubo hĩ hẽlẽggĩ ꞌcĩg aaꞌnyĩk ꞌthĩĩk hohonooꞌthi, hĩ ngaatĩ avvahanĩ igorriaaha ꞌcieethi nẽ igorithita.

Maatteeo 6:24

“Aitiõõ ẽẽtĩ ꞌcĩ occa adticanoothĩk makayyiook ꞌramma tõõ! Ma adĩman noho, occa hinnia hatĩ aaburreek makayyioohit umwa nẽ ĩmmĩnan umwa, hode occa hinnia hatĩ adticanoothĩk makayyioohit hõdẽẽthõng nẽ aabureek umwa. Aitiõõ niig hõllõngaa occa adticanoothiku Nyekuc hĩ ꞌrabbẽẽt hõdẽĩ.”

ꞌLuuka 11:41

Nẽẽthĩ, aanytĩk eet ꞌcĩg appĩĩrna ꞌgii ꞌcĩ aaĩ hẽddẽẽmatõõ, hátĩ ĩĩtõ tẽllĩg.

ꞌLuuka 12:33

Utuuyyiõĩ ijjio cugguung nẽ aanytĩhu ꞌrabbẽẽt pĩĩrnattiaak. Aꞌnyĩĩk baliinit cunuung hitiangĩthĩ hẽẽtahujjieen ngaatĩ occa hõllõngaa igorꞌthiini nẽ iittiõõ ꞌthõrõhõnyĩta ꞌcĩg adak tõõ.

ꞌLuuka 14:14

Ĩnõõ ꞌcĩ hatĩ aggatanni Nyekuci nganiita. Tananga aitiõõ nẽẽg hõllõngaa adũmanniina, adũmannii hatĩ nii kõr ꞌcĩ arũgnaanĩ eeta ꞌcĩg abũnnaa daahĩtha.”

ꞌLuuka 16:11

Má hõllõngaa aꞌthuunnu niig baliinit cĩ looc nicci, nganĩ thĩ hatĩ ꞌcĩ aaꞌnyuung uꞌthuutti baliinit ꞌcĩ ĩĩn dĩdĩ ho?

ꞌLuuka 16:13

“Aitiõõ dticciannioohiti ꞌcĩ occa adticanoothĩk makayyiook ꞌramma tõõ. Occa hinnia hatĩ ammĩnan hõdẽẽthõng nẽ ahareek umwa hode occa adticanoothĩk hõdẽẽthõng jurrung nẽ appallaaran umwa. Occa hõllõngaa adticanoothiku niig Nyekuc hĩ ꞌrabbẽẽt hõdẽĩ.”

ꞌLuuka 16:4

Nẽẽthĩ nẽẽꞌthẽk, haga naa ꞌgii ꞌcĩ occa hadĩmani, hátĩ haccamattaawa eeta olooyyiohĩĩ cĩggĩĩng hatĩ hitiggiaĩ.’

Dtiicanĩ cĩg ꞌThooyyiahu 10:31

nẽ ĩĩ, ‘Korneellio, ĩthĩk Nyekuci laiinit cunni nẽ ummuhõõthĩ ꞌbaaninit gõõng aaꞌnyihi nii hullaha.

Dtiicanĩ cĩg ꞌThooyyiahu 10:4

Baa acĩn Korneellio ĩnõõnnõ tẽẽlꞌthĩta nẽ ĩĩnnĩk, “Aĩ ne Makayyioohit?” Ẽdẽcĩ aajĩlõ anneek, “Ẽlẽmĩ Nyekuci laiinit cunni hĩ ꞌbaaninit ꞌcĩ aaꞌnyihi nii hullaha ho.

2 Korinthia 4:17

Nẽ pĩĩrnanĩtĩ ciee haꞌnyak naag abadtẽc ko, ĩĩn ꞌcĩ akũmaneekeet ngagĩĩt, hátĩ hummuddia bulẽẽnĩt ꞌcĩ maka ꞌcĩ aalla ooo.

ꞌJuud 1:21

Uꞌthuutti ꞌgoolliok cĩg mĩnnan cĩ Nyekuci, hĩcĩ nga ereeyyu Makayyioohit cĩnaac Yeesu Krĩstõ hẽtẽrẽtha tamaati cĩnnĩ ngaatĩ aaꞌnyuung rũgẽt ꞌcĩ aalla ooo.