ꞌLuuka 16:8 - ꞌBuuk cĩ Thõõth cĩ Nyekuci

⁸ “Ma ho, ikia accamana ballioohiti dticciannioohit ꞌcĩ ĩĩn oloꞌngiaahit ko gẽrrẽẽt, ngaatĩ ẽggẽẽꞌnyĩ nẽ ĩdĩman eet ꞌcĩg acuhan ijjio jurrung. Nẽ dĩdĩ, ẽggẽẽnyĩth eeta cĩg looc nicci, ngaatĩ adĩmanĩ ꞌgõõnõgĩ jurrung hĩllõõanit eet cĩg lanyitaak.

ꞌLuuka 16:8 ပူးပေါင်းရင်းမြစ်များ

ꞌThianaattõ 3:1

Nẽ baa ĩĩn hũkaat ꞌgeeꞌnyiahit ꞌcĩ ĩllõõan idiꞌngwa vẽlẽk baag ẽhẽnyta Makayyioohiti Nyekuci. Ma baa kõr umwa, ikia ijin hũkaat ngaa ĩĩnnĩk, “Anneekuung nẽẽꞌthẽk baa Nyekuci ngagiit, ‘Ma haduku hẽẽn ꞌcĩg abbiiri manatõõ tõõ ho’ dĩdĩ?”

Luugithõõ 1:10

Hiita hummuhit ꞌgõõl umwa ꞌcĩ occa haaꞌnyĩkĩ eet iccig, hiittiõõ hõllõngaa arrit hĩĩtõ mẽẽlĩg. Nẽ má hõllõngaa hadĩman noho nẽ uluba jõrẽẽĩ umwaanĩ, arũm hinnia hatĩ nẽẽg eleeti hĩ mĩrõk cĩggaac nẽ huruktõõ hĩ ngagĩĩta nẽ hatĩ ũtũngteek looc cĩnaac.”

Maatteeo 12:32

Má õthõõth eet umwaa Ngeertĩ Eeto ꞌbuth, occa horoong ũũnnothoothĩk ꞌthẽccanĩ cĩnnẽẽnĩ. Nẽẽthĩ, ẽẽtĩ ꞌcĩ õthõõth Lori ꞌcĩ Ẽllẽẽmĩthĩ ꞌbuth, hõllõngaa hatĩ ũũnnothoothĩk ꞌthẽccanĩ cĩnnẽẽnĩ, rũgẽtaa cĩ looc nicci hode rũgẽtaa ꞌcĩ urutaa cĩ daahĩthõõ.

Maatteeo 17:26

Ẽdẽcĩ Pẽẽtũrũ anneek, “Alũta hĩ eet ũgĩ.” Nẽ ẽdẽc Yeesu ĩnõõnnõ ĩĩnnĩk, “Aitiõõ thĩ lohollia cĩggĩĩng hõllõngaa adũman occoro.

ꞌLuuka 16:10

“Ẽẽtĩ ꞌcĩ aꞌthũũnnĩ hẽlẽggĩ ꞌcĩg abadtẽc, aꞌthũũnnĩ hatĩ ꞌcĩg mẽẽlĩg buúk. Nẽ ẽẽtĩ ꞌcĩ hõllõngaa aꞌthũũnnĩ ꞌgii ꞌcĩ abadtẽc, hõllõngaa ꞌthẽk hatĩ aꞌthũũnnĩ ꞌcĩ maka buúk.

ꞌLuuka 16:4

Nẽẽthĩ nẽẽꞌthẽk, haga naa ꞌgii ꞌcĩ occa hadĩmani, hátĩ haccamattaawa eeta olooyyiohĩĩ cĩggĩĩng hatĩ hitiggiaĩ.’

ꞌLuuka 16:7

“Ma tarĩ ho, ijin umwa ĩĩnnĩk ‘Ma nooyyia baa nii acuhani thõng?’ “Ẽdẽcĩ nicciee aĩ, ‘Baa hacuhani naa lohoddwa aalib hõdẽĩ cĩg ꞌgẽẽmẽ.’ “Nĩngĩtĩ annẽẽkĩ ĩnõõnnõ, ‘Eri waraga cunni cieeni, teheedĩk ꞌmiiaꞌnya turkiyyio haaga.’

ꞌLuuka 18:6

Nĩngĩtĩ annẽẽkĩ Makayyioohiti nuyyiook cĩgĩnnĩg, “Ĩthĩhĩt thĩ dako nõõ thõõth ꞌcĩ aduha ꞌgaadĩ ꞌcĩ ĩĩn ꞌloorriahit ko.

ꞌLuuka 20:34

Ẽdẽcĩ Yeesu anneek, “Attihi eeta loota nĩnga diooni.

ꞌLuuka 20:35

Aitiõõ eeta ꞌcĩg hatĩ arũgna daahĩtha hõllõngaa attihi,

Yõaannẽ 12:36

Elemit lanyit nga arũmeennu ho nẽ hatĩ iita iittu lõhõlĩ cĩg lanyitaak.” Ma baa ẽdẽcaak Yeesu thõõth, ikia ũũk nẽẽ utuguny ẽlẽ cĩnnĩ.

1 Korinthia 3:18

Ma higgoollu eleeti. Má aĩ eet umwaa heggeenyi, hĩnĩngĩtĩ thõõth cĩ looc nicci, aꞌnyĩĩk hĩĩ ꞌgiiꞌthiahit, hátĩ hikia hẽggẽẽny.

Eevvetho 5:8

Hĩnĩngĩtĩ baa gõõng aattiyyu niig hĩ eeta ꞌcĩg aattĩg muguuratõõ, nẽẽthĩ ꞌyioko, iittu eet cĩg lanyitaak, hĩnĩngĩtĩ iittu eet cĩg Makayyiooktak. Nẽẽthĩ ꞌyioko, aaut hĩ lohollia cĩg lanyitaak,

Pilippi 3:19

Hanneekuung, aduhoothĩk hatĩ nẽẽg ꞌgwoyyiaa ꞌcĩ aalla ũdũt! Ala nẽẽg hẽlẽggĩ ꞌcĩg abũraneek eleeti cĩggĩĩng hĩĩ nyekuc cĩnĩĩng nẽ irrianit, hĩnĩngĩtĩ thooꞌthiok ꞌcĩg abathĩ ꞌcĩg adĩman nẽẽgĩ. Hẽlẽggĩ vẽlẽk ꞌcĩg ammuk nẽẽgĩ, ĩĩn hẽlẽggĩ cĩg looc nicci.

1 Tẽꞌthaloonika 5:5

Iittu niig vẽlẽk lõhõlĩ cĩg lanyitaak nẽ iittu lõhõlĩ cĩg waathĩnaak nẽ hõllõngaa hĩĩgĩn naag cĩg baalinu hode cĩg muguurak.

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.

1 Yõaannẽ 3:10

ꞌGõõl ꞌcĩ occa hagaĩ naag lõhõlĩ cĩg Nyekuci, hĩ lõhõlĩ cĩg habu cĩ loriẽẽt ꞌcĩg abathĩ cieeni. Ẽẽtĩ ꞌcĩ hõllõngaa adĩman thooꞌthiok ꞌcĩg aũlanĩ, hõllõngaa ĩĩn loholeec cĩ Nyekuci nẽ ẽẽtĩ ꞌcĩ hõllõngaa ammĩnan ꞌgõtõnĩ, hõllõngaa ĩĩn nẽẽ buúk loholeec cĩ Nyekuci.